OTT Horror Web Series: ఓటీటీలోకి మరో హారర్ వెబ్ సిరీస్.. అమావాస్య రోజు ఈ థ్రిల్లింగ్ అనుభవాన్ని ఇక్కడ పొందండి

OTT Horror Web Series: హారర్ జానర్ ప్రేక్షకులకు గుడ్ న్యూస్. దీపావళి, అమావాస్య రోజు హారర్ థ్రిల్ పొందాలనుకుంటే ఈ వెబ్ సిరీస్ మీకోసమే. గురువారం (అక్టోబర్ 31) నుంచి స్ట్రీమింగ్ కు వచ్చిన ఈ వెబ్ సిరీస్ పేరు డోన్ట్ కమ్ హోమ్ (Don't come home). తమ సొంత ఇంటిని వెతుక్కుంటూ వెళ్లిన ఓ తల్లీ కూతురుకు ఎదురైన చేదు అనుభవం నేపథ్యంలో ఈ సిరీస్ సాగుతుంది.

డోన్ట్ కమ్ హోమ్ ఓటీటీ స్ట్రీమింగ్

డోన్ట్ కమ్ హోమ్ ఓ హారర్ మిస్టరీ వెబ్ సిరీస్. ఈ సరికొత్త సిరీస్ నెట్‌ఫ్లిక్స్ లో స్ట్రీమింగ్ అవుతోంది. కొన్నాళ్ల కిందట ఈ సిరీస్ ట్రైలర్ ను రిలీజ్ చేశారు. థాయ్‌లాండ్ లోని అడవిలో ఉన్న ఓ మ్యాన్షన్ లో జరిగే హారర్ ఈ సిరీస్ ద్వారా ప్రేక్షకుల ముందుకు వచ్చింది.

దీపావళి (అక్టోబర్ 31) నాడే డోన్ట్ కమ్ హోమ్ వెబ్ సిరీస్ నెట్‌ఫ్లిక్స్ లో అడుగుపెట్టడం విశేషం. అమావాస్య రోజు హారర్ అందించే థ్రిల్ మరో లెవల్లో ఉంటుంది.

డోన్ట్ కమ్ హోమ్ స్టోరీ ఏంటంటే?

డోన్ట్ కమ్ హోమ్ ఓ థాయ్ వెబ్ సిరీస్. అయితే ఇండియాలో మాత్రం ఇంగ్లిష్, హిందీల్లోనూ నెట్‌ఫ్లిక్స్ లో స్ట్రీమింగ్ అవుతోంది. బ్యాంకాక్ నుంచి దూరంగా ఉన్న ఓ అడవిలో తన సొంత మ్యాన్షన్ కు కూతురితో కలిసి వస్తుంది వాళి అనే మహిళ.

అయితే అప్పటికే ఆ ఇంట్లో దెయ్యాలుంటాయన్న నమ్మకంతో స్థానికులు ఉంటారు. ఆ ఇంట్లోకి అడుగుపెట్టినప్పటి నుంచీ ఆ తల్లీకూతుళ్లకు వింత అనుభవాలు ఎదురవుతుంటాయి. ఆ తర్వాత సడెన్ ఒక రోజు ఆ కూతురు మిస్ అవుతుంది. ఆ తల్లి ఎంత వెతికినా కనిపించదు. దీంతో పోలీసులు రంగంలోకి దిగి ఆ పాప వేట మొదలుపెడతారు.

వాళ్ల విచారణలో విస్తుపోయే నిజాలు ఒక్కొక్కటిగా తెలుస్తుంటాయి. చివరికి ఆ తల్లినే పోలీసులు అనుమానిస్తారు. అసలు ఆమె ఎవరు? ఆ ఇంటికి ఎందుకు వచ్చింది? ఆ ఇంట్లో ఉండే అతీత శక్తుల కథేంటి? చివరికి ఆ పాప దొరుకుతుందా లేదా అన్నది ఈ డోన్ట్ కమ్ హోమ్ హారర్ మిస్టరీ వెబ్ సిరీస్ లో చూడొచ్చు. ఇది తొలి సీజన్ మాత్రమే. మరో సీజన్ కూడా వచ్చే అవకాశం ఉంది. డోన్ట్ కమ్ హోమ్ హారర్ వెబ్ సిరీస్ నెట్‌ఫ్లిక్స్ లో స్ట్రీమింగ్ అవుతోంది.