Hanuman Nizam Rights: కళ్లు చెదిరే మొత్తానికి హనుమాన్ నైజాం హక్కులు దక్కించుకున్న మైత్రీ మూవీస్

Hanuman Nizam Rights: సంక్రాంతి సందర్భంగా రిలీజ్ కానున్న సినిమాల్లో ఒకటైన హనుమాన్ నైజాం హక్కుల కోసం మైత్రీ మూవీస్ భారీ మొత్తం వెచ్చించడం విశేషం. ప్రశాంత్ వర్మ డైరెక్షన్ లో తేజ సజ్జ నటించిన ఈ సినిమా జనవరి 12న రిలీజ్ కాబోతోంది. తెలుగుతోపాటు ఇతర భాషల్లోనూ పాన్ ఇండియా మూవీగా రిలీజ్ కానున్న ఈ సినిమాపై భారీ అంచనాలే ఉన్నాయి.

తాజాగా హనుమాన్ మూవీ నైజాం హక్కులను మైత్రీ మూవీస్ ఏకంగా రూ.7.2 కోట్లకు దక్కించుకోవడం విశేషం. ఓ చిన్న సినిమాకు ఇది చాలా పెద్ద మొత్తమే అని చెప్పాలి. అంతేకాదు తెలుగు రాష్ట్రాల్లో ఈ హనుమాన్ ఏకంగా రూ.23 కోట్ల బిజినెస్ చేసింది. ఈ మూవీ నుంచి గతంలో వచ్చిన టీజర్, ట్రైలర్ కు మంచి రెస్పాన్స్ రావడంతో సంక్రాంతి బరిలోని పెద్ద సినిమాలకు గట్టి పోటీ ఇస్తుందని భావిస్తున్నారు.

దీంతో సినిమా హక్కులకు భారీ డిమాండ్ ఏర్పడింది. ఈ మూవీలో కోతి పాత్రకు ప్రముఖ నటుడు రవితేజ వాయిస్ ఓవర్ అందించడంతో హనుమాన్ పై మరింత ఆసక్తి నెలకొంది. ఈ మూవీలో అమృతా అయ్యర్ ఫిమేల్ లీడ్ గా కనిపిస్తోంది. వినయ్ రాయ్ విలన్ పాత్ర పోషించాడు. సముద్రఖని, వరలక్ష్మి శరత్‌కుమార్ ముఖ్యమైన పాత్రల్లో కనిపించారు.

హనుమాన్ సినిమా భారతీయ భాషలైన తెలుగు, హిందీ, మరాఠీ,తమిళం, కన్నడ, మలయాళంతోపాటు ఇంగ్లిష్, స్పానిష్, కొరియన్, చైనీస్, జపనీస్ భాషల్లోనూ రిలీజ్ కానుండటం విశేషం. ఈ మూవీని నిరంజన్ రెడ్డి ప్రొడ్యూస్ చేశాడు. హరి గౌర, అనుదీప్ దేవ్, కృష్ణ సౌరభ్ మ్యూజిక్ అందించారు.

హ‌నుమాన్ అండ‌గా దుష్ట‌శ‌క్తుల‌పై పోరాడే ఓ సాధార‌ణ యువ‌కుడి క‌థ‌తో హ‌నుమాన్ మూవీ తెర‌కెక్కింది. దాదాపు రూ.75 కోట్ల బ‌డ్జెట్‌తో గ్రాఫిక్స్ ప్ర‌ధానంగా ఈ మూవీని చిత్రీకరించడం విశేషం. హ‌నుమాన్ మూవీ జ‌న‌వ‌రి 12న రిలీజ్ కాబోతుండ‌గా.. ర‌వితేజ ఈగ‌ల్ మూవీ జ‌న‌వ‌రి 13న ప్రేక్ష‌కుల ముందుకొస్తుంది. జనవరి 12న మహేష్ బాబు గుంటూరు కారం కూడా రిలీజ్ కానున్న విషయం తెలిసిందే.