Ravi Teja Hanuman Movie: పోటీగా రిలీజ్ అవుతోన్న సినిమాకు ర‌వితేజ వాయిస్ ఓవ‌ర్ - హ‌నుమాన్ కొత్త అప్‌డేట్ ఇదే!

Ravi Teja Hanuman Movie: ఈ సంక్రాంతి బ‌రిలో తేజా స‌జ్జా హ‌నుమాన్ నిలిచింది. సూప‌ర్ హీరో క‌థాంశంతో మైథ‌లాజిక‌ల్ యాక్ష‌న్ ఎంట‌ర్‌టైన‌ర్‌గా హ‌నుమాన్ మూవీని ప్ర‌శాంత్ వ‌ర్మ తెర‌కెక్కించాడు. హ‌నుమాన్‌తో పాటు గుంటూరు కారం, ర‌వితేజ ఈగ‌ల్‌, నాగార్జున నా సామిరంగ ప్రేక్ష‌కుల ముందుకు రాబోతున్నాయి.

త‌న సినిమాకు పోటీగా రిలీజ్ అవుతోన్న హ‌నుమాన్ మూవీకి ర‌వితేజ వాయిస్ ఓవ‌ర్ ఇచ్చాడు. ఈ సినిమాలో కోటి అనే కోతి పాత్ర‌కు ర‌వితేజ వాయిస్ ఇచ్చాడు.

హీరో ల‌క్ష్యానికి అండ‌గా నిల‌బ‌డే కీల‌క పాత్ర కావ‌డంతోనే ర‌వితేజ‌తో ప్ర‌శాంత్ వ‌ర్మ టీమ్ వాయిస్ ఓవ‌ర్‌ను చెప్పిన‌ట్లు స‌మాచారం. ర‌వితేజ వాయిస్ ఓవ‌ర్ ఈ సినిమాకు స్పెష‌ల్ అట్రాక్ష‌న్‌గా నిలుస్తుంద‌ని చెబుతున్నారు.

కోటి పాత్ర‌కు ర‌వితేజ వాయిస్ ఓవ‌ర్ ఇచ్చిన విష‌యాన్ని బుధ‌వారం సినిమా యూనిట్ అఫీషియ‌ల్‌గా అనౌన్స్ చేసింది. ర‌వితేజ మైక్ ముందు డ‌బ్బింగ్ చెబుతోన్న ఓ పోస్ట‌ర్‌ను రిలీజ్ చేసింది.

హ‌నుమాన్ అండ‌గా దుష్ట‌శ‌క్తుల‌పై పోరాడే ఓ సాధార‌ణ యువ‌కుడి క‌థ‌తో హ‌నుమాన్ మూవీ తెర‌కెక్కుతోంది. హ‌నుమాన్ సినిమాలో అమృత అయ్య‌ర్ హీరోయిన్‌గా న‌టిస్తోంది.

తేజా స‌జ్జా సోద‌రిగా వ‌ర‌ల‌క్ష్మి శ‌ర‌త్ కుమార్ న‌టిస్తోండ‌గా...విల‌న్‌గా కోలీవుడ్ న‌టుడు విన‌య్ రాయ్ క‌నిపించ‌బోతున్నారు. దాదాపు 75 కోట్ల బ‌డ్జెట్‌తో గ్రాఫిక్స్ ప్ర‌ధానంగా ఈ మూవీ తెర‌కెక్కుతోంది. కాగా హ‌నుమాన్ మూవీ జ‌న‌వ‌రి 12న రిలీజ్ కాబోతుండ‌గా...ర‌వితేజ ఈగ‌ల్ మూవీ జ‌న‌వ‌రి 13న ప్రేక్ష‌కుల ముందుకొస్తుంది.