Devara Glimpse Update: దేవర గ్లింప్స్ అప్‍డేట్‍కు డేట్, టైమ్ ఫిక్స్.. కొత్త పోస్టర్‌తో అనౌన్స్‌మెంట్!
Devara Glimpse Update: దేవర సినిమా గ్లింప్స్ అప్‍డేట్ రెడీ అయింది. గ్లింప్స్ ఎప్పుడు వస్తుందో అనౌన్స్ చేసేందుకు మూవీ యూనిట్ డేట్‍ను ఖరారు చేసుకుంది. ఆ వివరాలు ఇవే.
Devara Glimpse Update: యంగ్ టైగర్ ఎన్టీఆర్ అభిమానులకు న్యూఇయర్ కానుకను దేవర మూవీ యూనిట్ రెడీ చేసింది. ఈ మూవీ గ్లింప్స్ కోసం ఎంతగానో ఎదురుచూస్తున్న ప్రేక్షకులకు అదిరే అప్‍డేట్ ఇచ్చేందుకు సిద్ధమైంది. ఎన్టీఆర్ హీరోగా నటిస్తున్న దేవర గ్లింప్స్ ఎప్పుడు రిలీజ్ కానుందో డేట్‍ను ప్రకటించేందుకు తేదీని మేకర్స్ ఖరారు చేశారు.
దేవర సినిమా గ్లింప్స్ గురించి అప్‍డేట్‍ను రేపు (జనవరి 1, 2024) మూవీ యూనిట్ వెల్లడించనుంది. కొత్త సంవత్సరం సందర్భంగా ఈ అప్‍డేట్‍ను తీసుకురావడం ఖాయమైంది. రేపు (జనవరి 1) ఉదయం 11 గంటల 7 నిమిషాలకు గ్లింప్స్ డేట్‍పై అనౌన్స్‌మెంట్ రానుంది. దేవర కొత్త పోస్టర్‌తో గ్లింప్స్ అప్‍డేట్‍ను మేకర్స్ తీసుకురానున్నారు.
దేవర గ్లింప్స్ జనవరి 8వ తేదీన రిలీజ్ అవుతుందని కొంతకాలంగా రూమర్లు వస్తున్నాయి. ఈ విషయంపై రేపు క్లారిటీ రానుంది. గ్లింప్స్ అదిరిపోయేలా ఉంటుందని కల్యాణ్ రామ్ ఇటీవలే చెప్పారు. అలాగే, ఈ చిత్రానికి దర్శకత్వం వహిస్తున్న మ్యూజిక్ డైరెక్టర్ అనిరుధ్ రవిచందర్ కూడా గ్లింప్స్ దద్దరిల్లుతుందంటూ ట్వీట్ చేశారు.
దేవర సినిమాకు కొరటాల శివ దర్శకత్వం వహిస్తున్నారు. సముద్రతీర వాసుల కోసం పోరాడే యోధుడి పాత్రను ఈ చిత్రంలో చేస్తున్నారు ఎన్టీఆర్. ఈ సినిమా షూటింగ్ జోరుగా సాగుతోంది. 2024 ఏప్రిల్ 5వ తేదీన దేవర పార్ట్-1 చిత్రాన్ని రిలీజ్ చేయనున్నట్టు మేకర్స్ ఇప్పటికే ప్రకటించారు. దీంతో ఈ సంవత్సరం ప్రారంభం నుంచే ప్రమోషన్లను క్రమంగా షురూ చేయాలని డిసైడ్ అయినట్టు తెలుస్తోంది.
దేవర సినిమా పాన్ ఇండియా రేంజ్‍లో భారీ బడ్జెట్‍తో రూపొందుతోంది. ఈ చిత్రంలో జాన్వీ కపూర్ హీరోయిన్‍గా నటిస్తున్నారు. బాలీవుడ్ నటుడు సైఫ్ అలీఖాన్, ప్రకాశ్ రాజ్, షైన్ టామ్ చాకో, శ్రీకాంత్, కలైయరాసన్ కీరోల్స్ చేస్తున్నారు. సెన్సేషనల్ మ్యూజిక్ డైెరెక్టర్ అనిరుధ్ రవిచంద్రన్ సంగీతం అందిస్తున్నారు.
ఆర్ఆర్ఆర్ సినిమా గ్లోబల్ హిట్ తర్వాత ఎన్టీఆర్ చేస్తున్న మూవీ కావటంతో దేవర సినిమాపై అంచనాలు మామూలుగా లేవు. భారీ బడ్జెట్‍తో ఈ చిత్రాన్ని యువసుధ ఆర్ట్స్, ఎన్టీఆర్ ఆర్ట్స్ బ్యానర్లు నిర్మిస్తున్నాయి. అండర్ వాటర్ సీక్వెన్స్, యాక్షన్ సీన్లు ఈ మూవీకి ప్రత్యేక ఆకర్షణగా ఉంటాయని తెలుస్తోంది. తన దృష్టిలో దేవర సినిమా గేమ్ ఆఫ్ థ్రోన్స్‌కు మించి ఉంటుందని కల్యాణ్ రామ్ ఇటీవల చెప్పారు. హైప్‍ను మరింత పెంచేశారు.
