Brahmanandam: బ్ర‌హ్మానందం ఓటీటీ ఎంట్రీ మూవీకి డిఫ‌రెంట్ టైటిల్ ఫిక్స్ - రిలీజ్ డేట్ ఇదే!

Brahmanandam: టాలీవుడ్ టాప్ క‌మెడియ‌న్‌ బ్ర‌హ్మానందం ఓటీటీలోకి ఎంట్రీ ఇస్తోన్నాడు. బ్ర‌హ్మానందం ఓటీటీ ఎంట్రీ మూవీ టైటిల్‌తో పాటు రిలీజ్ డేట్‌ను ఇటీవ‌ల రివీల్ చేశారు. ఈ సినిమాకు వీవీవై అనే డిఫ‌రెంట్ టైటిల్‌ను ఖ‌రారు చేశారు. వీవీవై అంటే ఏమిట‌న్న‌ది మాత్రం రివీల్ చేయ‌లేదు. వీవీవై మూవీ ఈటీవీ విన్ ఓటీటీలో జూలై 18న రిలీజ్ కాబోతోంది.

రోడ్ జ‌ర్నీ బ్యాక్‌డ్రాప్‌లో ఔట్ అండ్ ఔట్ ఎంట‌ర్‌టైన‌ర్‌గా ఈ మూవీ తెర‌కెక్కుతోన్న‌ట్లు స‌మాచారం. టైటిల్ పోస్ట‌ర్‌లో ఎల్లో క‌ల‌ర్ వ్యాన్‌ను చూపించారు. మోస్ట్ ఎంట‌ర్‌టైనింగ్ ట్రిప్ ఆఫ్ ది ఇయ‌ర్ అంటూ పోస్ట‌ర్‌పై ఉన్నక్యాప్ష‌న్ ఆస‌క్తిని పంచుతోంది. పోస్ట‌ర్‌, టైటిల్ తెలుగు ప్రేక్ష‌కుల్లో ఆస‌క్తిని పంచుతోన్నాయి.

బ్ర‌హ్మానందంతో పాటు...

వీవీవై మూవీలో బ్ర‌హ్మానందంతో పాటు సీనియ‌ర్ న‌రేష్, రాగ్‌మ‌యూర్ (కీడా కోలా ఫేమ్‌), ప్రియా వ‌డ్ల‌మాని కీల‌క పాత్ర‌లు పోషిస్తున్నారు. బ్ర‌హ్మానందం పాత్ర, ఆయ‌న కామెడీ టైమింగ్ ఈ సినిమాకు మెయిన్ ఎస్సెట్‌గా ఉండ‌బోతున్న‌ట్లు తెలిసింది. బ్ర‌హ్మి ఈజ్ బ్యాక్ అనిపించేలా బ్ర‌హ్మానందం క్యారెక్ట‌ర్‌ కామెడీని పంచుతుంద‌ని చెబుతోన్నారు. గెస్ట్ అప్పిరియెన్స్‌లా కాకుండా వీవీవై మూవీలో బ్ర‌హ్మానందం పాత్ర స్టార్టింగ్ నుంచి ఎండింగ్ వ‌ర‌కు క‌నిపిస్తుంద‌ని స‌మాచారం.

వీవీవై మూవీతో అనురాగ్ పాలుట్ల ద‌ర్శ‌కుడిగా టాలీవుడ్‌లోకి ఎంట్రీ ఇస్తోన్నాడు. భామ‌క‌లాపం, అశోక‌వ‌నంలో అర్జున క‌ళ్యాణం సినిమాల‌ను నిర్మించిన డ్రీమ్ ఫార్మ‌ర్స్ బ్యాన‌ర్‌పై బాపినీడు, సుధీర్ ఈద‌ర వీవీవై మూవీని నిర్మిస్తున్నారు. ఇటీవ‌ల వీవీవై మూవీ పూజా కార్య‌క్ర‌మాలు నిర్వ‌హించారు. ఇప్ప‌టికే షూటింగ్ మొద‌లుపెట్టిన‌ట్లు స‌మాచారం. వీవీవై మూవీకి ఆర్ హెచ్ విక్రమ్ సంగీతం అందిస్తుండగా అంకుర్ సి సినిమాటోగ్రాఫర్‌గా పని చేస్తున్నారు.

గ్యాప్ లేకుండా...

2019 వ‌ర‌కు గ్యాప్ లేకుండా సినిమాలు చేశాడు బ్ర‌హ్మానందం. హార్ట్ స‌ర్జ‌రీ కార‌ణంగా 2020 నుంచి సినిమాల వేగాన్ని త‌గ్గించాడు. గ‌త ఏడాది బ్రో, భోళాశంక‌ర్‌తో పాటు మ‌రికొన్ని సినిమాల్లో గెస్ట్ పాత్ర‌లు చేశాడు. రంగ‌మార్తండ‌లో సీరియ‌స్ రోల్‌లో క‌నిపించి న‌టుడిగా త‌న‌లోని కొత్త కోణాన్ని ప్రేక్ష‌కుల‌కు చూపించాడు. చాలా కాలం త‌ర్వాత త‌రుణ్ భాస్క‌ర్ ద‌ర్శ‌క‌త్వంలో రూపొందిన కీడాకోలా సినిమాలు ఫుల్ లెంగ్త్ రోల్ చేశాడు బ్ర‌హ్మానందం.

వ‌ర‌ద‌రాజులు అనే పాత్ర‌లో కామెడీని పండించాడు.త‌మిళంలో గ‌త ఏడాది సంతానం హీరోగా న‌టించిన కిక్ సినిమాతో కోలీవుడ్‌లోకి రీఎంట్రీ ఇచ్చాడు. ఇందులో సైంటిస్ట్ పాత్ర‌లో బ్ర‌హ్మానందం క‌నిపించాడు. ఇటీవ‌ల నేను పేరుతో బ్ర‌హ్మానందం త‌న ఆత్మ‌క‌థ‌ను రాశాడు. సినీ జ‌ర్నీలో త‌న‌కు ఎదురైన అనుభ‌వాల‌ను ఈ ఆత్మ‌క‌థ‌లో పొందుప‌రిచిన‌ట్లు స‌మాచారం.