Kannappa: కన్నప్ప కోసం బాహుబలి, జవాన్ యాక్షన్ కొరియోగ్రాఫర్.. మంచు విష్ణు స్కెచ్ అదుర్స్

Kecha Khamphakdee For Kannappa: మంచు విష్ణు డ్రీమ్ ప్రాజెక్ట్ కన్నప్ప ఇప్పుడు పాన్ ఇండియా స్థాయిలో ట్రెండ్ అవుతోంది. పాన్ ఇండియా స్టార్ ప్రభాస్, మలయాళ సూపర్ స్టార్ మోహన్ లాల్, కన్నడ స్టార్ హీరో శివ రాజ్ కుమార్ వంటి భారీ తారాగణంతో కన్నప్ప తెరకెక్కుతోంది. అలాంటి కన్నప్ప కోసం అంతర్జాతీయ యాక్షన్ కొరియోగ్రాఫర్ రంగంలోకి దిగారు. బాహుబలి, జవాన్, పొన్నియిన్ సెల్వన్ వంటి భారీ ప్రాజెక్టు‌లకు కెచా (Kecha Khamphakdee) ఫైట్స్ కంపోజ్ చేశారు. ఆయన కంపోజ్ చేసిన పోరాట సన్నివేశాలకు అంతర్జాతీయ స్థాయిలో గుర్తింపు లభించింది.

కన్నప్ప కోసం ఇంటర్నేనేషనల్ యాక్షన్ కొరియోగ్రాఫర్ కేచా కంపోజ్ చేయబోయే సీక్వెన్సులు ప్రేక్షకుల్ని సీటు అంచున కూర్చోబెడతాయని మేకర్స్ నమ్ముతున్నారు. మంచు విష్ణు ఈ కన్నప్ప సినిమాను అంతర్జాతీయ స్థాయిలో మలుచుతున్నారు. ప్రాచీన యుద్దాలను మళ్లీ తెరపైకి తీసుకురానున్నారు. ఆనాటి కాలంలో వాడిన ఆయుధాలు, అప్పుడు జరిగిన పోరాటలు, హై ఆక్టేన్ యాక్షన్ సీక్వెన్స్‌తో కన్నప్పను భారీ ఎత్తున నిర్మిస్తున్నారు.

ప్రేక్షకులను థ్రిల్ చేసే పోరాట సన్నివేశాలెన్నో ఈ చిత్రంలో ఉన్నాయి. వాటిని కెచా అద్భుతంగా కంపోజ్ చేయనున్నారని తెలుస్తోంది. ఆయన రాకతో కన్నప్ప మరోస్థాయికి వెళ్లింది. కన్నప్ప సినిమాను చూసిన ప్రేక్షకులకు కచ్చితంగా కొత్త అనుభూతి కలుగుతుంది అంటూ కన్నప్ప టీం తెలిపింది.

థాయ్ లాండ్, హాంకాంగ్ వంటి దేశాల నుంచి 80 మంది ఫైటర్లను కూడా కన్నప్ప సెట్స్ మీదకు తీసుకువచ్చారు. వారందరితో కెచా కంపోజ్ చేసే యాక్షన్ సీక్వెన్స్‌లు మాస్టర్ పీస్‌లా ఉండబోతున్నాయి. ఈ యాక్షన్ సీక్వెన్స్‌లు ప్రేక్షకుల్ని మంత్రముగ్దుల్ని చేయనున్నాయి. కాగా బాహుబలి, జవాన్ యాక్షన్ కొరియోగ్రాఫర్ కెచాను దింపి మంచు విష్ణు అదిరిపోయే స్కెచ్ వేశాడని నెటిజన్లు సోషల్ మీడియా వేదికగా కామెంట్స్ చేస్తున్నారు.