Kannappa: మంచు విష్ణు కన్నప్ప మూవీలో సూపర్ స్టార్.. జైలర్‌కు మించి! ఎలాంటి రోల్ అంటే?

Kannappa Updates: హీరో, మా అధ్యక్షుడు మంచు విష్ణు డ్రీమ్ ప్రాజెక్ట్ మూవీ కన్నప్ప. ఈ సినిమాను చాలా ప్రతిష్టాత్మకంగా తీసుకున్న మంచు విష్ణు అదే స్థాయిలో నటీనటులను ఎంపిక చేసుకుంటున్నట్లు తెలుస్తోంది. శ్రీకాళహస్తిలో పూజతో ప్రారంభించిన కన్నప్ప సినిమాలో ముందుగా నుపుర్ సనన్ హీరోయిన్ అని ప్రకటించారు. కానీ, తర్వాత ఆమె కన్నప్ప నుంచి తప్పుకుంటున్నట్లు మంచు విష్ణు ట్విటర్ వేదికగా తెలిపాడు. అనంతరం కన్నప్పలో ప్రభాస్ నటిస్తున్నాడని చెప్పి సెన్సేషన్ క్రియేట్ చేశాడు.

మోహన్ బాబు చెప్పినట్లుగా కన్నప్ప సినిమా పాన్ ఇండియా స్థాయిలో భారీగా తెరకెక్కిస్తున్నట్లుగా తెలుస్తోంది. కన్నప్పలో శివుడిగా ప్రభాస్, పార్వతిగా లేడి సూపర్ స్టార్ నయనతార నటిస్తున్నట్లు ఇప్పటికే వార్తలు జోరుగా వచ్చాయి. అంతేకాకుండా ఇటీవలే కన్నప్ప సినిమాలో మలయాళ సూపర్ సూపర్ స్టార్ మోహన్ లాల్ నటిస్తున్నట్లు తెలిపారు. ఇప్పటికైతే ప్రభాస్, మోహన్ లాల్ పాత్రలు కన్ఫర్మ్ అయ్యాయి. ఇప్పుడు ఇందులో మరో స్టార్ హీరో కనిపించనున్నట్లు ప్రచారం జరుగుతోంది.

కన్నప్ప సినిమాలో కన్నడ సూపర్ స్టార్ శివరాజ్ కుమార్ నటిస్తున్నారని సమాచారం. కన్నప్పలో శివరాజ్ కుమార్ ఓ ముఖ్య పాత్రను పోషిస్తున్నారట. ఈ విషయం సోషల్ మీడియాలో తెగ చక్కర్లు కొట్టాయి. దీనిపై హరహర మహదేవ్ అంటూ మంచు విష్ణు ట్వీట్ చేశాడు. ప్రస్తుతం ఈ ట్వీట్ తెగ వైరల్ అవుతోంది. అంటే కన్నప్ప సినిమాను పాన్ ఇండియా స్థాయిలో స్టార్ హీరోలతో నిర్మించనున్నట్లు అర్థం అవుతోంది.

ఇటీవల జైలర్ మూవీలో రజనీ, మోహన్ లాల్, శివరాజ్ కుమార్ ముగ్గురు సూపర్ స్టార్స్ నటించి రికార్డ్స్ క్రియేట్ చేశారు. ఇప్పుడు మలయాళ, కన్నడ సూపర్ స్టార్స్, పాన్ ఇండియా స్టార్ ప్రభాస్‌తో కలిసి వస్తున్న కన్నప్ప ఎలాంటి రికార్డ్స్ క్రియేట్ చేస్తుందో చూడాలి. కాగా కన్నప్ప సినిమాకు హిందీలో మహాభారతం సీరియల్ తెరకెక్కించిన ముఖేష్ కుమార్ సింగ్ దర్శకత్వం వహిస్తున్నారు. అవా ఎంటర్టైన్ మెంట్స్, 24 ఫ్రేమ్స్ ఫ్యాక్టరీ సంయుక్తంగా నిర్మించగా.. పరుచూరి గోపాలకృష్ణ, బుర్ర సాయిమాధవ్, తోట ప్రసాద్ రచనా సహకారం అందిస్తున్నారు.