Animal 17 Days Box Office Collections: యానిమల్ కలెక్షన్ల దూకుడు.. రూ.500 కోట్లు దాటేసింది

Animal 17 Days Box Office Collections: రణ్‌బీర్ కపూర్, రష్మిక మందన్నా నటించిన యానిమల్ మూవీ ఇండియాలో రూ.500 కోట్ల కలెక్షన్ల మార్క్ అందుకుంది. 17 రోజుల్లోనే ఈ సినిమా ఈ క్లబ్ లో చేరడం విశేషం. ఇక ప్రపంచవ్యాప్తంగా యానిమల్ మూవీ రూ.800 కోట్లు దాటేసింది. అయితే రూ.1000 కోట్ల క్లబ్ మాత్రం దక్కేలా లేదు.

ఈ వారం డంకీ, సలార్ రిలీజ్ కానుండటంతో ఈ రెండు, మూడు రోజులు మాత్రమే యానిమల్ మేనియా కనిపించనుంది. ఆదివారం 17వ రోజు ఈ సినిమా ఇండియాలో రూ.15 కోట్లు వసూలు చేసింది. దీంతో మొత్తం 17 రోజుల్లో ఇండియాలోని అన్ని భాషల్లో కలిపి యానిమల్ మూవీ రూ.512.94 కోట్లు వసూలు చేయడం విశేషం.

ఇక ప్రపంచవ్యాప్తంగా బాక్సాఫీస్ కలెక్షన్లు చూస్తే.. రూ.817.36 కోట్లకు చేరాయి. ఈ ఏడాది రిలీజైన బ్లాక్‌బస్టర్ మూవీస్ లిస్టులో యానిమల్ కూడా చేరింది. తొలి రోజు నుంచే కలెక్షన్ల సునామీ క్రియేట్ చేస్తున్న యానిమల్.. 17 రోజులైనా కూడా ఇంకా వెనక్కి తగ్గడం లేదు. అయితే సలార్, డంకీ రూపంలో ఈ సినిమాకు గట్టి పోటీ ఎదురు కానుంది.

ఆ లెక్కన ఈ వారంతో యానిమల్ బాక్సాఫీస్ దూకుడు తగ్గిపోనుంది. వచ్చే నెలలో ఈ మూవీ ఓటీటీలోకి వచ్చే అవకాశం ఉంది. నెట్‌ఫ్లిక్స్ ఈ సినిమా డిజిటల్ హక్కులను సొంతం చేసుకుంది. సంక్రాంతి సమయంలో యానిమల్ డిజిటల్ ప్రీమియర్ కు సిద్ధమయ్యే సూచనలు కనిపిస్తున్నాయి. ఈ సినిమా సూపర్ డూపర్ హిట్ కావడంతో యానిమల్ పార్క్ పేరుతో సీక్వెల్ కూడా రానుండటం విశేషం.

ఈ మూవీని కూడా సందీప్ రెడ్డి వంగా డైరెక్ట్ చేస్తుండగా.. రణ్‌బీర్ కపూరే నటించనున్నాడు. ఇక యానిమల్ ద్వారా నేషనల్ క్రష్ గా మారిపోయిన తృప్తి డిమ్రి ఈ సీక్వెల్ లో మరింత ముఖ్యమైన పాత్ర పోషించే అవకాశం ఉంది.