కేటగిరీ

తెలుగు న్యూస్ / ఎంటర్‌టైన్‌మెంట్ / Star Maa Deepavali Special: ఆదివారం విత్ స్టార్ మా పరివారం దీపావళి స్పెషల్ ప్రోమో అదుర్స్.. విశ్వక్సేన్, శ్రద్ధా ఎంట్రీ

Star Maa Deepavali Special: ఆదివారం విత్ స్టార్ మా పరివారం దీపావళి స్పెషల్ ప్రోమో అదుర్స్.. విశ్వక్సేన్, శ్రద్ధా ఎంట్రీ

Hari Prasad S HT Telugu Oct 25, 2024 10:39 PM IST

మమ్మల్ని ఫాలో అవ్వండి

Hari Prasad S HT Telugu

Oct 25, 2024 10:39 PM IST

Star Maa Deepavali Special: ఆదివారం విత్ స్టార్ మా పరివారం ఈసారి దీపావళి స్పెషల్ హంగామాతో ప్రేక్షకుల ముందుకు వస్తోంది. తాజాగా రిలీజైన ప్రోమోలో విశ్వక్సేన్, శ్రద్ధా శ్రీనాథ్ ఈ ఎపిసోడ్ కు స్పెషల్ ఎంట్రీ ఇచ్చారు. వీళ్లు మెకానిక్ రాకీ అనే మూవీలో కనిపించబోతున్న విషయం తెలిసిందే.

ఆదివారం విత్ స్టార్ మా పరివారం దీపావళి స్పెషల్ ప్రోమో అదుర్స్.. విశ్వక్సేన్, శ్రద్ధా ఎంట్రీ

మమ్మల్ని ఫాలో అవ్వండి

Star Maa Deepavali Special: స్టార్ మాలో ప్రతి ఆదివారం వచ్చే ఆదివారం విత్ స్టార్ మా పరివారం షో ఈసారి మరింత వినోదాన్ని పంచబోతోంది. తాజాగా శుక్రవారం (అక్టోబర్ 25) ఈ దీపావళి స్పెషల్ ఎపిసోడ్ కు సంబంధించి ఆరు నిమిషాలకుపైగా ఉన్న ప్రోమోను రిలీజ్ చేశారు. నవ్వులతోపాటు కొన్ని ఎమోషనల్ మూమెంట్స్ తో ఈ ప్రోమో ఆసక్తికరంగా సాగింది.

ఆదివారం విత్ స్టార్ మా పరివారం ప్రోమో

ఆదివారం విత్ స్టార్ మా పరివారం షో ఈ ఆదివారం (అక్టోబర్ 27) ఉదయం 11 గంటలకు స్టార్ మా ఛానెల్లో టెలికాస్ట్ కానుంది. వచ్చే వారం దీపావళి నేపథ్యంలో ఈసారి స్పెషల్ ఎపిసోడ్ ను ప్రేక్షకుల ముందుకు తీసుకొస్తున్నారు.

దీనికోసం ఈ మధ్యే స్టార్ మా పరివార్ అవార్డులు గెలుచుకున్న వాళ్లంతా ఈ షోకి వచ్చి సందడి చేశారు. అంతేకాదు వాళ్లతోపాటు మెకానిక్ రాకీ మూవీలో నటించిన విశ్వక్సేన్, శ్రద్ధా శ్రీనాథ్ కూడా స్పెషల్ అట్రాక్షన్ గా నిలిచారు.

ప్రోమో ఎలా ఉందంటే?

ఆదివారం విత్ స్టార్ మా పరివారం ఈ వారం ఎపిసోడ్ ఎంతో సరదాగా సాగిపోనున్నట్లు తాజా ప్రోమో చూస్తే తెలుస్తోంది. స్టార్ మా పరివార్ అవార్డుల విజేతలతో ఈ షో హోస్ట్ శ్రీముఖి చేసిన హంగామా మామూలుగా లేదు. ఈ స్పెషల్ ఎపిసోడ్ కు అవార్డులు గెలుచుకున్న వాళ్లంతా వచ్చారు. ప్రోమో మొదట్లో వాళ్ల ఎంట్రీలను చూపించారు.

ఉత్తమ కొడుకు, ఉత్తమ అత్త, ఉత్తమ మామ, ఉత్తమ జోడీ.. ఇలా స్టార్ మా పరివార్ అవార్డుల్లో వివిధ కేటగిరీల్లో అవార్డులు గెలుచుకున్న వాళ్లంతా ఎంతో ఉత్సాహంగా ఇందులో పాల్గొన్నారు. తర్వాత ఈ విజేతలతో విశ్వక్సేన్, శ్రద్ధా శ్రీనాథ్ సందడి చేశారు. వాళ్లతో కలిసి ఆడి పాడారు. ఇదంతా ఎంతో సరదాగా సాగిపోయింది.

అయితే ప్రోమో చివర్లో కొన్ని ఎమోషనల్ సీన్లను కూడా చూపించారు. అవార్డులు గెలుచుకున్న వారి కుటుంబాలు స్టేజ్ మీదికి రావడంతో వాళ్లు తమ కష్టాలను తలుచుకుంటూ భావోద్వేగానికి గురయ్యారు. కొందరు కంటతడి పెట్టారు. ఇలా ఈ వారం ఆదివారం విత్ స్టార్ మా పరివారం షో ఎంతో వినోదాన్ని పంచబోతున్నట్లు ప్రోమో చూస్తేనే తెలుస్తోంది.