T20 Worlcup : టీమిండియా టీ20 వరల్డ్ కప్ జట్టులో హార్దిక్ వద్దని చెప్పిన రోహిత్.. కానీ!
Hardik Pandya T20 World Cup : టీ20 వరల్డ్ కప్కి హార్దిక్ పాండ్యాని ఎంపిక చేయవద్దని రోహిత్ శర్మ చెప్పాడట. హార్దిక్ని ఎంపిక చేయడం.. బీసీసీఐ చీఫ్ సెలక్టర్ అజిత్ అగర్కర్కి కూడా ఇష్టం లేదట!
T20 Worlcup Team India : టీ20 ప్రపంచ కప్ 2024.. ఇంకొన్ని రోజుల్లో ప్రారంభంకానుంది. టీమిండియా జట్టు వివరాలు కూడా బయటకు వచ్చాయి. అయితే.. ఐపీఎల్ 2024లో ముంబై ఇండియన్స్కు కెప్టెన్సీ చేస్తూ సర్వత్రా విమర్శలు ఎదుర్కొంటున్న హార్దిక్ పాండ్యాకు.. టీమిండియా టీ20 వరల్డ్ కప్ జట్టులో చోటు ఉంటుందా? అని చాలా కాలం పాటు ఊహాగానాలు జోరుగా సాగాయి. వాటిని పక్కనపెడుతూ.. పాండ్యాను కూడా టీమ్లోకి తీసుకున్నారు. అయితే.. హార్దిక్ పాండ్యాని జట్టులో తీసుకోవడం అటు కెప్టెన్ రోహిత్ శర్మకు, ఇటు బీసీసీఐ చీఫ్ సెలక్టర్ అజిత్ అగర్కర్కి ఇష్టం లేదట! తీవ్ర ఒత్తిడి మధ్య.. 15 సభ్యుల బృందంలో హార్దిక్ పాండ్యాని తీసుకోవాల్సి వచ్చిందట.
హార్దిక్ వద్దని చెప్పిన రోహిత్ శర్మ..!
ప్రముఖ వార్తా సంస్థ దైనిక్ జాగ్రన్ కథనం ప్రకారం.. బీసీసీఐ చీఫ్ అజిత్ అగర్కర్, కెప్టెన్ రోహిత్ శర్మలు.. హార్దిక్ పాండ్యాని జట్టులోకి తీసుకోవడంపై అయిష్టంగా ఉన్నారు. కానీ.. ఒత్తిడి కారణంగా పాండ్యాను తీసుకోవాల్సి వచ్చింది. మరి అది ఎలాంటి ఒత్తిడి, ఏ సందర్భంలో హార్దిక్ని టీమిండియా టీ20 వరల్డ్ కప్ జట్టులోకి తీసుకోవాల్సి వచ్చిందో.. సదరు మీడియా సంస్థ చెప్పలేదు.
ఇక.. ఈ టీ20 వరల్డ్ కప్ తర్వాత.. రోహిత్ శర్మ, టీ20 కెప్టెన్సీ నుంచి తప్పుకుంటాడని నివేదిక పేర్కొంది.
ఇదీ చూడండి:- GT vs KKR IPL 2024: మ్యాచ్ వర్షార్పణం.. ప్లేఆఫ్స్ రేసును నుంచి గుజరాత్ ఔట్.. కోల్‍కతాకు టాప్-2 పక్కా
Hardik Pandya Rohit Sharma : టీమిండియా టీ20 వరల్డ్ కప్ సెలక్షన్ తర్వాత జరిగిన మీడియా సమావేశంలో.. 'ఫామ్లో లేని హార్దిక్ పాండ్యాను ఎందుకు తీసుకున్నారు?' అని రిపోర్టలు అడగ్గా.. 'మాకు వేరే ఆప్షన్ లేదు. పాండ్యాను రిప్లేస్ చేసే ప్లేయర్ లేడు,' అన్నట్టు జవాబిచ్చాడు అజిత్ అగర్కర్.
కొనసాగుతున్న హార్దిక్ కష్టాలు..
హార్దిక్ పాండ్యాకు ఐపీఎల్ 2024 కలిసి రాలేదు. రోహిత్ శర్మ నుంచి ముంబై ఇండియన్స్ కెప్టన్సీ బాధ్యతలు తీసుకున్న అతను మెరుగైన ప్రదర్శన చేయలేదు. టైటిల్ ఫేవరెట్లుగా బరిలోకి దిగి..చివరికి, ప్లేఆఫ్స్ రేసు నుంచి బయటకు వెళ్లిన తొలి జట్టుగా నిలిచింది ముంబై ఇండియన్స్. ఇక రోహిత్ శర్మ ఫ్యాన్స్.. పాండ్యాను ఎగతాళి చేయడం మొదలుపెట్టారు. చాలాసార్లు హార్దిక్ పాండ్యాపై విమర్శలు వెల్లువెత్తాయి.
T20 World Cup 2024 : హార్దిక్ పాండ్యా ఫామ్ నిజంగానే దారుణంగా ఉంది. మరి టీ20 వరల్డ్ కప్లో టీమిండియా తరఫున ఈ ఆల్ రౌండర్ ఏ మేరకు ప్రదర్శన చేస్తాడో చూడాలి.
సంబంధిత కథనం