Hardik Pandya : భార్యతో విడాకుల రూమర్స్​ మధ్య.. విదేశాల్లో హార్దిక్​ వెకేషన్​!

Hardik Pandya and Natasa news : భార్య నటాషాతో విడాకుల రూమర్స్​ మధ్య టీమిండియా ఆల్​రౌండర్​ హార్దిక్​ పాండ్యా మళ్లీ వార్తల్లో నిలిచాడు. మరోవైపు.. 2024 టీ20 వరల్డ్​ కప్​ కోసం వెళ్లిన టీమిండియా జట్టులో అతను చేరలేదు. మరి హార్దిక్​ పాండ్య ఎక్కడ ఉన్నడు? అన్నది సర్వత్రా చర్చనీయాంశంగా మారింది. దీనిపై క్రిక్​బజ్​ ఒక రిపోర్టు విడుదల చేసింది. హార్దిక్​ పాండ్య.. వెకేషన్​లో ఉన్నట్టు తెలిపింది.

వెకేషన్​లో హార్దిక్​ పాండ్య..

హార్దిక్​ పాండ్యకు 2024 కలిసి రావడం లేదు! ముంబై ఇండియన్​ కెప్టెన్​గా, ప్లేయర్​గా ఐపీఎల్​ 2024లో ఘోరంగా విఫలమయ్యాడు. రోహిత్​ శర్మ నుంచి పగ్గాలు తీసుకున్న పాండ్యపై ఫ్యాన్స్​ అసంతృప్తితో ఎగతాళి చేశారు. వీటన్నింటి మధ్య.. ముంబై ఇండియన్స్​ లీగ్​ స్టేజ్​లోనే బయటకు వెళ్లిపోయింది. ఆ తర్వాతే.. హార్దిక్​ పాండ్య వ్యక్తిగత జీవితంపై ఫోకస్​ పెరిగింది. భార్య నటాషా.. తన ఇన్​స్టాగ్రామ్​లో హార్దిక్​ పాండ్య ఫొటోలను తొలగించింది. ఇద్దరు విడాకులు తీసుకోవడం దాదాపు ఖాయం అని, భరణం కింద.. నటాషాకు పాండ్య ఆస్తిలో 70శాతం లభిస్తుందని వార్తలు గుప్పుమన్నాయి.

ఇదిలా ఉండగా.. టీ20 వరల్డ్​ కప్​ కోసం టీమిండియా జట్టు సభ్యుల్లో చాలా మంది న్యూయార్క్​ చేరుకున్నారు. సంజూ సమ్​సన్​, యశస్వీ జైస్వల్​, చాహల్​, ఆవేశ్​ ఖాన్​త విరాట్​ కోహ్లీ, హార్దిక్​ పాండ్యలు మాత్రం ఇంకా వెళ్లలేదు. వ్యక్తిగత కారణాల వల్ల బీసీసీఐ అనుమతి తీసుకుని, టీమ్​లో ఆలస్యంగా చేరుతున్నాడు విరాట్​ కోహ్లీ. ఇక భార్యతో విడాకుల రూమర్స్​ మధ్య.. హార్దిక్​ పాండ్య ఇంకా బయట కనిపించలేదు. ప్రస్తుతం.. విదేశాల్లో, ఎవరికి తెలియని ప్రదేశంలో వెకేషన్​లో ఉన్నట్టు క్రిక్​బజ్​ నివేదిక చెప్పింది.

Hardik Pandya and Natasa divorce : మరి హార్దిక్​ పాండ్య న్యూయార్క్​కు వెళ్లి టీమిండియా జట్టుతో ఎప్పుడు కలుస్తాడు? అన్న దానిపై స్పష్టత రాలేదు. అయితే.. టీమిండియా మొదటి ప్రాక్టీస్​ సెషన్​ కల్లా అతను జట్టులో చేరతాడని టాక్​ నడుస్తోంది.

టీ20 వరల్డ్​ కప్​లో టీమిండియా..

2007లో టీ20 వరల్డ్​ కప్​ గెలుచుకున్న టీమిండియా.. ఆ తర్వాత ట్రోఫీని దక్కించుకోలేదు. ఈసారి.. యూఎస్​ఏ, వెస్టిండీస్​లో జరగనున్న టీ20 వరల్డ్​ కప్​పై అభిమానులు భారీ అంచనాలు పెట్టుకున్నారు. మరీ ముఖ్యంగా జూన్​ 9న పాకిస్థాన్​తో మ్యాచ్​లో టీమిండియా ఎలాగైనా గెలవాలని ఆశిస్తున్నారు. ఇక టీ20 వరల్డ్​ కప్​కి ముందు.. బంగ్లాదేశ్​తో జూన్​ 1న న్యూయార్క్​లో వార్మప్​ మ్యాచ్​ ఆడనుంది టీమిండియా.

Hardik Pandya and Natasa : ఈ మెగా టోర్నీలో గ్రూప్ ఏలో భాగంగా లీగ్ స్టేజ్​లో టీమిండియా ఆడబోయే మ్యాచ్ ల వివరాలు, భారత కాలమానం ప్రకారం మ్యాచ్ జరిగే సమయాలు ఇక్కడ చూడొచ్చు.

ఇండియా వెర్సెస్ ఐర్లాండ్ - జూన్ 5 రాత్రి 8 గంటలకు.. ( న్యూయార్క్)

ఇండియా వెర్సెస్ పాకిస్థాన్ - జూన్ 9 రాత్రి 8 గంటలకు (న్యూయార్క్)

ఇండియా వెర్సెస్ యూఎస్ఏ - జూన్ 12 రాత్రి 8 గంటలకు (న్యూయార్క్)

ఇండియా వెర్సెస్ కెనడా - జూన్ 15 రాత్రి 8 గంటలకు (లాండర్‌హిల్)

పూర్తి వివరాల కోసం ఇక్కడ క్లిక్​ చేయండి.