Rashid Khan: ఇంటివాడైన అఫ్గ‌నిస్థాన్ క్రికెట‌ర్ ర‌షీద్ ఖాన్ - పెళ్లి ఫొటోలు, వీడియోలు వైర‌ల్‌

Rashid Khan: అఫ్గ‌నిస్థాన్ స్టార్ క్రికెట‌ర్ ర‌షీద్‌ఖాన్ ఓ ఇంటివాడ‌య్యాడు. అఫ్గ‌నిస్థాన్ రాజ‌ధాని కాబూల్‌లో ఓ ఫైవ్‌స్టార్ హోట‌ల్‌లో ర‌షీద్‌ఖాన్ పెళ్లి వేడుక‌లు జ‌రిగాయి. ఈ పెళ్లి వేడుక‌ల తాలూకు ఫొటోలు, వీడియోలు సోష‌ల్ మీడియాలో వైర‌ల్ అవుతోన్నాయి. ఫాష్తూన్స్ సంప్ర‌దాయం ప్ర‌కారం ర‌షీద్ ఖాన్ పెళ్లి జ‌రిగింది.

ర‌షీద్ ఖాన్ పెళ్లికి ప‌లువురు అఫ్గ‌నిస్థాన్ క్రికెట‌ర్లు హాజ‌ర‌య్యారు. పెళ్లి వేడుక‌లో సంద‌డి చేశారు.పెళ్లిపీట‌లు ఎక్కిన ర‌షీద్‌ఖాన్‌కు ప‌లువురు క్రికెట‌ర్ల‌తో పాటు అభిమానులు శుభాకాంక్ష‌లు అంద‌జేస్తున్నారు.

బ‌ర్త్‌డే రోజు ఐదు వికెట్లు...

అఫ్గ‌నిస్థాన్ స్టార్ క్రికెట‌ర్ల‌లో ర‌షీద్‌ ఖాన్ ఒక‌డిగా కొన‌సాగుతోన్నాడు. ఆల్‌రౌండ్ ప్ర‌ద‌ర్శ‌న‌తో అఫ్గాన్‌కు ఎన్నో అద్భుత విజ‌యాల్ని అందించాడు. ఇటీవ‌లే సౌతాఫ్రికాతో జ‌రిగిన వ‌న్డే సిరీస్‌ను ర‌షీద్ ఖాన్ సాయంతో అఫ్గాన్ సొంతం చేసుకున్న‌ది. త‌న బ‌ర్త్‌డే రోజు జ‌రిగిన మ్యాచ్‌లో ర‌షీద్ ఖాన్ ఐదు వికెట్లు తీసుకున్నాడు.

105 వ‌న్డేలు...

ఇప్ప‌టివ‌ర‌కు అఫ్గ‌నిస్థాన్ త‌ర‌ఫున 105 వ‌న్డేలు ఆడిన ర‌షీద్ ఖాన్ 190 వికెట్లు తీసుకున్నాడు. ఐదు వికెట్ల‌ను ఐదు సార్లు తీసుకున్నాడు. బ్యాటింగ్‌లో రాణించిన ర‌షీద్‌ఖాన్ వ‌న్డేల్లో ఐదు హాఫ్ సెంచ‌రీల‌తో 1322 ర న్స్ చేశాడు.

టీ20ల్లో నంబ‌ర్ వ‌న్ ర్యాంక్‌...

టీ20 క్రికెట్‌లో ర‌షీద్ ఖాన్‌కు మెరుగైన రికార్డు ఉంది. ఐసీసీ టీ20 ఆల్‌రౌండ‌ర్స్ ర్యాంకింగ్స్‌లో ర‌షీద్‌కాన్ టాప్ ప్లేస్‌లో కొన‌సాగుతోన్నాడు. కెరీర్‌లో 93 టీ20 మ్యాచ్‌లు ఆడిన ర‌షీద్‌ఖాన్ 152వికెట్ల‌తో పాటు 460 ర‌న్స్ చేశాడు.

గుజ‌రాత్ టైటాన్స్‌...

ఐపీఎల్‌లో ప్ర‌స్తుతం గుజ‌రాత్ టైటాన్స్‌కు ర‌షీద్ ఖాన్ ప్రాతినిథ్యం వ‌హిస్తున్నాడు. ఇప్ప‌టివ‌ర‌కు ఐపీఎల్‌లో 121 మ్యాచ్‌లు ఆడిన ర‌షీద్ ఖాన్ 149 వికెట్లు, 575 ర‌న్స్ చేశాడు. గుజ‌రాత్ టైటాన్స్ కంటే ముందు స‌న్‌రైజ‌ర్స్ టీమ్‌కు ఆడాడు ర‌షీద్‌ఖాన్‌. 2022 ఐపీఎల్ మెగావేలంలో ప‌దిహేను కోట్ల‌కు గుజ‌రాత్ టైటాన్స్ ర‌షిద్ ఖాన్‌ను కొనుగోలు చేసింది. ఐపీఎల్‌లో అత్య‌ధిక ధ‌రకు అమ్ముడుపోయిన అఫ్గాన్ క్రికెట‌ర్‌గా ర‌షీద్ ఖాన్ రికార్డ్ క్రియేట్ చేశాడు.