Amazon Prime: అమెజాన్ ప్రైమ్ మెంబర్లకు బ్యాడ్ న్యూస్; జనవరి నుంచి అలా కుదరదు..

Amazon Prime video: అమెజాన్ భారతదేశంలో తన ప్రైమ్ వీడియో సబ్స్క్రిప్షన్ ప్లాన్లను సవరిస్తోంది. ఒక సబ్ స్క్రిప్షన్ తో అమెజాన్ ప్రైమ్ వాడే డివైజెస్ సంఖ్యలో పరిమితులను తీసుకువస్తుంది. జనవరి 2025 నుండి, అమెజాన్ ప్రైమ్ చందాదారులు ఐదు డివైజ్ ల నుండి లాగిన్ కావచ్చు. వాటిలో రెండు టీవీలు మాత్రమే ఉంటాయి. మిగితావి మొబైల్, ల్యాప్ టాప్, ట్యాబ్ మొదలైనవిగా ఉంటాయి. అందువల్ల ప్రైమ్ వీడియో వినియోగదారులు అదనపు టీవీ యాక్సెస్ కోరుకుంటే, వారు ప్రత్యేక సబ్ స్క్రి ప్షన్ ను కొనుగోలు చేయాల్సి ఉంటుంది.

కొత్త రూల్స్ పై సమాచారం

ప్రైమ వీడియోకు సంబంధించిన ఈ కొత్త నిబంధనల గురించి అమెజాన్ ఇప్పటికే వినియోగదారులకు ఈ మెయిల్ ద్వారా సమాచారం అందించింది. డివైజెస్ లిమిట్ పై అప్ గ్రేడ్ చేసిన నిబంధనలకు అందులో వివరించింది. కొత్త అమెజాన్ ప్రైమ్ సబ్ స్క్రిప్షన్ నిబంధనలు స్నేహితులు, కుటుంబ సభ్యులతో ప్రైమ్ ఖాతాను పంచుకోవడంలో పరిమితులు విధిస్తాయి.

అమెజాన్ ప్రైమ్ సబ్ స్క్రిప్షన్ రూల్స్

అమెజాన్ తన ప్రైమ్ సబ్ స్క్రిప్షన్ రూల్స్ ను అప్ డేట్ చేసింది. ఇది ఒకే ఖాతా నుండి ఉపయోగించే పరికరాల సంఖ్య, రకాలను పరిమితం చేస్తుంది. ప్రైమ్ వీడియో వినియోగదారులు ఐదు డివైజ్ లకు లాగిన్ అవ్వవచ్చు. అయితే ఈ ఐదు డివైజ్ లలో రెండు మాత్రమే టీవీలు ఉంటాయి. అందువల్ల, మీరు మరొక టీవీలో ప్రైమ్ వీడియోను యాక్సెస్ చేయాలనుకుంటే మీరు ప్రత్యేక ప్లాన్ కొనుగోలు చేయాలి. చాలామంది టీవీల్లో ఓటీటీ కంటెంట్ చూడటానికి ఇష్టపడతారు కాబట్టి తమ అకౌంట్ లను పంచుకునే వారికి ఇది విచారకరమైన వార్తగా అనిపించవచ్చు

నెట్ ఫ్లిక్స్, డిస్నీ + హాట్ స్టార్

నెట్ ఫ్లిక్స్ (netflix), డిస్నీ + హాట్ స్టార్ (disney plus hotstar) సహా అనేక ఓటీటీ ప్లాట్ ఫామ్స్ గ్యాడ్జెట్ రకంతో సంబంధం లేకుండా పరికరాల సంఖ్యపై పరిమితులను కలిగి ఉన్నాయి. అమెజాన్ మాత్రమే ఇప్పటివరకు పరిమితులను ప్రవేశపెట్టలేదు. అదనంగా, వినియోగదారులు డివైజ్ ల సంఖ్యను పెంచడానికి అనేక ప్లాన్ లను కలిగి ఉన్నాయి, తద్వారా వాటిని స్నేహితులు మరియు కుటుంబ సభ్యులతో సులభంగా పంచుకోవచ్చు.

అమెజాన్ ప్రైమ్ సబ్ స్క్రిప్షన్ ధర

అమెజాన్ (amazon) ప్రైమ్ సబ్ స్క్రిప్షన్ నెలవారీ ప్రారంభ ధర రూ.299. త్రైమాసిక చెల్లింపులకు ఇది రూ.599గా ఉంది. వార్షిక చందాకు రూ.1499. కేవలం రూ.799కే ప్రైమ్ లైట్, రూ.399కే ప్రైమ్ షాపింగ్ ఎడిషన్ లభిస్తుంది. ప్రైమ్ లైట్ సబ్ స్క్రిప్షన్ ద్వారా ఒక టీవీ, ఒక మొబైల్ కు ప్రైమ్ వీడియో (amazon prime video) యాక్సెస్ లభిస్తుంది.