Amazon Prime Lite: మళ్లీ 999 రూపాయలకే ఆమెజాన్ ప్రైమ్ మెంబర్షిప్; కానీ ఇది ప్రైమ్ లైట్.. కొన్ని బెనిఫిట్స్ ఉండవు..

Amazon Prime Lite: ఆమెజాన్ ప్రైమ్ లైట్ పేరుతో కొత్త మెంబర్షిప్ స్కీమ్ ను ఆమెజాన్ లాంచ్ చేసింది. భారత్ లో ఈ స్కీమ్ గురువారం నుంచి అమల్లోకి వచ్చింది. ఈ ఆమెజాన్ ప్రైమ్ లైట్ (Amazon Prime Lite) లోనూ ఆమెజాన్ ప్రైమ్ (Amazon Prime) లో ఉన్న దాదాపు అన్ని ప్రయోజనాలు లభిస్తాయి. అయితే, కొన్ని బెనిఫిట్స్ మాత్రం ఈ ప్రైమ్ లైట్ ఉన్నవారికి లభించవు. ఆమెజాన్ ఇండియా వెబ్ సైట్ లేదా ఆమెజాన్ యాప్ ద్వారా ఈ ప్రైమ్ లైట్ ప్లాన్ ను యాక్టివేట్ చేసుకోవచ్చు.

Amazon Prime Lite details: ప్రైమ్ లైట్ వివరాలు

ఆమెజాన్ ప్రైమ్ లైట్ మెంబర్షిప్ రూ. 999 లకే లభిస్తుంది. ఇది సంవత్సరం వాలిడిటీతో ఉంటుంది. ఆమెజాన్ ప్రైమ్ లైట్ మెంబర్స్ కు రెండు రోజుల ఉచిత డెలివరీ, ఉచిత స్టాండర్డ్ డెలివరీ ప్రయోజనాలు ఉంటాయి. నో రష్ డెలివరీ ఆప్షన్ ఎంచుకుంటే రూ. 25 క్యాష్ బ్యాక్ కూడా లభిస్తుంది. ఆమెజాన్ పే ఐసీఐసీఐ క్రెడిట్ కార్డ్ తో కొనుగోలు చేసినవారికి 5% క్యాష్ బ్యాక్ ఫెసిలిటీ కూడా ఉంది. ప్రైమ్ లైట్ మెంబర్స్ కు కూడా ప్రైమ్ ఎక్స్ క్లూజివ్ లైటెనింగ్ డీల్స్ (lightning deals) ఎర్లీ యాక్సెస్ ప్రయోజనం ఉంటుంది. అయితే, వీరికి ఉచిత వన్ డే, సేమ్ డే డెలివరీ సదుపాయం ఉండదు.

Amazon Prime Lite benefits: రెండు డివైజెస్ లోనే..

ఆమెజాన్ ప్రైమ్ లైట్ మెంబర్స్ ఆమెజాన్ ప్రైమ్ (Amazon Prime video) లో అన్ లిమిటెడ్ వీడియోస్, మూవీస్, టీవీ షోస్ వీక్షించవచ్చు. అయితే, ఈ అవకాశం వారికి రెండు డివైజెస్ లోనే, హెచ్ డీ క్వాలిటీతో లభిస్తుంది. సాధారణంగా ఆమెజాన్ ప్రైమ్ మెంబర్స్ కు ఆరు డివైజెస్ లో ప్రైమ్ కంటెంట్ ను వీక్షించే అవకాశం ఉంటుంది. ప్రైమ్ లైట్ మెంబర్స్ కు ఆ నెంబర్ ను రెండుకు తగ్గించారు. ప్రైమ్ లైట్ మెంబర్స్ కు ప్రైమ్ వీడియో కంటెంట్ లో యాడ్స్ కూడా ఉంటాయి. ప్రైమ్ మ్యూజిక్, ప్రైమ్ గేమింగ్, ప్రైమ్ రీడింగ్, ప్రైమ్ అడ్వాంటేజ్ బెనిఫిట్స్ మొదలైనవి ప్రైమ్ లైట్ మెంబర్స్ కు ఉండవు.