Maruti Suzuki upcoming cars : ‘జిమ్నీ టు ఆల్​ న్యూ డిజైర్​’.. మారుతీ సుజుకీ లైనప్ అదిరిందిగా!​

Maruti Suzuki upcoming cars : దేశీయ దిగ్గజ ఆటోమొబైల్​ సంస్థ మారుతీ సుజుకీ జోరు మీద ఉంది! తన పోర్ట్​ఫోలియోను పెంచుకునేందుకు రానున్న రెండేళ్లల్లో ఎస్​యూవీలతో పాటు వివిధ మోడల్స్​ను లాంచ్​ చేసేందుకు పక్కా ప్రణాళికను రచించింది. ఈ నేపథ్యంలో మారుతీ సుజుకీ లైనప్​కు సంబంధించి ఇప్పటివరకు ఉన్న డేటాపై ఓ లుక్కేద్దాము..

మారుతీ సుజుకీ జిమ్నీ..

మారుతీ సుజుకీ ఫ్రాంక్స్​ ఇటీవలే ఇండియాలో లాంచ్​ అయ్యింది. ఇక వచ్చే నెలలో 5 డోర్​ జిమ్నీని లాంచ్​ చేయనుంది మారుతీ సుజుకీ. ఈ రెండు మోడల్స్​ను 2023 ఆటో ఎక్స్​పోలో ఆవిష్కరించింది. వీటికి మంచి బుకింగ్స్​కు లభించాయి. రూ. 25వేల టోకెన్​ అమౌంట్​తో జిమ్నీని బుక్​ చేసుకోవచ్చు.

Maruti Suzuki Jimny bookings : మారుతీ జిమ్నీ ఎస్​యూవీలో జిటా, ఆల్ఫా వంటి రెండు వేరియంట్లు ఉన్నాయి. స్మార్ట్​ప్లే ప్రో+ ఇన్ఫోటైన్​మెంట్​ సిస్టెమ్​, రివర్స్​ కెమెరా, కలర్​ ఎంఐడీ డిస్​ప్లేతో పాటు అనేక ఫీచర్స్​ ఉన్నాయి. ఈ ఎస్​యూవీలో 1.5లీటర్​ కే15బీ పెట్రోల్​ ఇంజిన్​ ఉంటుంది. ఇది 103 బీహెచ్​పీ పవర్​ను, 134 ఎన్​ఎం టార్క్​ను జనరేట్​ చేస్తుంది. 5 స్పీడ్​ మేన్యువల్​/ 4 స్పీడ్​ ఆటోమెటిక్​ గేర్​బాక్స్​ ఆప్షన్స్​ ఉన్నాయి.

ఇన్నోవా హైక్రాస్​ తరహా ఎంపీవీ..

ఇన్నోవా హైక్రాస్​ ఎంపీవీని గతేడాది చివర్లో లాంచ్​ చేసింది టయోటా సంస్థ. ఇక ఇప్పుడు హైక్రాస్​ తరహా ఎంపీవీని మారుతీ సుజుకీ సైతం తీసుకొస్తున్నట్టు తెలుస్తోంది. ఈ ఏడాది రెండో భాగంలో ఇది లాంచ్​ అయ్యే అవకాశం ఉంది.

Maruti Suzuki fronx on road price : మారుతీ సుజుకీ ఎంపీవీలో 2.0 లీటర్​ పెట్రోల్​ ఇంజిన్​ ఉంటుందని తెలుస్తోంది. ఇది 174 హెచ్​పీ పవర్​ను, 205ఎన్​ఎం టార్క్​ను జనరేట్​ చేస్తుంది.

టయోటా టీఎన్​జీఏ-సీ ప్లాట్​ఫార్మ్​ మీద మారుతీ సుజుకీ ఈ ఎంపీవీని రూపొందిస్తుందని సమాచారం. 360 డిగ్రీ కెమెరా, 10 ఇంచ్​ టచ్​స్క్రీన్​ ఇన్ఫోటైన్​మెంట్​ సిస్టెమ్​, పవర్డ్​ సెకెండ్​ రో సీట్స్​ విత్​ ఓటామన్​ ఫంక్షన్​, కనెక్టెడ్​ కార్​ టెక్నాలజీ వంటివి ఫీచర్లుగా ఉండొచ్చు.

7 సీటర్​ ఎస్​యూవీ..

Maruti Suzuki new launches : టాటా సఫారీ, హ్యుందాయ్​ అల్కజార్​, మహీంద్రా ఎక్స్​యూవీ700కు పోటీగా మారుతీ సుజుకీ ఓ కొత్త ఎస్​యూవీని తీసుకొస్తోందని తెలుస్తోంది. ఇదొక 7 సీటర్​ ఎస్​యూవీ అని సమాచారం. ఇందులో టయోటాకు చెందిన స్ట్రాంగ్​ హైబ్రీడ్​ ఇంజిన్​, నేచురల్లీ ఆస్పిరేటెడ్​ పెట్రోల్​ ఇంజిన్​ ఆప్షన్స్​ ఉండొచ్చు. ఈ ఎస్​యూవీ.. గ్రాండ్​ విటారాను పోలి ఉంటుందని తెలుస్తోంది.

న్యూ స్విఫ్ట్​..

యూరోప్​లో న్యూ జనరేషన్​ స్విఫ్ట్​ను సుజుకీ టెస్ట్​ చేస్తోందని సమాచారం. 2023 రెండో భాగంలో ఇది అంతర్జాతీయంగా లాంచ్​ అవ్వొచ్చు. మారుతీ నుంచి రానున్న కార్లలో.. ఈ 2024 మారుతీ స్విఫ్ట్​ కోసం ఎదురుచూపులు ఎక్కువగానే ఉన్నాయి. కొత్త స్విఫ్ట్​లో డిజైన్​, కేబిన్​తో పాటు కీలక మార్పులు చోటుచేసుకుంటాయని తెలుస్తోంది.

న్యూ డిజైర్​..

Maruti Suzuki Swift Dzire : నెక్స్ట్​ జనరేషన్​ డిజైర్​ను 2024లో లాంచ్​ చేసేందుకు మారుతీ సుజుకీ సంస్థ ఏర్పాట్లు చేసుకుంటోందని తెలుస్తోంది. డిజైన్​, ఇంటీరియర్​, ఇంజిన్​ పరంగా అనేక మార్పులు కనిపించే అవకాశం ఉంది.