Jio 8th Anniversary Offer : జియో కస్టమర్లకు ఈ రీఛార్జ్‌లపై బంపర్ ఆఫర్.. 10 ఓటీటీ యాప్స్ సబ్‌స్క్రిప్షన్, ఏజియో కూపన్

రిలయన్స్ జియో కస్టమర్లకు శుభవార్త. రిలయన్స్ జియో తన 8వ వార్షికోత్సవం సందర్భంగా జియో యూజర్ల కోసం యానివర్సరీ ఆఫర్ తీసుకొచ్చింది. ఎంపిక చేసిన రీఛార్జ్ ప్లాన్లపై మొబైల్ వినియోగదారులు ఈ ప్రత్యేక ఆఫర్‌ను సద్వినియోగం చేసుకోవచ్చు. రూ.899, రూ.999 త్రైమాసిక ప్లాన్లు, రూ.3599 వార్షిక ప్లాన్లతో రూ.700 బెనిఫిట్స్ పొందవచ్చని జియో తెలిపింది.

ఈ ఆఫర్ సెప్టెంబర్ 5 నుంచి 10 వరకు రీఛార్జ్ చేసుకుంటే ఉంటుంది. ప్రస్తుతం జియోకు 13 కోట్ల మంది 5జీ యూజర్లు సహా 49 కోట్లకు పైగా సబ్ స్క్రైబర్లు ఉన్నారు. ఆఫర్ లో ఏమేం లభిస్తాయో వివరంగా తెలుసుకుందాం...

రూ.175 విలువైన 10 ఓటీటీ యాప్స్ సబ్‌స్క్రిప్షన్ 10 జీబీ డేటా ప్యాక్ లభిస్తుంది. దీని వ్యాలిడిటీ 28 రోజులు. దీంతో పాటు జొమాటో కస్టమర్లకు 3 నెలల గోల్డ్ సబ్స్క్రిప్షన్ కూడా ఉచితంగా లభిస్తుంది. ఇది మాత్రమే కాదు, ఏజియో నుండి రూ .2999 కంటే ఎక్కువ కొనుగోళ్లపై వినియోగదారులకు రూ .500 ఫ్లాట్ డిస్కౌంట్ పొందుతారు. రూ,899 ప్లాన్ 90 రోజులు, రూ.999 ప్లాన్ 98 రోజులు కాగా.. రూ.3599 ప్లాన్ 365 రోజులుగా ఉంటుంది.

అయితే ఈ ఆఫర్ ప్రయోజనం సెప్టెంబర్ 5 నుంచి సెప్టెంబర్ 10 మధ్య రీఛార్జ్ చేసుకునే కస్టమర్లకు మాత్రమే అందుబాటులో ఉంటుందని గుర్తుంచుకోండి. ఈ ప్లాన్లో వినియోగదారులు అన్ని నెట్‌వర్క్‌లకు అపరిమిత కాలింగ్‌తో పాటు ప్రతిరోజూ 100 ఎస్ఎంఎస్‌లు వస్తాయి. ఇది కాకుండా వినియోగదారులు రోజుకు 2 జీబీ డేటా, 20 జీబీ అదనపు డేటాను ఈ ప్లాన్‌లో పొందుతారు. ఈ ప్లాన్ వినియోగదారులు అపరిమిత 5జీ డేటాకు కూడా అర్హులు. అదనపు ప్రయోజనంగా జియో టీవీ, జియో సినిమా, జియో క్లౌడ్ యాక్సెస్ కూడా లభిస్తుంది.