Citroen Basalt vs Citroen C3 Aircross : ఈ రెండు సిట్రోయెన్​ కార్స్​లో ఏది బెస్ట్​?

సిట్రోయెన్ ఇండియా స్టైలిష్ కూపే ఎస్​యూవీ బసాల్ట్​ను ప్రవేశపెట్టడం ద్వారా తన భారతీయ లైనప్​ను విస్తరించింది. సీ3 ఎయిర్​క్రాస్​తో తన ఫౌండేషన్​ని పంచుకున్న సిట్రోయెన్ బసాల్ట్, అదే సెగ్మెంట్​లో పోటీ పడటానికి ఒక ప్రత్యేకమైన డిజైన్​తో వస్తోంది.

ఇండియా-ఫోకస్డ్ సి-క్యూబెడ్ ప్రోగ్రామ్ కింద సిట్రోయెన్ నాల్గొవ మోడల్, సిట్రోయెన్ బసాల్ట్ ప్రారంభ ధర రూ .7.99 లక్షలు, టాప్​ ఎండ్​ మోడల్​ ధర రూ .13.62 లక్షలు. రెండు ఎక్స్​షోరూమ్​ ప్రైజ్​లు. ఏదేమైనా గమనించవలసిన ముఖ్యమైన విషయం ఏమిటంటే, సిట్రోయెన్ సీ3 ఎయిర్​క్రాస్​ మ్యాక్స్ 5 +2 వేరియంట్ ఏడు సీట్లను కలిగి ఉంది. బసాల్ట్ ఐదు సీట్లగా మాత్రమే అందిస్తుంది. ఈ నేపథ్యంలో ఈ రెండింటినీ పోల్చి, ఏది బెస్ట్​? ఏది కొనొచ్చో ఇక్కడ తెలుసుకుందాము..

సిట్రోయెన్​ బసాల్ట్ వర్సెస్ సిట్రోయెన్ సీ3 ఎయిర్​క్రాస్: డైమెన్షన్స్- డిజైన్..

సిట్రోయెన్​ బసాల్ట్​ ఒక కూపే ఎస్​యూవీ. సీ3 ఎయిర్​క్రాస్​ స్టాండర్డ్​ ఎస్​యూవీ. బసాల్ట్​ కొంచెం పొడవుగా, వెడల్పుగా ఉంటుంది. కానీ ఎత్తు- వీల్ బేస్ తక్కువగా ఉంటాయి.

ఆశ్చర్యకరంగా, స్లోపింగ్​ రూఫ్లైన్ ఉన్నప్పటికీ, సిట్రోయెన్ బసాల్ట్ ఐదు సీట్ల సీ3 ఎయిర్​క్రాస్​ కంటే పెద్ద బూట్​ స్పేస్​ని అందిస్తోంది. బసాల్ట్ 16 ఇంచ్​, సీ3 ఎయిర్​క్రాస్​ 17 ఇంచ్​ వీల్స్​పై ప్రయాణిస్తాయి.

సిట్రోయెన్ బసాల్ట్ వర్సెస్ సిట్రోయెన్ సీ3 ఎయిర్ క్రాస్: ఫీచర్లు కంఫర్ట్

సీ3 ఎయిర్​క్రాస్​పై ఉన్న అనేక విమర్శలను సిట్రోయెన్ బసాల్ట్​తో సంస్థ పరిష్కరించింది. అదృష్టవశాత్తూ, ఇవి అప్డేటెడ్​ సిట్రోయెన్​ సీ3 ఎయిర్​క్రాస్​కి కూడా వస్తాయి. ఎల్ఈడీ హెడ్ ల్యాంప్స్, ఆటో క్లైమేట్ కంట్రోల్, బెటర్ రేర్​ ఏసీ వెంట్స్ వంటి ఫీచర్లు ఇప్పుడు రెండు మోడళ్లలో లభిస్తాయి.

ఇదీ చూడండి:- Citroen Basalt on road price Hyderabad : హైదరాబాద్​లో సిట్రోయెన్​ బసాల్ట్​ ఆన్​రోడ్​ ప్రైజ్​ వివరాలు..

అయినప్పటికీ బసాల్ట్ ఇప్పటికీ వైర్లెస్ ఛార్జర్, అడ్జెస్టెడ్​ రేర్​ థై సపోర్ట్, మరింత ప్రీమియం డ్యాష్​బోర్డ్​ వంటి కొన్ని ప్రత్యేకమైన ఫీచర్స్​ని కలిగి ఉంది. మరోవైపు, సీ3 ఎయిర్​క్రాస్​ మూడొవ వరుసకు రూఫ్-మౌంటెడ్ ఏసీ వెంట్​తో ఏడు సీట్ల లేఅవుట్ను అందిస్తుంది.

సిట్రోయెన్ బసాల్ట్ వర్సెస్ సిట్రోయెన్ సీ3 ఎయిర్​ క్రాస్: ఇంజిన్​..

రెండు మోడళ్లు 108 బీహెచ్​పీ, 1.2-లీటర్ టర్బో-పెట్రోల్ ఇంజన్​ని పొందాయి. మేన్యువల్- ఆటోమేటిక్ గేర్ బాక్స్ ఆప్షన్స్​తో వస్తున్నాయి. కానీ బసాల్ట్ 80బీహెచ్​పీ ఇంజిన్ వెర్షన్​తో మరింత సరసమైన ఎంట్రీ పాయింట్​ను జోడిస్తుంది. ఇది ప్రత్యేకంగా మేన్యువల్ గేర్​బాక్స్​కు కనెక్ట్​ చేసి ఉంటుంది.

లో- పవర్​ ఆప్షన్​ పనితీరుకు బెంచ్​మార్క్​ని సెట్ చేయనప్పటికీ, ఇది బసాల్ట్​కి మరింత పోటీ ప్రారంభ ధరకు దోహదం చేసింది.

సిట్రోయెన్ బసాల్ట్ కూపే ఎస్​యూవీ- సీ3 ఎయిర్​క్రాస్​ ఒకే ప్లాట్​ఫామ్​ని వేదికను పంచుకుంటాయి, కాని ప్రత్యేకమైన స్వభావం, ఆకర్షణను అందిస్తాయి. బసాల్ట్ స్పోర్టియర్ వైఖరి, అదనపు ఫీచర్లు మరింత డైనమిక్ ప్యాకేజీని కోరుకునేవారిని ఆకర్షించవచ్చు. అయితే సీ3 ఎయిర్​క్రాస్​ ఏడు సీట్ల లేఅవుట్ ఆప్షన్​తో కుటుంబ-ఆధారిత ఎస్​యూవీగా పేరు తెచ్చుకుంది.