Student Suicide : గీతం వర్శిటీలో విషాదం… ఐదో అంతస్తు నుంచి దూకి బీటెక్‌ విద్యార్థిని ఆత్మహత్య

Sangareddy District News: హైదరాబాద్ లోని మాదాపూర్ ప్రాంతానికి చెందిన రేణు శ్రీ… గీతం యూనివర్సిటీలో చేరింది. మూడు నెలల్లోనే ఆత్మహత్య చేసుకోవడం, క్యాంపస్ లో సంచలనం రేపింది. విద్యార్థిని ఆత్మహత్య చేసుకోవడానికి కారణాలు ఇంకా తెలియల్సివుంది. మాదాపూర్ లో నివాసం ఉంటున్న తల్లిదండ్రులు, విషయం తెలుసుకొని ఆసుపత్రికి చేరుకుని కన్నీటిపర్యంతమయ్యారు. మృతదేహాన్ని పటాన్ చెరు ఏరియా ఆసుపత్రికి పోస్ట్ మార్టం కోసం తరలించారు.

కుటుంబ సభ్యులు ఇచ్చిన ఫిర్యాదు మేరకు పఠాన్ చెరువు పోలీసులు కేసు నమోదు చేసుకొని దర్యాప్తు చేస్తున్నారు. బిల్డింగ్ మీద నుంచి దూకుతుండగా, అవతలివైపు వున్నా మరికొంతమంది విద్యార్థులు ఈ సంఘటనను మొత్తం తమ సెల్ ఫోన్ లో వీడియో తీశారు.

రిపోర్టింగ్ : మెదక్ జిల్లా ప్రతినిధి