Anantapur Road Accident : అనంతపురం జిల్లాలో ఘోర రోడ్డు ప్రమాదం - బస్సు - ట్రాక్టర్‌ ఢీ, నలుగురు మృతి
Anantapur District News: అనంతపురం జిల్లాలో ఘోర రోడ్డు ప్రమాదం జరిగింది. బస్సు-ట్రాక్టర్‌ ఢీకొన్న ఘటనలో నలుగురు మృతి చెందారు.
Anantapur Road Accident : బస్సు, ట్రాక్టర్‌ ఢీకొని నలుగురు మృతిచెందారు. ఈ ఘోర రోడ్డు ప్రమాదం… అనంతపురం జిల్లాలో జరిగింది. శనివారం తెల్లవారుజామున జరిగిన ఈ ప్రమాదంలో చనిపోయినవ వారిని చిన్నతిప్పయ్య, శ్రీరాములు, నాగార్జున, శ్రీనివాసులుగా గుర్తించారు. వీరంతా గుత్తి మండలం మామిడూరుకు చెందినవారిగా తేల్చారు. మరోకరి పరిస్థితి విషమంగా ఉందని సమాచారం.
ఏం జరిగిందంటే…?
గార్లదిన్నే మండలం కల్లూరు వద్ద ఈ ప్రమాదం జరిగింది. శనివారం తెల్లవారుజామున బియ్యం లోడుతో వెళ్తున్న ట్రాక్టర్‌ను ప్రైవేట్‌ బస్సు బలంగా ఢీకొట్టింది. దీంతో ట్రాక్టర్‌లో ఉన్న నలుగురు అక్కడికక్కడే మృతిచెందారు. కేసు నమోదు చేసుకున్న పోలీసులు దర్యాప్తు చేస్తున్నారు.
గచ్చిబౌలిలో కారు ప్రమాదం
మరోవైపు హైదరాబాద్ లోని గచ్చిబౌలి కేర్ హాస్పిటల్ దగ్గర రోడ్డు ప్రమాదం జరిగింది. అతివేగంతో దూసుకొచ్చిన ఓ కారు డివైడర్‌కి ఢీకొట్టి బోల్తా పడింది. ఈ ప్రమాదంలో ఒకరు మృతి చెందగా… మరో ముగ్గురికి గాయాలయ్యాయి.
