President Hyderabad Visit : ఈనెల 18న హైదరాబాద్‌కు రాష్ట్రపతి ముర్ము

President Murmu Hyderabad Visit 2023: దక్షిణాది విడిది కోసం రాష్ట్రపతి ద్రౌపదీ ముర్ము రాష్ట్రానికి రానున్నారు. డిసెంబర్ 18వ తేదీన రాష్ట్రానికి రానున్న రాష్ట్రపతి.. 5 రోజుల పాటు హైదరాబాద్ లోనే ఉండనున్నారు. దక్షిణాది విడిది కోసం ప్రతి ఏటా డిసెంబర్ చివర్లో రాష్ట్రపతి హైదరాబాద్ వస్తుంటారు. బొల్లారంలోని రాష్ట్రపతి నిలయంలో బస చేస్తారు.

దక్షిణాది రాష్ట్రాల్లోని వివిధ ప్రాంతాల్లో పర్యటించి పలు కార్యక్రమాల్లో పాల్గొంటారు.తిరిగి డిసెబర్ 23వ తేదీన ఢిల్లీకి వెళ్ల‌నున్నారు. ఈ నేప‌థ్యంలో.. రాష్ట్రపతి పర్యటనపై ప్ర‌భుత్వ ప్ర‌ధాన కార్య‌ద‌ర్శి శాంతి కుమారి ఏర్పాట్లపై స‌మీక్షించారు. ఎలాంటి అవాంఛ‌నీయ ఘ‌ట‌న‌లు చోటు చేసుకోకుండా త‌గు చ‌ర్య‌లు తీసుకోవాల‌ని ఆదేశించారు. ట్రాఫిక్ స‌మ‌స్య‌లు త‌లెత్త‌కుండా చ‌ర్య‌లు తీసుకోవాల‌ని దిశానిర్దేశం చేశారు.