TG LAWCET 2024 Updates : తెలంగాణ లాసెట్ ఫస్ట్ ఫేజ్ సీట్ల కేటాయింపు..! మీ అలాట్​మెంట్​ ఇలా చెక్ చేసుకోండి

తెలంగాణ లాసెట్‌ 2024 ప్రవేశాలకు సంబంధించి మరో అప్డేట్ వచ్చేసింది. ముందుగా నిర్ణయించిన షెడ్యూల్ ప్రకారం.. సెప్టెంబర్ 1వ తేదీనే మొదటి దశ సీట్ల కేటాయింపు జరగాల్సి ఉంది. కానీ దీని ఇవాళ్టికి (సెప్టెంబర్ 2) వాయిదా వేశారు. ఆన్ లైన్ లో రిజిస్ట్రేషన్ చేసుకుని.. వెబ్ ఆప్షన్లు ఎంచుకున్న అభ్యర్థులకు సీట్లు కేటాయించనున్నారు. అలాట్​మెంట్​ అర్డర్ కాపీని https://lawcet.tsche.ac.in/ వెబ్ సైట్ లోకి వెళ్లి పొందవచ్చు.

సీట్లు పొందిన విద్యార్థులు సెప్టెంబర్ 2 నుంచి 6వ తేదీలోపు ఆయా కాలేజీల్లో రిపోర్ట్ చేయాలి. https://lawcet.tsche.ac.in/ వెబ్ సైట్ లోకి వెళ్లి ఈ ప్రాసెస్ ను పూర్తి చేసుకోవచ్చు. రెండో విడత కౌన్సెలింగ్ తేదీలు త్వరలోనే ఖరారు కానున్నాయి.

TG PGLCET-2024 కౌన్సెలింగ్ షెడ్యూల్ మార్పు:

మరోవైపు TG PGLCET-2024 కౌన్సెలింగ్ తేదీల్లో మార్పులు చేశారు. ఫస్ట్ ఫేజ్ ఆన్ లైన్ రిజిస్ట్రేషన్ల గడవును సెప్టెంబర్ 17వ తేదీ వరకు పొడిగించారు. అర్హత కలిగిన అభ్యర్థులు వెబ్ సైట్ లోకి వెళ్లి రిజిస్ట్రేషన్ చేసుకుని.. వెబ్ ఆప్షన్లను ఎంచుకోవాల్సి ఉంటుంది. సెప్టెంబర్ 18, 19 తేదీల్లో వెబ్ ఆప్షన్లు ఎంచుకోవాలి. సెప్టెంబర్ 22వ తేదీన సీట్ల కేటాయింపు ఉంటుంది. సెప్టెంబర్ 23 నుంచి 26 తేదీల్లో సీట్లు పొందిన విద్యార్థులు ఆయా కాలేజీల్లో రిపోర్టింగ్ చేయాలి.

టీజీ లాసెట్ ర్యాంక్ కార్డు ఇలా డౌన్లోజ్ చేసుకోండి:

టీజీ లాసెట్ పరీక్ష రాసిన అభ్యర్థులు మొదటగా https://lawcet.tsche.ac.in/ వెబ్ సైట్ లోకి వెళ్లాలి.

Download Rank Card అనే ఆప్షన్ పై క్లిక్ చేయండి.

Hall Ticket Number, పుట్టిన తేదీని ఎంట్రీ చేయాలి.

-గెట్ రిజల్ట్స్ అనే ఆప్షన్ పై క్లిక్ చేస్తే మీ స్కోర్ తో పాటు ర్యాంక్ కార్డు డిస్ ప్లే అవుతుంది.

ప్రింట్ లేదా డౌన్లోడ్ అనే ఆప్షన్ పై క్లిక్ చేసి ర్యాంక్ కార్డు కాపీని పొందవచ్చు.

అడ్మిషన్ ప్రక్రియలో ర్యాంక్ కార్డు అత్యంత కీలకం.

2024-2025 విద్యా సంవత్సరానికి రాష్ట్రంలోని లా కాలేజీల్లో మూడేళ్లు, ఐదేళ్ల లా కోర్సుల్లో ప్రవేశాలకు ఉస్మానియా యూనివర్సిటీ(Osmania University) TS LAWCET/ TS PGLCET-2024 ను నిర్వహించింది. ఈ ఏడాదికి సంబంధించి జూన్ 3వ తేదీన టీఎస్ లాసెట్ పరీక్షలను నిర్వహించారు. ఉద‌యం 9 నుంచి 10.30 వ‌ర‌కు మొదటి సెషన్ జరిగింది. ఇక మ‌ధ్యాహ్నం 12.30 నుంచి 2 గంట‌ల వ‌ర‌కు రెండో సెషన్, సాయంత్రం 4 నుంచి 5.30 గంట‌ల వ‌ర‌కు మూడో సెషన్ పరీక్షను నిర్వహించారు. గతేడాదితో పోల్చితే ఈసారి లాసెట్ కు ఎక్కువ దరఖాస్తులు వచ్చాయి.

ఈ ఏడాది జరిగిన తెలంగాణ లాసెట్ పరీక్షకు 40,268 మంది హాజరయ్యారు. వీరిలో 29,258 మంది అర్హత సాధించారు. మొత్తంగా 72.66 శాతం మంది అభ్యర్థులు ఉత్తీర్ణులు అయ్యారు. పరీక్ష రాసిన అభ్యర్థులు https://lawcet.tsche.ac.in/ వెబ్ సైట్ లోకి వెళ్లి రిజల్ట్స్ ను చెక్ చేసుకోవచ్చు.