Andrew Symonds |ఆండ్రూ సైమండ్స్ మరణంపై క్రికెట్ లోకం దిగ్భ్రాంతి

ఆండ్రూ సైమండ్స్ హఠాన్మరణంతో క్రీడాలోకం మొత్తం విషాదంలో మునిగిపోయింది. సైమండ్స్ మరణవార్త వినగానే క్రికెట్ వర్గాలు షాక్ కు లోనయ్యాయి. సైమండ్స్ మరణం తమను కలిచివేసిందంటూ పలువురు క్రికెటర్లు పేర్కొంటున్నారు. అతడితో తమకున్న అనుబంధాన్ని గుర్తుచేసుకుంటూ భావోద్వేగానికి లోనవుతున్నారు.

46 ఏళ్ల వయసులోనే సైమండ్స్ అందరికి దూరం కావడం విచారకరం అంటూ క్రికెట్ ఆస్ట్రేలియా ట్విట్టర్ ద్వారా సంతాపాన్ని ప్రకటించింది. అస్ట్రేలియామరో గొప్ప క్రికెటర్ ను కోల్పోయిందని క్రికెట్ బోర్డ్ చైర్మన్ హెండార్సన్ పేర్కొన్నారు. స్నేహం కోసం ఏదైనా చేయగల అత్యంత నమ్మకమైన, ప్రేమను పంచే స్నేహితుడు అండ్రూ సైమండ్స్ అని ఆడమ్ గిల్ క్రిస్ట్ అన్నాడు.

సైమండ్స్ మరణ వార్త తనను షాక్ కు గురిచేసిందని హర్భజన్ సింగ్ ట్విట్టర్ ద్వారా పేర్కొన్నారు. అతడి కుటుంబానికి ప్రగాఢ సానుభూతిని తెలియజేస్తున్నట్లు పేర్కొన్నాడు. మైదానంలోనే కాకుండా వ్యక్తిగతంతో సైమండ్స్ తో తనకు చక్కటి అనుబంధముందని, అలాంటి గొప్ప స్నేహితుడిని కోల్పోవడం తీరని లోటు అని షోయబ్ అక్తర్ పేర్కొన్నాడు. వీరితో పాటు పలువురు క్రికెటర్లు సైమండ్స్ మృతికి సంతాపం వ్యక్తం చేశారు.