Venus ketu conjunction: కేతు, శుక్ర గ్రహాల సంయోగం.. వీరికి సంతాన ప్రాప్తి, ఉద్యోగంలో నచ్చిన చోటుకు బదిలీ

Venus ketu conjunction: జ్యోతిష్య శాస్త్రంలో అదృష్టం, ప్రేమ, భౌతిక సౌకర్యాల కారకంగా శుక్రుడిని భావిస్తారు. 28 రోజులకు ఒకసారి శుక్రుడు తన రాశిని మార్చుకుంటాడు. జాతకంలో శుక్రుడు శుభ స్థానంలో ఉన్నప్పుడు ఆ వ్యక్తి జీవితంలో అన్ని రకాల సుఖాలను పొందుతాడు. విలాసంగా గడుపుతాడు. జీవితంలో శాంతి, ఆనందం పొందుతారు.

ప్రస్తుతం శుక్రుడు సింహ రాశిలో సంచరిస్తున్నాడు. ఆగస్ట్ 25న శుక్రుడు కన్యా రాశిలోకి ప్రవేశిస్తాడు. ఈ రాశిలో ఇప్పటికే కేతువు ఉన్నాడు. గతేడాది అక్టోబర్ నుంచి నీడ గ్రహంగా పరిగణించే కేతువు కన్యా రాశిలో తిరోగమన దశలోనే సంచరిస్తున్నాడు. 

కేతువు 18 నెలలకు ఒక సారి తన రాశిని మార్చుకుంటాడు. అటువంటి పరిస్థితిలో ఈ రెండు గ్రహాల కలయిక జరుగుతుంది. సుమారు 297 రోజుల తర్వాత ఈ రెండు గ్రహాల సంయోగం జరుగుతుంది. సెప్టెంబర్ 18 వరకు ఈ రెండు గ్రహాలు కలిసే ఉంటాయి. తర్వాత శుక్రుడు తులా రాశిలోకి ప్రవేశిస్తాడు. శుక్ర, కేతు గ్రహాల కలయిక వల్ల కొన్ని రాశి వారికి అదృష్ట సమయం ఆరంభమవుతుంది. ఏయే రాశులు లాభపడతాయో తెలుసుకుందాం.

కర్కాటక రాశి

కర్కాటక రాశి మూడో ఇంట్లో శుక్రుడు, కేతువు కలయిక జరుగుతుంది. దీని వల్ల ఈ రాశి వాళ్ళు చాలా ప్రయోజనాలు పొందుతారు. నిలిచిపోయిన పనులన్నీ పూర్తవుతాయి. ఫలితంగా మనసుకు ఉపశమనంగా అనిపిస్తుంది. సంపద స్థాయిలు గణనీయంగా పెరుగుతాయి. శ్రమకు తగిన ఫలితాలు పొందుతారు. జీవితం శాంతి సంతోషంతో నిండిపోతుంది. ఈ సమయంలో కుటుంబం నుంచి మద్దతు లభిస్తుంది. పిల్లల నుంచి శుభవార్తలు వింటారు. కుటుంబంలో సంతోషకరమైన వాతావరణం నెలకొంటుంది. తోబుట్టువులతో మంచి సంబంధాలు ఏర్పడతాయి. పాత స్నేహితులను కలుసుకుంటారు. ఉద్యోగస్తులు వృత్తిలో రాణిస్తారు.

సింహ రాశి

సింహ రాశి రెండో ఇంట్లో శుక్రుడు, కేతువు కలయిక జరుగుతుంది. జీవితంలో ప్రతి రంగంలో విజయం సాధిస్తారు. మంచి మొత్తంలో డబ్బు సంపాదించే అవకాశం లభిస్తుంది. ఆస్తి లేదా వాహనాన్ని కొనుగోలు చేస్తారు. ప్రేమ జీవితంలో మీ కోరిక నెరవేరుతుంది. నూతన దంపతులకు సంతానం కలుగుతుంది. విద్యార్థులు ఉన్నత విద్యను అభ్యసించేందుకు ఇది అనుకూలమైన సమయం. మీ వ్యక్తిత్వం ఆధారంగా ఉన్నత స్థాయికి చేరుకోవడంలో విజయం సాధిస్తారు. కళ, సంగీతంపై ఆసక్తి పెరుగుతుంది. కెరీర్ ను వృద్ధి చేసుకునేందుకు వేసుకునే ప్రణాళికలు ఈ సమయంలో విజయవంతం అవుతాయి.

వృశ్చిక రాశి

వృశ్చిక రాశి పదకొండో ఇంట్లో ఈ రెండు గ్రహాల సంయోగం జరుగుతుంది. ఈ కాలంలో వారికి విశేష ప్రయోజనాలు లభిస్తాయి. ఉద్యోగంలో ప్రమోషన్ వచ్చే అవకాశాలు ఉన్నాయి. ఉద్యోగస్తులకు ఉత్తమ సమయం. వేరే ప్రదేశానికి బదిలీ అవుతారు. నచ్చిన ప్రదేశంలో ఉద్యోగం పొందుతారు. వ్యాపారస్థులకు నిర్ధిష్ట రంగాలలో లాభాలు కలుగుతాయి. పురోగతి సాధించేందుకు ఇది అనుకూలమైన సమయం. కుటుంబంతో కలిసి మతపరమైన, శుభ కార్యక్రమాలలో పాల్గొంటారు. కష్టానికి తగిన విధంగా పనిలో విజయం ప్రశంసలు లభిస్తాయి.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.