Children astrology: ఈ రాశుల పిల్లలు చదువుల్లో టాప్.. తల్లిదండ్రుల పేరు నిలబెడతారు

Children astrology: తల్లిదండ్రులు తమ పిల్లలు చదువులో బాగా రాణించాలని కోరుకుంటారు. ఇతరుల పట్ల విధేయులుగా ఉంటూ క్రమశిక్షణ, పెద్దల పట్ల భయభక్తులు కలిగి ఉండాలని అనుకుంటారు. వారికి మంచి భవిష్యత్ ఇవ్వడం కోసం తల్లిదండ్రులు ఆరాటపడతారు.

చిన్నతనం నుంచి మంచి పాఠశాలలో చేర్పించి చదువులో గట్టి పునాది వేయించాలని చూస్తారు. ఒక్కొక్కరి పిల్లలు ఒక్కో విధంగా ప్రవరిస్తూ ఉంటారు. కొందరు చాలా ఫాస్ట్ గా ఉంటే మరికొందరు మాత్రం కొద్దిగా చదువులో వెనకబడి ఉంటారు. ఇప్పటి పిల్లలైతే సూపర్ ఫాస్ట్ ఎక్స్ ప్రెస్ కంటే తక్కువ ఏమి కాదు. అందుకే ఇప్పటి పిల్లలని కంప్యూటర్ బ్రెయిన్ తో పోలుస్తారు. ఏదైనా విషయం ఇలా చెప్పగానే అలా పట్టేసుకుంటారు.

జ్యోతిష్య శాస్త్రం ప్రకారం పిల్లలు పుట్టిన తేదీ, సమయం, జన్మ నక్షత్రం ఆధారంగా కూడా వారి ప్రవర్తన ఆధారపడి ఉంటుంది. కొన్ని రాశుల పిల్లల భవిష్యత్ ఉజ్వలంగా ఉంటుంది. వాళ్ళు చిన్నప్పటి నుంచి చదువులో చాలా తెలివిగా ఉంటారు. ఈ రాశిలో జన్మించిన పిల్లల చాలా తెలివిగా ఉంటారు. మరి మీ పిల్లలు ఈ రాశి జాబితాలో ఉన్నారో లేదో చూసుకోండి.

మేషం

మేష రాశి పిల్లలపై అంగారకుడి ప్రభావం చాలా ఉంటుంది. అందుకే వీళ్ళు చాలా శక్తివంతంగా, ధైర్యంగా ఉంటారు. ఏదైనా విషయం చెప్తే ఇట్టే గ్రహించగలుగుతారు. ప్రతి సమస్య నుంచి తమని తాము ఎలా రక్షించుకోవాలో వాళ్ళకి బాగా తెలుస్తుంది. బాల్యం నుంచి వీరిని సరైన దిశలో పెంచితే ఉన్నత శిఖరాలు అందుకుంటారు. చదువు పట్ల చాలా బాధ్యతగా ఉంటారు. తొందరపాటు నిర్ణయాలు తీసుకోరు.

వృషభం

వృషభరాశి పిల్లల మీద శుక్ర గ్రహ ప్రభావం ఉంటుంది. ఈ కారణంగా వీళ్ళు కొద్దిగా నెమ్మదిగా ఉంటారు. కానీ కష్టపడి పని చేసే మనస్తత్వం ఉంటుంది. చిన్నతనం నుంచే వారికి సరైన దిశానిర్దేశం చేస్తే బంగారు భవిష్యత్ కి మీరు శ్రీకారం చుట్టిన వాళ్ళు అవుతారు. చదువులో అగ్రస్థానంలో ఉండేందుకు కష్టపడతారు. శుక్రుని ప్రభావం వాలల వివాదాలకు దూరంగా ఉంటారు. ప్రశాంతంగా ఓపికగా చదువుకునేందుకు ప్రయత్నిస్తారు. సంకల్ప బలం ఎక్కువ. ఏదైనా సాధించాలని నిర్ణయించుకుంటే పట్టువదలరు.

కర్కాటకం

కర్కాటక రాశి పిల్లలపై చంద్రుని ప్రభావం చాలా ఎక్కువగా ఉంటుంది. అందుకే ఈ రాశి పిల్లలకి కాస్త సిగ్గు, బిడియం ఎక్కువే. ప్రశాంత స్వభావం కలిగి ఉంటారు. కొత్త విషయాలు నేర్చుకోవాలనే ఉత్సుకత ఉంటుంది. ఏదైనా విషయం చెప్పాలని అనుకుంటే కళ్ళకు కట్టినట్టుగా అద్భుతంగా చూపిస్తారు. ప్రతిభ కారణంగా తరగతిలో అగ్రస్థానంలో ఉండేందుకు కృషి చేస్తారు. నాయకత్వ లక్షణాలు కూడా ఎక్కువే. ఉపాధ్యాయులకి ప్రియమైన శిష్యులుగా మారతారు. ఇతరుల కంటే భిన్నమైన మనస్తత్వం కలిగి ప్రత్యేకంగా కనిపిస్తారు.

కన్య

కన్యారాశి పిల్లలు బుధ గ్రహ ప్రభావంతో ఉంటారు. ఈ రాశి పిల్లలు తెలివైన వాళ్ళు. వాక్కులో నిష్ణాతులుగా ఉంటారు. విద్యారంగంలో అద్భుతంగా రాణిస్తారు. తెలివితేటలు బాగా ఉపయోగించుకుంటారు. సామర్థ్యానికి మించి జ్ఞానం సంపాదించుకోవాలని తాపత్రయ పడే లక్షణాలు ఎక్కువ. నిర్దేశించుకున్న లక్ష్యాల పట్ల చాలా నిబద్ధత కలిగి ఉంటారు. తల్లిదండ్రులకి మంచి పేరు తీసుకొస్తారు.

మకరం

జ్యోతిష్య శాస్త్రం ప్రకారం మకర రాశి పిల్లల మీద శని ప్రభావం ఉంటుంది. కష్టపడేతత్వం బాగా ఎక్కువ. జ్ఞాపకశక్తి భేషుగ్గా ఉంటుంది. చిన్నప్పటి నుంచి చదువు మీద శ్రద్ద పెట్టేందుకు చాలా ప్రయత్నిస్తారు. కొత్త విషయాలు నేర్చుకోవాలనే తపన కలిగి ఉంటారు. ఒకసారి చదివితే ఎప్పటికీ మర్చిపోరు. ఏక సంతాగ్రహిగా ఉంటారు.

కుంభం

మకర రాశి మాదిరిగానే కుంభ రాశి వారి మీద కూడా శని ప్రభావం చాలా ఎక్కువగా ఉంటుంది. చాలా ప్రతిభావంతులు, తెలివైన వాళ్ళుగా ఉంటారు. చదువుతో పాటు క్రీడలపై మక్కువ ఎక్కువ. ఏకాగ్రతతో పని చేస్తారు. ఏదైనా నేర్చుకోవడానికి పెద్దగా శ్రమించాల్సిన పని ఉండదు. కలుపుగోలు మనస్తత్వం వల్ల స్నేహితులు ఎక్కువగా ఉంటారు. చదువు ప్రథమ కర్తవ్యంగా భావిస్తారు.