తెలుగు న్యూస్ / ఛాయాచిత్రాల ప్రదర్శన / Parenting Tips । పిల్లలపై అరుస్తున్నారా..? అలాంటి పేరేంట్స్ ఇవి తప్పక తెలుసుకోవాలి!

Parenting Tips । పిల్లలపై అరుస్తున్నారా..? అలాంటి పేరేంట్స్ ఇవి తప్పక తెలుసుకోవాలి!

10 October 2022, 10:46 IST

HT Telugu Desk

పిల్లలు ఏదైనా తప్పుచేసినపుడు కొంతమంది తల్లిదండ్రులు వారిని తిడతారు లేదా దండిస్తారు. మరి ఇలా చేస్తే పిల్లల్లో మార్పు వస్తుందా? నిపుణులు ఏమంటున్నారో ఇక్కడ తెలుసుకోండి.

(1 / 9)

పిల్లలు తప్పులు చేయడం చాలా సాధారణ విషయం. అది చూసి తల్లిదండ్రులు వారిపై అరవడం, దండిచడం చేస్తారు. కానీ ఇలా చేయడం వలన పిల్లలు తప్పులు మానేస్తారా అంటే? కొంతమంది మానేయవచ్చు లేదా తల్లిదండ్రులు చూడనపుడు ఆ తప్పులు చేయవచ్చు. కానీ పిల్లలపై అరవడం వలన వారి మానసిక ఆరోగ్యం దెబ్బతింటుంది. అలాంటి తల్లిదండ్రుల్లోనూ ఒత్తిడి, ఆందోళన స్థాయిలు ఎక్కువ ఉంటాయి.

(2 / 9)

పిల్లల్లో ఆత్మవిశ్వాసం తక్కువగా ఉంటుంది. అదే సమయంలో పిల్లలను ఎప్పుడూ తిట్టడం వల్ల వారిలో ఏదో లోపం ఉందని లేదా వారు బాగాలేరని భావించడం చేస్తారు. ఎల్లప్పుడూ ఆత్మన్యూనత భావంతో ఉంటారు.

(3 / 9)

పిల్లలపై తరచుగా అరవటం చేస్తే వారు ఇతరులతోనూ తప్పుగా ప్రవర్తిస్తారు. పిల్లల మనసుల్లో కోపం, పగ ఎంతగానో పెరుగుతాయి. మీరు వారిపై చూపిన కోపాన్ని ఇతర పిల్లలు లేదా వారి తోబుట్టువులపై ప్రదర్శించడం ప్రారంభిస్తారు.

(4 / 9)

పిల్లలు తల్లిదండ్రుల ప్రేమను ఇతరులను చూసి పోల్చుకుంటారు. మీరు వారిపై అరవడం వలన మీకు ప్రేమ లేదని భావిస్తారు. ఈ క్రమంలో ఇతరులకు దగ్గరవుతారు.

(5 / 9)

పిల్లలపై మీరు ఇప్పుడు మీ ప్రతాపం చూపవచ్చు. ఇప్పుడు మిమ్మల్ని వారు ఏం చేయకపోవచ్చు. కానీ మీరు అన్న మాటలు వారు ఎప్పటికీ గుర్తుపెట్టుకుంటారు. ఇది పిల్లలకు, మీకు మధ్య ఉన్న సంబంధాలను ప్రభావితం చేస్తుంది.