Zomato Premium : జొమాటో యూజర్స్​కు షాక్​.. ఆ సేవలు నిలిపివేత!

Zomato Premium membership : జొమాటో ప్రీమియం సేవలు పొందుతున్న యూజర్లకు అలర్ట్​! జొమాటో ప్రీమియం సేవలు నిలిచిపోయాయి. జొమాటో ప్రో, ప్రో ప్లస్​ను నిలిపివేస్తున్నట్టు ఆ సంస్థ సోమవారం వెల్లడించింది.

2020 ముందు వరకు జొమాటో 'గోల్డ్​' అందుబాటులో ఉండేది. దానిని అప్​గ్రేడ్​ చేసి.. జొమాటో ప్రోని 2020లో తీసుకొచ్చారు.

"జొమాటో ప్రో/ ప్రో ప్లస్​ సేవలను రెన్యువెల్​ చేసుకోలేరు. ఈ సేవలను నిలిపివేస్తున్నాము. యూజర్లకు సరికొత్త అనుభూతిని తీసుకొచ్చే విధంగా.. మా సంస్థ కృషి చేస్తోంది. సరికొత్త అప్డేట్​తో మీ ముందుకొస్తాము," అని సంస్థ ప్రకటన చేసింది.

Zomato pro membership : మీడియా కథనాల ప్రకారం.. సరికొత్త ప్రోగ్రామ్​ను తీసుకొచ్చేందుకు.. రెస్టారెంట్​ భాగస్వాములతో జొమాటో ప్రణాళికలు రచిస్తోంది.

జొమాటో ప్రో.. జొమాటో ప్రో ప్లస్​

జొమాటో ప్రో తీసుకునే వారికి.. అనేక రెస్టారెంట్ల నుంచి అదనపు లబ్ధిచేకూరేది. డైనింగ్​, రెస్టారెంట్లు, కేఫ్​లు, బార్స్​తో పాటు ఇతర హోటళ్లలో వారికి అదనంగా ప్రయోజనాలు ఉండేవి. డెలివరీ మీద ఎక్స్​క్లూజివ్​ ఆఫర్లు కూడా లభించేవి. ఇతర జొమాటో యూజర్లతో పోల్చుకుంటే ఇవి మరింత ప్రత్యేకంగా ఉండేవి.

జొమాటో ప్రో మేంబర్​షిప్​ ఉంటే.. డెలివరీలో ప్రాధాన్యత లభించేది. అంటే.. సాధారణ యూజర్​ కన్నా.. ప్రో డెలివరీ మెంబర్​కు ఆర్డర్​ నుంచి డెలివరీ వరకు అనేక సౌలభ్యాలు ఉండేవి. సాధారణ యూజర్​ కన్నా జొమాటో ప్రో మెంబర్​కు 15-20శాతం వేగంగా డెలివరీ అందేది.

ఇప్పుడు జొమాటో ప్రో సేవలను నిలిచిపోవడంతో వినియోగదారులు ఆలోచనలో పడ్డారు. జొమాటో.. ఎలాంటి ప్లాన్లు వేస్తోందో అని అనుకుంటున్నారు.

Zomato share price : ఇక స్టాక్​ మార్కెట్​లో జొమాటో షేరు ధర విషయానికొస్తే.. ప్రస్తుతం రూ. 60.95 వద్ద ట్రేడ్​ అవుతోంది. జొమాటో షేరు ధర ఆల్​టైమ్​ హై రూ. 169గా ఉంటే.. కనిష్ఠం రూ. 40.60గా ఉంది.