UPI on credit cards : ఇక క్రెడిట్ కార్డ్లకు కూడా 'యూపీఐ'.. రెండు నెలల్లో!
23 July 2022, 8:47 IST
- UPI on credit cards : క్రెడిట్ కార్డ్లను యూపీఐకు లింక్ చేసి.. లావాదేవీలను మొదలుపెట్టే ప్రక్రియ రెండు నెలల్లో ప్రారంభం అయ్యే అవకాశాలు ఉన్నాయి.
ఇక క్రెడిట్ కార్డ్లకు కూడా 'యూపీఐ'.. రెండు నెలల్లో!
UPI on credit cards : యూపీఐ(యూనిఫైడ్ పేమెంట్స్ ఇంటర్ఫేస్) నెట్వర్క్కు రూపే క్రెడిట్ కార్డ్లను లింక్ చేసి.. రెండు నెలల్లో కార్యకలాపాలను మొదలు పెట్టే అవకాశం ఉందని ఎన్పీసీఐ(నేషనల్ పేమెంట్స్ కార్పొరేషన్ ఆఫ్ ఇండియా) వెల్లడించింది. శుక్రవారం జరిగిన బ్యాంక్ ఆఫ్ బరోడా ఈవెంట్లో ఎన్పీసీఐ చీఫ్ దిలిప్ ఆస్బే స్పష్టం చేశారు.
Sexual assault in Delhi Metro: ఢిల్లీ మెట్రోలో 16 ఏళ్ల బాలుడిపై లైంగిక దాడి యత్నం; వణికిపోయిన మైనర్
Jammu and Kashmir news: భద్రతా బలగాలపై ఉగ్రవాదుల కాల్పులు; ఐదుగురు జవాన్లకు గాయాలు
IGNOU July 2024 session: ఇగ్నో లో జులై సెషన్ కు రీ రిజిస్ట్రేషన్ విండో ఓపెన్; విద్యార్థులు ఇలా రిజిస్టర్ చేసుకోండి..
Unnatural intercourse: ‘‘భార్యతో అసహజ పద్దతుల్లో శృంగారం చేయడం రేప్ కిందకు రాదు’’ - ఎంపీ హైకోర్టు
"బ్యాంక్ ఆఫ్ బరోడా కార్డ్లు, ఎస్బీఐ కార్డ్లు, యాక్సిస్ బ్యాంక్, యూనియన్ బ్యాంక్ ఆఫ్ ఇండియాతో సంప్రదింపులు జరుపుతున్నాము. మరో 10రోజుల్లో మా ప్రతిపాదనలను ఆర్బీఐకి పంపించే అవకాశం ఉంది. ఆర్బీఐ నుంచి ఆమోదం లభిస్తే.. రెండు నెలల్లో కార్యకలాపాలను మొదలుపెట్టవచ్చు," అని అస్బే పేర్కొన్నారు.
యూనిఫైడ్ పేమెంట్స్ ఇంటర్ఫేస్(యూపీఐ)తో క్రెడిట్ కార్డులు కూడా లింక్ చేసేందుకు జూన్ నెలలో రిజర్వ్ బ్యాంక్ ఆఫ్ ఇండియా అనుమతించింది. ఈ పూర్తి ప్రక్రియతో మర్చెంట్లకు ఎక్కువ లాభాలు ఉండే అవకాశం ఉండొచ్చు. జీరో మర్చెంట్ డిస్కౌంట్ రేట్ను లబ్ధిపొందేందుకు.. మర్చెట్లు కార్డ్లకన్నా యూపీఐలవైపే మొగ్గుచూపుతున్నారు. క్రెడిట్ కార్డుల ద్వారా పేమెంట్ చేస్తే.. మర్చెంట్ల నుంచి 2-3శాతం వరకు డబ్బులు కట్ అవుతుంటాయి.
ప్రస్తుతం కేవలం సేవింగ్స్ అకౌంట్స్ లేదా కరెంట్ అకౌంట్స్‌తో లింక్ అయి ఉన్న యూపీఐ ఖాతాల ద్వారానే చెల్లింపులు జరపొచ్చు.
క్రెడిట్ కార్డ్కు యూపూఐ వెసులుబాటులో ఎక్కువ మంది ప్రజలు యూపీఐ ప్లాట్‌ఫామ్ ద్వారా సులువుగా చెల్లింపులు చేస్తారని ఆర్బీఐ కూడా భావిస్తోంది.
దాదాపు 26 కోట్ల యూనిక్ యూజర్లు, 5 కోట్ల మంది మర్చెంట్లు ప్రస్తుతం యూపీఐ ప్లాట్‌ఫామ్ ఉపయోగిస్తున్నారు.
ఒక్క జూన్లోనే యూపీఐ ద్వారా.. రూ. 10.14లక్షల కోట్లు విలువ చేసే లావాదేవీలు జరిగాయి!
టాపిక్