Tata iPhone manufacturing : ఐఫోన్​ తయారీకి 'టాటా' సిద్ధం- ఆ సంస్థతో డీల్​ ఫిక్స్!

Tata iPhone manufacturing : ఇండియాలోని ఐఫోన్​ ప్రియలకు గుడ్​ న్యూస్​! ఐఫోన్​కి సంబంధించి.. దేశంలో ఒక ఎలక్ట్రానిక్​ మేన్యుఫ్యాక్చరింగ్​ ప్లాంట్​ను ఏర్పాటు చేసే యోచనలో టాటా గ్రూప్​ ఉన్నట్టు తెలుస్తోంది. ఇందుకోసం యాపిల్​కు సప్లయర్​గా తైవాన్​ కంపెనీతో టాటా గ్రూప్​ చర్చలు జరుపుతున్నట్టు సమాచారం. ఇదే జరిగితే.. దేశంలో ఐఫోన్​ ధరలు తగ్గే అవకాశం లేకపోలేదు!

తైవాన్​కు చెందిన విస్ట్రన్​ కార్ప్​ అనే సంస్థ.. యాపిల్​ కంపెనీకి సప్లయర్​గా ఉంది. ప్రాడక్ట్​ డెవలప్​మెంట్​, సప్లై చెయిన్​, అసెంబ్లీ వంటి విషయాలపై విస్ట్రన్​ కార్ప్​ నుంచి కావాల్సిన నైపుణ్యం పొందేందుకు టాటా గ్రూప్​ చర్చలు జరుపుతున్నట్టు సంబంధిత వర్గాలు వెల్లడించాయి.

డీల్​ ఓకే అయితే.. ఇండియాలో ఐఫోన్​ను తయారు చేసే తొలి సంస్థగా టాటా నిలుస్తుంది. ప్రస్తుతం.. ఐఫోన్​ అసెంబ్లీ వంటివి అన్ని తైవాన్​లోని విస్ట్రన్​, ఫాక్స్​కాన్​ టెక్నాలజీ తదితర సంస్థలు చూసుకుంటున్నాయి.

iPhone makers India : అంతేకాకుండా.. ఐఫోన్​ని ఇండియా తయారు చేస్తే.. చైనాకు మరింత పోటీనిచ్చినట్టు అవుతుంది. ఎలక్ట్రిక్​ పరికరాల తయారీలో చైనాకు ఉన్న ప్రాధాన్యత తగ్గిపోతుంది. కొవిడ్​, రాజకీయ ఉద్రిక్తతల నేపథ్యంలో చైనాకు అవకాశాలు తగ్గిపోవాలని అమెరికా కూడా కోరుకుంటోంది. ఇక ఐఫోన్​ తయారీ విషయంలో టాటా సక్సెస్​ అయితే.. ఇతర దిగ్గజ కంపెనీలు కూడా ఇండియాకు వలస వచ్చే అవకాశాలు పెరుగుతాయి.

విస్ట్రన్​ ఇండియాలో టాటా వాటా కొనొచ్చు లేదా టాటాతో ఒప్పందం కుదుర్చుకుని ఇండియాలో ఆ సంస్థ ఓ ప్లాంటును ఏర్పాటు చేయవచ్చు.

ఈ వ్యవహారంపై యాపిల్​కు సమాచారం ఉందా? లేదా? అన్నది తెలియరాలేదు. అయితే.. ఇతర దేశాల్లో ఉత్పత్తులపై యాపిల్​ కూడా దృష్టిపెట్టింది. చైనాపై ఎక్కువ ఆధారపడటం ఆ సంస్థకు కూడా నచ్చడం లేదు.

Apple iPhone : స్థానిక సంస్థలతో కలిసి మేన్యుఫ్యాక్చరింగ్​ యూనిట్​లు పెడుతూ ఉంటుంది యాపిల్​. అయితే.. ఐఫోన్​ అసెంబ్లీ వ్యవహారం కాస్త కఠినమైనది. అమెరికా నిబంధనలు, క్వాలిటీ కంట్రోల్​కు తగ్గట్టు చర్యలు తీసుకోవాల్సి ఉంటుంది.

ఈ వ్యవహారంపై అటు టాటా గ్రూప్​ నుంచి ఇటు విస్ట్రన్​ సంస్థ నుంచి ఎలాంటి ప్రకటన వెలువడలేదు.