Monkeypox | గుడ్​ న్యూస్​.. మంకీపాక్స్​ వ్యాప్తి ముప్పు చాలా తక్కువే!

Monkeypox virus | అమెరికా, యూరోప్​లో మంకీపాక్స్​ కేసులు ఆందోళనకరంగా పెరుగుతున్న వేళ.. ప్రపంచ ఆరోగ్య సంస్థ(డబ్ల్యూహెచ్​ఓ) కీలక వ్యాఖ్యలు చేసింది. సాధారణ జనాభాలో మంకీపాక్స్​ వ్యాధి వ్యాప్తి చాలా తక్కువగానే ఉంటుందని పేర్కొంది. కేంద్ర- పశ్చిమ ఆఫ్రిక దేశాల బయట.. ఈ వ్యాధి వ్యాప్తిని సులభంగా అడ్డుకోవచ్చని స్పష్టం చేసింది.

మంకీపాక్స్​ అనేది కొత్త విషయమేమీ కాదు. 40ఏళ్ల నుంచి ఈ వ్యాధి ఆఫ్రికా దేశాల్లో ఉంది. కాగా.. ఇటీవలే అమెరికా, యూరోప్​లో దాదాపు 200కుపైగా కేసులు ఒక్కసారిగా వెలుగుచూడటం ఆందోళకరంగా మారింది. పైగా.. రోగుల్లో చాలా మందికి అసలు ఆఫ్రికాకు వెళ్లకుండానే వ్యాధి అంటుకుంది. ఇది మరో 'కొవిడ్​' సంక్షోభానికి దారితీస్తుందా? అన్న అనుమానాలు పెరిగిపోయాయి. ఈ నేపథ్యంలో.. డబ్ల్యూహెచ్​ఓ వ్యాఖ్యలు ప్రపంచానికి కాస్త ఉపశమనాన్ని కలిగించాయి.

యూరోపియన్​ కమిషన్​కు చెందిన ఈసీడీసీ(యూరోపియన్​ సెంటర్​ ఫర్​ డిసీజ్​ ప్రివెన్షన్​ అండ్​ కంట్రోల్​) సైతం ఇలాంటి వ్యాఖ్యలే చేసింది. అధిక జనాభాను పరిగణలోకి తీసుకుంటే.. మంకీపాక్స్​తో ఆందోళన చెందాల్సిన అవసరం లేదని, వ్యాప్తి కూడా తక్కువగానే ఉంటుందని వివరించింది.

కాగా.. మరికొన్ని రోజుల పాటు కేసులు పెరిగే అవకాశం ఉందని డబ్ల్యూహెచ్​ఓ, ఈసీడీసీలు అభిప్రాయపడ్డాయి. చిన్నారులు, గర్భిణీలు, రోగనిరోధక శక్తి తక్కువగా ఉండే వారిపై వ్యాధి ప్రభావం ఎక్కువగా ఉంటుందని ఈసీడీసీ పేర్కొంది. కాగా ఈ వ్యాధితో మరణించే అవకాశాలు చాలా తక్కువగా ఉన్నట్టు వివరించింది.

Monkey pox symptoms | మంకీపాక్స్​కు వాస్తవానికి మందులు ఉన్నాయి కానీ సరైన చికిత్స లేదు. మంకీపాక్స్​ లక్షణాలు రెండువారాల్లో వాతంటత అవే పోతాయి. జ్వరం, ఖండరాల నొప్పులు, నీరసం, చర్మంపై చికెన్​ పాక్స్​ వంటి రాషేస్​.. ఈ వ్యాధి లక్షణాలు. రోగి తుంపర్ల నుంచి వ్యాధి వ్యాపించే అవకాశం ఉంది. శృంగారం నుంచి కూడా వ్యాధి వ్యాపిస్తుందని వైద్యులు భావిస్తున్నారు.