New governors : తెలంగాణ సహా వివిధ రాష్ట్రాలకు కొత్త గవర్నర్లు..

రాష్ట్రపతి ద్రౌపది ముర్ము ఆరుగురు కొత్త గవర్నర్లను నియమించారు. మరో ముగ్గురిని పునర్వ్యవస్థీకరించారు. ఈ మేరకు శనివారం రాత్రి రాష్ట్రపతి భవన్ ఓ ప్రకటన విడుదల చేసింది. ఆయా కార్యాలయాల్లో బాధ్యతలు స్వీకరించే తేదీల నుంచి ఈ నియామకాలు అమల్లోకి వస్తాయని రాష్ట్రపతి తెలిపింది.

అసోం, మణిపూర్

అదనపు బాధ్యతలతో లక్ష్మణ్ ప్రసాద్ ఆచార్యను అసోం గవర్నర్​గా రాష్ట్రపతి నియమించారు. గత ఏడాది ఫిబ్రవరి నుంచి మణిపూర్ గవర్నర్​గా పనిచేస్తున్న అనుసూయ ఉక్యే స్థానంలో ఆయన నియమితులయ్యారు. సిక్కిం గవర్నర్ లక్ష్మణ్ ప్రసాద్ ఆచార్యను అసోం గవర్నర్​గా నియమించారని, మణిపూర్ గవర్నర్​గా అదనపు బాధ్యతలు కూడా అప్పగించారని రాష్ట్రపతి భవన్​ ప్రకటనలో పేర్కొన్నారు.

పంజబ్​..

రాష్ట్రపతి భవన్ ప్రకటించిన గవర్నర్ నియామకాల కింద పంజాబ్ గవర్నర్​గా పనిచేసిన బన్వరిలాల్ పురోహిత్ స్థానంలో గులాబ్ చంద్ కటారియా నియమితులయ్యారు. పంజాబ్ గవర్నర్, ఛండీగఢ్ అడ్మినిస్ట్రేటర్ బన్వరిలాల్ పురోహిత్ రాజీనామాను రాష్ట్రపతి ద్రౌపది ముర్ము ఆమోదించారు.

లక్ష్మణ్ ప్రసాద్ ఆచార్య స్థానంలో కేంద్రపాలిత ప్రాంతమైన ఛండీగఢ్ అడ్మినిస్ట్రేటర్​గా గులాబ్ చంద్ కటారియాను నియమించారు.

సిక్కిం..

తాజా నియామకాల ప్రకారం సిక్కిం కొత్త గవర్నర్​గా బీజేపీ సీనియర్ నేత ఓం ప్రకాశ్ మాథుర్ నియమితులయ్యారు.

మహారాష్ట్ర..

కొత్త గవర్నర్​గా ఝార్ఖండ్ గవర్నర్ సిపి రాధాకృష్ణన్​ను నియమిస్తూ రాష్ట్రపతి భవన్​ ఉత్తర్వులు జారీ చేసింది. ప్రస్తుతం ఉన్న రమేష్ బైస్ స్థానంలో ఆయన బాధ్యతలు చేపట్టారు. సీ.పీ.రాధాకృష్ణన్ ఇప్పటివరకు తెలంగాణ బాధ్యతలు నిర్వర్తిస్తున్నారు.

ఝార్ఖండ్

ఝార్ఖండ్​ గవర్నర్​గా రాధాకృష్ణన్ స్థానంలో కేంద్ర కార్మిక, ఉపాధి కల్పన శాఖ మంత్రి సంతోష్ కుమార్ గంగ్వార్ బాధ్యతలు చేపట్టనున్నారు.

తెలంగాణ

త్రిపుర మాజీ ఉపముఖ్యమంత్రి జిష్ణు దేవ్ వర్మను తెలంగాణ కొత్త గవర్నర్​గా నియమించారు.

పుదుచ్చేరి

ప్రధాని నరేంద్ర మోదీకి అత్యంత నమ్మకస్తుల్లో ఒకరైన మాజీ ఐఏఎస్ అధికారి కె.కైలాసనాథన్ పుదుచ్చేరి లెఫ్టినెంట్ గవర్నర్​గా నియమితులయ్యారు.

కైలాసనాథన్ గతంలో గుజరాత్ ముఖ్యమంత్రి భూపేంద్ర పటేల్​కు ముఖ్య కార్యదర్శిగా పనిచేశారు. పదవీ విరమణ తర్వాత దశాబ్దానికి పైగా ఈ పదవిలో కొనసాగిన ఆయన ఎట్టకేలకు జూన్ 30న పదవి నుంచి వైదొలిగారు.

రాజస్థాన్

గవర్నర్ కల్రాజ్ మిశ్రా స్థానంలో మహారాష్ట్రకు చెందిన బీజేపీ సీనియర్ నేత హరిభావ్ కిసాన్ రావ్ బాగ్డే నియమితులయ్యారు.

ఛత్తీస్​గఢ్

ఛత్తీస్​గఢ్​ గవర్నర్ పదవిని అసోంకు చెందిన మాజీ లోక్ సభ సభ్యుడు రామెన్ డేకా చేపట్టనున్నారు.

మేఘాలయ

కర్ణాటకలోని మైసూరుకు చెందిన మాజీ లోక్​సభ సభ్యుడు సీహెచ్ విజయశంకర్ మేఘాలయ గవర్నర్​గా వ్యవహరిస్తారు.