Paytm share price : పేటీఎం షేర్​ ప్రైస్​ టార్గెట్​.. రూ. 940?

Paytm share price : ఐపీఓ నుంచి మదుపర్లకు నష్టాలనే మిగిల్చిన పేటీఎం స్టాక్​.. ఇప్పుడు ఊపందుకుంటోంది! నాలుగు రోజులు వరుస లాభాలను చూసింది. అంతేకాకుండా.. రెండు వారాల్లో ఏకంగా 24శాతం పెరిగింది ఈ పేటీఎం షేర్ ప్రైస్.

2022 మేలో రూ. 510.05 వద్ద ఆల్​టైమ్​ లో ను తాకింది పేటీఎం స్టాక్​. అక్కడి నుంచి క్రమంగా పుంజుకుంది. ఇక మంగళవారం ట్రేడింగ్​ సెషన్​లో రూ. 724ను తాకి ప్రస్తుతం 714 వద్ద కొనసాగుతోంది. ఈ ఒక్క ట్రేడింగ్​ సెషన్​లోనే పేటీఎం షేర్ ప్రైస్ దాదాపు 2శాతం పెరిగింది.

కారణం ఏంటి?

మార్కెట్​ నిపుణుల టెక్నికల్​ ఎనాలసిస్​ ప్రకారం.. రూ. 650 వద్ద పేటీఎం స్టాక్​ 'ట్రైయాంగిల్​ పాటర్న్​' బ్రేక్​అవుట్​ ఇచ్చింది. అందుకే రెండు వారాలుగా పేటీఎం షేర్ ప్రైస్ పెరుగుతూ వస్తోంది. అంతేకాకుండా రూ. 720 వద్ద ఈ పేటీఎం స్టాక్​ 'కప్​ అండ్​ హోల్డర్​' బ్రేక్​అవుట్​ ఇచ్చేందుకు సిద్ధమవుతోంది.

Paytm share price target : మంగళవారం ట్రేడింగ్​ సెషన్​లో.. పేటీఎం షేర్ ప్రైస్ రూ. 720 కన్నా ఎక్కువలో క్లోజ్​ అయితే.. స్వల్ప కాలంలో ఆ స్టాక్​ రూ. 940కి కూడా చేరుకునే అవకాశం ఉంది.

కానీ ఇక్కడ ఒక విషయం గుర్తుపెట్టుకోవాలి. ఈ లెక్కలన్నీ టెక్నికల్​ ఎనాలసిస్​వే. ఫండమెంటల్స్​ ప్రకారం సంస్థ పరిస్థితి మారలేదు.

"పేటీఎం షేర్ ప్రైస్ రూ. 800- రూ. 940కి చేరే అవకాశం ఉంది. కానీ రూ. 680- రూ 700 రేంజ్​లోనే కొనుగోలు చేయాలి. స్టాప్​లాస్​ రూ. 650గా ఉండాలి. రూ. 800 ఎగువన పేటీఎం స్టాక్​ స్థిరపడితే.. రూ. 940 టార్గెట్​ను సాధించగలుగుతుంది," అని జీసీఎల్​ సెక్యూరిటీస్​కి చెందిన రవి సింఘాల్​ వెల్లడించారు.

Paytm IPO : 2021 నవంబర్​లో పేటీఎం ఐపీఓ మార్కెట్​లోకి వచ్చింది. దాని ప్రైజ్​బ్యాండ్​ షేరుకు.. రూ. 2080- రూ. 2150. కానీ పేటీఎం స్టాక్​ లిస్టింగ్​ డిస్కౌంట్​లో జరిగింది. ప్రస్తుత పేటీఎం షేర్ ప్రైస్​ను.. రూ. 2150 అప్పర్​ ప్రైజ్​ బ్యాండ్​తో పోల్చుకుంటే.. ఈ స్టాక్​ 67శాతం దిగువన ట్రేడ్​ అవుతున్నట్టు.

(గమనిక: ఇది కేవలం సమాచారం కోసం రాసిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా పెట్టుబడి పెట్టే ముందు మీ ఫైనాన్షియల్​ ఎడ్వైజర్లను సంప్రదించడం శ్రేయస్కరం)