Kota rape case : కోటాలో నీట్​ విద్యార్థినిపై అత్యాచారం.. టిఫిన్​ డెలివరీ బాయ్​ అరెస్ట్​!

Kota rape case : విద్యార్థుల ఆత్మహత్యలతో ఇటీవలి కాలంలో నిత్యం వార్తల్లో నిలుస్తున్న రాజస్థాన్​ కోటాలో మరో కలకలం! స్థానికంగా ఓ హాస్టల్​లో ఉంటూ.. నీట్​కి ప్రిపేర్​ అవుతున్న ఓ బాలికపై అనేకమార్లు అత్యాచారం జరిగింది. ఈ ఘటనకు సంబంధించి.. ఇద్దరిని అరెస్ట్​ చేశారు పోలీసులు.

ఇదీ జరిగింది..

బిహార్​కు చెందిన ఓ 15ఏళ్ల బాలిక.. నీట్​ కోచింగ్​ కోసం రాజస్థాన్​ కోటాకు వెళ్లింది. అక్కడి ఓ హాస్టల్​లో.. తన సోదరితో కలిసి జీవిస్తోంది. కాగా.. గత ఫిబ్రవరిలో.. ఆమెను ఓ టిఫిన్​ బాయ్​ కలిశాడు. ఫుడ్​ డెలివరీ చేసేందుకు వచ్చి మాటలు కలిపాడు. అలా.. వీరిద్దరి మధ్య స్నేహం కుదిరింది. కొద్ది రోజులు మాట్లాడుకున్నారు.

Rajasthan rape case : కాగా.. ఫిబ్రవరిలో బాలిక రూమ్​కి వెళ్లాడు ఆ టిఫిన్​ బాయ్​. ఆమె చేత మద్యం తాగించాడు. బాలిక.. అపస్మారక స్థితిలో ఉండగా.. ఆమెపై అత్యాచారానికి ఒడిగట్టాడు. ఆ దృశ్యాలను వీడియో తీశాడు. అప్పటి నుంచి ఆ వీడియోను అడ్డం పెట్టుకుని.. నీట్​కు ప్రిపేర్​ అవుతున్న బాలికను బెదిరించడం మొదలుపెట్టాడు. బాధితురాలు.. ఇప్పటివరకు 6,7సార్లు రేప్​నకు గురైంది.

ఈ విషయాన్ని.. బాలిక, హాస్టల్​ యజమాని దృష్టికి తీసుకెళ్లింది. సాయం చేయాలని కోరింది. కానీ.. హాస్టల యజమానీ, ఆమెను మందలించాడు. జరిగిందేదో జరిగిందని అంటూ.. టిఫిన్​ బాయ్​ని పెళ్లిచేసేసుకోమని సలహా ఇచ్చాడు. అందుకు ఆమె ఒప్పుకోకపోవడంతో తిట్టడం మొదలుపెట్టాడు. ఈ విషయం ఎవరికీ చెప్పొద్దని హెచ్చరించాడు. ఎవరికైనా చెబితే కుటుంబం పరువు పోతుందని అనేవాడు.

NEET aspirant raped in Kota : టిఫిన్​ బాయ్​ చర్యలను తట్టుకోలేకపోయిన బాలిక.. చివరికి.. ఇటీవలే పోలీసులను ఆశ్రయించింది. తనకు జరిగిన అన్యాయాన్ని వివరించింది. టిఫిన్​ బాయ్​తో పాటు హాస్టల్​ యజమానిపైనా ఫిర్యాదు చేసింది.

ఘటనపై కేసు నమోదు చేసుకున్న పోలీసులు.. టిఫిన్​ బాయ్​తో పాటు హాస్టల్​ యజమానిని కూడా అరెస్ట్​ చేశారు. ఘటనపై దర్యాప్తు కొనసాగుతోందని స్పష్టం చేశారు.

కూతురిని చంపిన తండ్రి..

దేశంలో నేరాలు రోజురోజుకు పెరిగిపోతున్నాయి. మరీ ముఖ్యంగా మహిళలు, బాలికలపై జరుగుతున్న నేరాలు ఆందోళనకరంగా మారాయి. వేరే కులానికి చెందిన వ్యక్తిని ప్రేమిస్తోందన్న కారణంతో.. సొంత బిడ్డను కిరాతకంగా చంపేశాడు ఓ తండ్రి. ఈ ఘటన కర్ణాటకలో కలకలం సృష్టించింది.

కర్ణాటక దేవనహల్లికి సమీపంలోని బిదులూరు గ్రామంలో ఈ ఘటన జరిగింది. మంజునాథ్​ అనే వ్యక్తి, తన కుటుంబంతో అక్కడ చాలా సంవత్సరాలుగా జీవిస్తున్నాడు. అతనికి ఇద్దరు బిడ్డలు. పెద్ద కూతురి పేరు కవన. ఆమె వయస్సు 20ఏళ్లు. పూర్తి వివరాల కోసం ఇక్కడ క్లిక్​ చేయండి.