Nagpur factory blast : ఫ్యాక్టరీలో భారీ పేలుడు.. 9మంది దుర్మరణం!

Nagpur factory blast today : మహారాష్ట్రలో విషాదకర సంఘటన చోటుచేసుకుంది. నాగ్​పూర్​లోని ఓ ఫ్యాక్టరీలో ఆదివారం ఉదయం భారీ పేలుడు సంభవించింది. ఈ ఘటనలో ఇప్పటివరకు 9మంది ప్రాణాలు కోల్పోయారు. మరో ముగ్గురు గాయపడ్డారు.

నాగ్​పూర్​లోని బజార్​గావ్​ గ్రామానికి సమీపంలో ఉన్న సోలార్​ ఎక్స్​ప్లోజివ్​ కంపెనీలో ఈ దుర్ఘటన జరిగింది. కంపెనీలోని కాస్ట్​ బూస్టర్​ ప్లాంట్​లో పేలుడు సంభవించింది. ఆ సమయంలో అక్కడ 12మంది కార్మికులు ఉన్నట్టు తెలుస్తోంది.

కాగా.. నాగ్​పూర్​ ఫ్యాక్టరీలో పేలుడు ఘటనపై సమాచారం అందుకున్న వెంటనే స్పందించిన పోలీసులు ఘటనాస్థలానికి వెళ్లారు. 9మంది మృతదేహాలను వెలికితీశారు. గాయపడిన ముగ్గురిని స్థానిక ఆసుపత్రికి తరలించారు.

Solar explosive company : కాగా.. ఫ్యాక్టరీలో పేలుడుకు గల కారణాలు ఇంకా తెలియరాలేదు. కానీ.. కాస్ట్​ బూస్టర్​ ప్లాంట్​లో ప్యాకింగ్​ కార్యకలాపాలు చేస్తుండగా ఒక్కసారిగా పేలుడు సంభవించిందని సమాచారం.

ఈ సోలార్​ ఎక్స్​ప్లోజివ్​ కంపెనీ.. భద్రతా దళాలకు ఆయుధాలు, డ్రోన్​లు సప్లై చేస్తుంది. మరోవైపు ఘటనపై దర్యాప్తు చేపట్టినట్టు పోలీసులు వెల్లడించారు.

రూ. 5లక్షల పరిహారం..

Nagpur solar explosive company : నాగ్​పూర్​ ఫ్యాక్టరీలో పేలుడు ఘటనపై మహారాష్ట్ర డిప్యూటీ సీఎం దేవేంద్ర ఫడణవీస్​ స్పందించారు. ఘటనపై దిగ్బ్రాంతి వ్యక్తం చేస్తూ.. మృతుల కుటుంబాలకు రూ. 5లక్షల పరిహారాన్ని ప్రకటించారు. మరణించిన తొమ్మిది మందిలో ఆరుగురు మహిళలు ఉన్నట్టు తెలిపారు. క్షతగాత్రులకు మెరుగైన వైద్యం అందివ్వాలని అధికారులను సూచించినట్టు వెల్లడించారు.