Indian Navy SSC Officers Recruitment 2024 : నేవీలో ఉద్యోగాలు.. అప్లికేషన్​ ప్రక్రియ షురూ..

Indian Navy recruitment 2024 apply online : షార్ట్ సర్వీస్ కమిషన్ (ఎస్​ఎస్​సీ) ఆఫీసర్స్ పోస్టుల భర్తీకి దరఖాస్తులకు నోటిఫికేషన్​ జారీ చేసింది ఇండియన్​ నేవీ. అర్హులైన అభ్యర్థులు joinindiannavy.gov.in ఇండియన్ నేవీ అధికారిక వెబ్​సైట్​ ద్వారా ఆన్​లైన్​లో దరఖాస్తు చేసుకోవచ్చు. ఈ రిక్రూట్​మెంట్ డ్రైవ్ ద్వారా మొత్తం 254 పోస్టులను భర్తీ చేయనుంది ఇండియన్​ నేవీ.

రిజిస్ట్రేషన్ ప్రక్రియ ఫిబ్రవరి 24న ప్రారంభమవుతుంది. అప్లికేషన్​కు తుది గడువు.. 2024 మార్చి 10. అర్హత, ఎంపిక విధానం, ఇతర వివరాలను ఇక్కడ తెలుసుకోండి..

ఖాళీల వివరాలు

• ఎగ్జిక్యూటివ్ బ్రాంచ్ : 136 పోస్టులు
• ఎడ్యుకేషన్ బ్రాంచ్ : 18 పోస్టులు
• టెక్నికల్ బ్రాంచ్ : 100 పోస్టులు

అర్హతలు..

Indian Navy SSC Officers Recruitment syllabus : ఈ పోస్టులకు దరఖాస్తు చేసుకోవాలనుకునే అభ్యర్థులు కనీసం 60 శాతం మార్కులతో ఏదైనా విభాగంలో బీఈ/బీటెక్ డిగ్రీ ఉత్తీర్ణులై ఉండాలి. కేడర్ వారీగా విద్యార్హతలు, వయోపరిమితి అందుబాటులో ఉంటాయి.

ఎంపిక విధానం

క్వాలిఫయింగ్ డిగ్రీలో సాధించిన సాధారణ మార్కుల ఆధారంగా అభ్యర్థులను షార్ట్ లిస్ట్ చేస్తారు. షార్ట్​ లిస్ట్​ అయిన అభ్యర్థులకు ఎస్​ఎస్​బీ ఇంటర్వ్యూకు ఎంపికైన విషయాన్ని ఈ-మెయిల్ లేదా ఎస్ఎంఎస్ ద్వారా తెలియజేస్తారు. ఖాళీల లభ్యత, సంబంధిత ప్రవేశానికి మెడికల్ క్లియరెన్స్ ఆధారంగా అన్ని ఎంట్రీలకు ఎస్ఎస్​బీ మార్కుల ఆధారంగా మెరిట్ జాబితాను రూపొందిస్తారు. మెడికల్ ఎగ్జామినేషన్​లో ఫిట్​గా తేలిన అభ్యర్థులను ఎంట్రీలో ఖాళీల లభ్యతను బట్టి నియమిస్తారు.

బేసిక్ పే

ఎస్​ఎల్​టీ బేసిక్ పే రూ.56,100/- నుంచి ఇతర అలవెన్సులతో పాటు వర్తిస్తుంది. మరిన్ని వివరాలకు అభ్యర్థులు ఇండియన్ నేవీ అధికారిక వెబ్​సైట్​ చూడవచ్చు.

సెంట్రల్ బ్యాంక్​లో ఉద్యోగాలు..

3000 అప్రెంటిస్ పోస్టుల భర్తీకి అర్హులైన అభ్యర్థుల నుంచి సెంట్రల్ బ్యాంక్ ఆఫ్ ఇండియా దరఖాస్తులను కోరుతోంది. ఆసక్తి, అర్హత ఉన్న అభ్యర్థులు ఆన్​లైన్​లో సెంట్రల్ బ్యాంక్ ఆఫ్ ఇండియా అధికారిక వెబ్​సైట్ ద్వారా అప్లై చేసుకోవచ్చు. అప్లై చేయడానికి మార్చి 6వ తేదీ వరకు గడువు ఉంది. ఫిబ్రవరి 22న ప్రారంభమైందని, దరఖాస్తు ఫారం సమర్పించడానికి మార్చి 6 వరకు గడువు ఉందన్నారు. సెంట్రల్ బ్యాంకులో అప్రెంటిస్షిప్ కోసం దరఖాస్తు చేసే ముందు అభ్యర్థులు www.nats.education.gov.in వెబ్ సైట్ లో అప్రెంటిస్ షిప్ పోర్టల్లో రిజిస్టర్ చేసుకోవాలి. పూర్తి వివరాల కోసం ఇక్కడ క్లిక్​ చేయండి.