Union Bank SO Recruitment 2024: యూనియన్ బ్యాంక్ లో 606 పోస్ట్ లకు అప్లై చేయడానికి ఈ రోజే లాస్ట్ డేట్

యూనియన్ బ్యాంక్ ఆఫ్ ఇండియా స్పెషలిస్ట్ ఆఫీసర్ పోస్టుల రిజిస్ట్రేషన్ ప్రక్రియను 2024 ఫిబ్రవరి 23న ముగించనుంది. ఈ పోస్టులకు అప్లై చేయాలనుకునే అభ్యర్థులు యూనియన్ బ్యాంక్ ఆఫ్ ఇండియా అధికారిక వెబ్ సైట్ unionbankofindia.co.in ద్వారా అప్లై చేసుకోవచ్చు. అప్లై చేసిన తరువాత దరఖాస్తు ప్రింట్ తీసుకోవడానికి చివరి తేదీ 2024 మార్చి 9 వరకు ఉంటుంది. ఈ రిక్రూట్ మెంట్ డ్రైవ్ ద్వారా సంస్థలో 606 స్పెషలిస్ట్ ఆఫీసర్ పోస్టులను భర్తీ చేయనున్నారు.

ఇలా అప్లై చేయండి

యూనియన్ బ్యాంక్ లో స్పెషలిస్ట్ ఆఫీసర్ పోస్ట్ లను భర్తీ చేయడానికి అభ్యర్థులు ఈ కింది స్టెప్స్ ను ఫాలో కావాల్సి ఉంటుంది.

• ముందుగా యూనియన్ బ్యాంక్ ఆఫ్ ఇండియా అధికారిక వెబ్ సైట్ unionbankofindia.co.in ను సందర్శించండి.
• హోమ్ పేజీలో అందుబాటులో ఉన్న రిక్రూట్మెంట్ లింక్ పై క్లిక్ చేయండి.
• కొత్త పేజీ ఓపెన్ అవుతుంది. అక్కడ అభ్యర్థులు స్పెషలిస్ట్ ఆఫీసర్ పోస్టుల లింక్ పై క్లిక్ చేయాలి.
• ఆన్ లైన్ లో దరఖాస్తు లింక్ అందుబాటులో ఉంటుంది.
• ఆ లింక్ పై చేసి రిజిస్ట్రేషన్ వివరాలు నమోదు చేయాలి.
• రిజిస్ట్రేషన్ పూర్తయిన తర్వాత అకౌంట్లోకి లాగిన్ అవ్వాలి.
• అప్లికేషన్ ఫామ్ ఫిల్ చేయాలి. అవసరమైన డాక్యుమెంట్స్ ను అప్ లోడ్ చేయాలి.
• అప్లికేషన్ ఫీజు చెల్లించి సబ్మిట్ పై క్లిక్ చేయాలి.
• అప్లికేషన్ ఫామ్ పేజీని డౌన్ లోడ్ చేసుకోండి.
• భవిష్యత్ అవసరాల కోసం హార్డ్ కాపీని భద్రపర్చుకోండి.
• దరఖాస్తు ఫీజు జనరల్/ఈడబ్ల్యూఎస్/ఓబీసీ కేటగిరీ అభ్యర్థులకు రూ.850. ఎస్సీ/ ఎస్టీ/ దివ్యాంగులకు దరఖాస్తు ఫీజు రూ.175. ఆన్లైన్ విధానంలోనే చెల్లింపులు జరపాలి.
• మరిన్ని వివరాలకు అభ్యర్థులు యూనియన్ బ్యాంక్ ఆఫ్ ఇండియా అధికారిక వెబ్ సైట్ unionbankofindia.co.in ను చూడవచ్చు.