Rains in India : రానున్న మూడు రోజులు భారీ వర్షాలు.. ఐఎండీ హెచ్చరికలు

Rains in India : దేశవ్యాప్తంగా భారీ వర్షాలు కురుస్తున్నాయి. పంజాబ్​, హరియాణా, ఢిల్లీ, ఉత్తర్​ప్రదేశ్​లలో రానున్న మూడు రోజుల పాటు భారీ వర్షాలు కురుస్తాయని భారత వాతావరణశాఖ(ఐఎండీ) హెచ్చరించింది. సోమ- మంగళవారాల్లో అరుణాచల్​ప్రదేశ్​, అసోం, మేఘాలయాల్లో భారీ నుంచి అతి భారీ వర్షాలు పడతాయని పేర్కొంది. కర్ణాటక, గోవా, కేరళలో రానున్న రోజుల పాటు వర్షాలు పడతాయని స్పష్టం చేసింది.

• ఈశాన్య అరేబియా సముద్రంలో అల్పపీడనం ఏర్పడింది. ఇది తుపానుగా మారే అవకాశం ఉంది! ప్రస్తుతం అది ఓమన్​వైపు గంటకు 50కి.మీల వేగంతో ప్రయాణిస్తోంది.
• సోమవారం నుంచి ఈశాన్య రాష్ట్రాల్లో, మంగళవారం నుంచి పశ్చిమ్​ బెంగల్​ హిమాలయ ప్రాంతాల్లో కొన్ని రోజుల పాటు వర్షాలు కురుస్తాయి.
• జులై 20న హిమాచల్​ప్రదేశ్​లో, జులై 19-21 మధ్యలో ఉత్తరాఖండ్​లోని పలు ప్రాంతాల్లో భారీ నుంచి అతి భారీ వర్షాలు కురుస్తాయి.
• పంజాబ్​, హరియాణా, ఛండీగఢ్​-ఢిల్లీ, ఉత్తర్​ప్రదేశ్​లో మూడు రోజుల పాటు ఉరుములతో కూడిన వర్షాలు పడతాయి.
• పశ్చిమ రాజస్థాన్​లో ఆదివారం నుంచి, తూర్పు రాజస్థాన్​లో 20 వరకు అక్కడక్కడా తేలికపాటి, మోస్తరు వర్షాలు కురుస్తాయి.
• మధ్యప్రదేశ్​, ఛత్తీస్​గఢ్​లో 17-21 మధ్యలో, కర్ణాట తీర ప్రాంతం 18-19, కోంకణ్​ ప్రాంతం- గోవాలో 18 వరకు, కేరళ-మాహేలో 20 వరకు అక్కడక్కడా వర్షాలు పడతాయి.
• ఆంధ్రప్రదేశ్​ తీర ప్రాంతంలోని ఉత్తర భాగం, యానామంలో ఆదివారం వర్షాలు కురిశాయి. గుజరాత్​, మారాఠావాడా, తెలంగాణలో సోమవారం, తమిళనాడులో ఈనెల 19వరకు, మహారాష్ట్రలో సోమవారం భారీ వర్షాలు కురుస్తాయని ఐఎండీ అంచనా వేసింది.