Nepal Earthquake : నేపాల్​లో భూకంపం.. బిహార్​లో ప్రకంపనలు

Nepal Earthquake : ఆదివారం ఉదయం సంభవించిన భూకంపంతో నేపాల్​ ప్రజలు ఉలిక్కిపడ్డారు. రిక్టార్​ స్కేల్​పై 5.5 తీవ్ర నమోదైంది.

రాజధాని ఖాట్మాండుకు 147కిలోమీటర్ల దూరంలో.. ఉదయం 8:13 గంటలకు భూకంపం చోటుచేసుకుంది. ఈ ఘటనలో ఇప్పటివరకు ఎలాంటి ప్రాణ, ఆస్తి నష్టం జరగలేదు.

కానీ నేపాల్​లో భూకంపాలు తీవ్ర భయాందోళనకు గురిచేస్తున్నాయి. 2015 ఏప్రిల్​ 25న సంభవించిన భూకంపాన్ని ప్రజలు ఇప్పటికీ మరిచిపోలేదు. ఖాట్మాండు- పోఖారా మధ్యలో రికార్ట్​ స్కేల్​పై 7.8 తీవ్రతతో భూమి కంపించింది. ఈ ఘటనలో 8,964మంది ప్రాణాలు కోల్పోయారు. 22వేల మందికి పైగా ప్రజలు గాయపడ్డారు.

ఆ తర్వా త కూడా నేపాల్​లో తరచూ భూకంపాలు సంభవిస్తూనే ఉన్నాయి.

బిహార్​లో ప్రకంపనలు..

Bihar earthquake today : ఆదివారం నేపాల్​లో భూకంపం సంభవించగా.. ఆ ప్రకంపనలు బిహార్​ వరకు వచ్చాయి. బిహార్​లోని ఉత్తర భాగంలో ఆదివారం ఉదయం 8గంటల ప్రాంతంలో భూమి కంపించింది.

దర్భంగ, సుపౌల్​, కిషన్​గంజ్​, కతిహార్​, సితామర్హి, సమస్తపూర్​, బిగిసార, ముజఫర్​పూర్​, అరారియా ప్రాంతాల్లోని ప్రకంపనలు వచ్చాయి. ప్రకంపనల ధాటికి.. ప్రజలు ఇళ్ల నుంచి బయటకు పరుగులు తీశారు.

Earthquake today Darbhanga : "ఉదయం 8గంటలకు నేను పేపర్​ చదువుతున్నాను. ఒక్కసారిగా భూమి కంపించినట్టు అనిపించింది. బల్బ్​కు ఊగింది. నా కుటుంబసభ్యులను తీసుకుని బయటకు పరుగులు తీశాను. కొన్ని సెకన్ల పాటు భూమి కంపించింది," అని కిషన్​గంజ్​ నివాసి ఒకరు వెల్లడించారు.

ఈ ఘటనలో ఎలాంటి ప్రాణ, ఆస్తి నష్టం సంభవించలేదు.