Dog raped in Delhi : ఢిల్లీలో మరో వీధి కుక్కపై అత్యాచారం- 10 రోజుల్లో రెండో ఘటన!

Dog raped in Delhi : ఢిల్లీలో వీధి కుక్కలపై అత్యాచార ఘటనలు పెరిగిపోతున్నాయి! డ్రగ్స్​కు బానిసైన ఓ వ్యక్తి.. ఏం చేస్తున్నాడో కూడా తెలియని స్థితిలో శునకంపై అత్యాచారానికి పాల్పడ్డాడు. గత 10 రోజుల్లో ఈ తరహా ఘటన వెలుగులోకి రావడం ఇది రెండోసారి.

ఇదీ జరిగింది..

ఢిల్లీ ఇంద్రపురిలోని జేజే కాలనీ బీ బ్లాక్​లో రాజేశ్​ అనే వ్యక్తి నివాసముంటున్నాడు. సతీశ్​ అనే వ్యక్తి, రాజేశ్​ పొరుగింట్లో జీవిస్తున్నాడు. కాగా.. ఫిబ్రవరి 28న అతను ఓ వివాహం నుంచి ఇంటికి తిరిగి వెళుతుండగా ఓ షాకింగ్​ ఘటన చూశాడు.

Dog raped by Delhi man : సతీశ్​ అనే వ్యక్తి, ఓ వీధి కుక్కను రేప్​ చేస్తున్న దృశ్యాన్ని చూశాడు రాజేశ్​. ఆ దృశ్యాలను తన ఫోన్​లో బంధించాడు. అనంతరం సమీప పోలీస్​ స్టేషన్​కు వెళ్లి, సతీశ్​పై ఫిర్యాదు చేశాడు. వీడియోను ఆధారంగా చూపించాడు. సతీశ్​ ఒక డ్రగ్​ అడిక్ట్​ని పోలీసులకు వివరించాడు. ఘటనపై సెక్షన్​ 377, 11 యానిమల్​ యాక్ట్​ కింద కేసు నమోదు చేసుకున్నారు ఇంద్రపురి పోలీస్​ స్టేషన్​ అధికారులు. నిందితుడిని వెంటనే అరెస్ట్​ చేసి జైలుకు తీసుకెళ్లారు.

హరి నగర్​లో కుక్కపై అత్యాచారం..

దేశ రాజధాని ఢిల్లీలో మహిళలు, బాలికలకే కాదు.. జంతువులకు కూడా భద్రత లేదు! ఓ ఆడ శునకంపై ఓ వ్యక్తి అత్యాచారానికి పాల్పడిన ఘటన కొన్ని రోజుల క్రితం హరి నగర్​లో కలకలం సృష్టించింది. ఘటనకు పాల్పడిన వ్యక్తిని పోలీసులు అరెస్ట్​ చేశారు.

Delhi man raped street dog : నిందితుడికి వివాహమైంది. పిల్లలు కూడా ఉన్నారు. కాగా.. కొన్ని రోజుల క్రితం అతను హరి నగర్​ ప్రాంతంలోని ఓ పార్కుకు వెళ్లాడు. అక్కడే ఉన్న ఆడ శునకంపై అఘాయిత్యానికి పాల్పడ్డాడు. ఈ దృశ్యాలను చూసి స్థానికులు కొందరు షాక్​ అయ్యారు. వారిలో ఒకరు.. నిందితుడు కుక్కను రేప్​ చేస్తుండటాన్ని వీడియో తీశారు. ఆ వీడియో వెంటనే సామాజిక మాధ్యమాల్లో వైరల్​గా మారింది.

కుక్క రేప్​నకు గురైన ఘటన పోలీసుల దృష్టికి వెళ్లింది. కొందరు పోలీసులకు ఫిర్యాదు చేశారు. ఘటనపై సెక్షన్​ 377 కింద కేసు నమోదు చేసుకున్నారు పోలీసులు. వీడియో ఆధారంగా నిందితుడి వివరాలు సేకరించారు.

Delhi crime news latest : చివరికి.. నిందితుడిని పోలీసులు అరెస్ట్​ చేశారు. ప్రస్తుతం అతనిపై విచారణ జరుగుతోంది. కాగా.. గతంలోనూ అతను ఇలాంటి ఘటనలకు పాల్పడ్డాడా? అన్న వివరాలను పోలీసులు సేకరిస్తున్నారు.