Gurmeet Ram Rahim : పెరోల్​పై బయటకొచ్చి.. గ్రాండ్​ సెలబ్రేషన్స్​లో డేరా బాబా

Gurmeet Ram Rahim cuts cake with sword : పెరోల్​పై బయటకు వచ్చిన డేరా సచ్చ సౌదా చీఫ్​ గుర్మీత్​ రామ్​ రహీమ్​కు సంబంధించిన ఫొటోలు, వీడియోలు సామాజిక మాధ్యమాల్లో వైరల్​గా మారాయి. పెద్ద కత్తితో ఆయన కేక్​ను కట్​ చేస్తున్న దృశ్యాలు వాటిల్లో ఉన్నాయి.

'కనీసం 5 కేక్​లు కట్​ చేయాలి..'

రేప్​, మర్డర్​ కేసుల్లో 20ఏళ్ల జైలు శిక్షను అనుభవిస్తున్న డేరా బాబా.. హరియాణ రోహ్​తాక్​ జిల్లాలోని సునారియా జైలు నుంచి శనివారం పెరోల్​పై బయటకొచ్చాడు. ఈ నెల 25న.. మాజీ డేరా చీఫ్​ షాహ్​ సంత్నమ్​ సింగ్​ జన్మదిన వేడుకలు జరుపుకునేందుకు పెరోల్​ కావాలని ఆయన చేసిన అభ్యర్థనను అధికారులు అంగీకరించారు. ఈ క్రమంలోనే పెద్ద కత్తి (ఖడ్గం)తో కేక్​ను కట్​ చేశారు.

Gurmeet Ram Rahim Singh news : "ఐదేళ్ల తర్వాత వేడుకలు జరుపుకునే అవకాశం దక్కింది. మరి కనీసం 5 కేక్​లైనా కట్​ చేయాలి కదా. ఇది మొదటిది మాత్రమే," అని ఆ డేరా బాబా చెబుతున్న మాటలు ఆ వీడియోలో వినిపించాయి.

పెద్ద కత్తులు, ఖడ్గాలను బహిరంగంగా ప్రదర్శించడం.. ఆయుధాల చట్టానికి వ్యతిరేకం.

ఇదీ కేసు..

Gurmeet Ram Rahim Singh case : ఇద్దరు మహిళా అనుచరులను రేప్​ చేసిన కేసులో గుర్మీత్​ రామ్​ రహీంను దోషిగా తేల్చుతూ 2017 ఆగస్టులో తీర్పునిచ్చింది సీబీఐ ప్రత్యేక న్యాయస్థానం. కాగా ఆయనపై అప్పటికే ఓ మర్డర్​ కేసు విచారణలో ఉంది.

డేరా సంస్థ మాజీ మేనేజర్​ రంజిత్​ సింగ్​.. 2002లో దారుణ హత్యకు గురయ్యాడు. కురుక్షేత్రలోని తన పొలంలో పనిచేసుకుంటుండగా.. కొందరు అతనిపై దాడి చేసి హత్య చేశారు. 2003లో ఈ కేసు సీబీఐ చేతికి వచ్చింది. గుర్మీత్​ రామ్​ రహీంతో పాటు మరో నలుగురిపై 2008లో ఛార్జ్​షీట్​ దాఖలు చేసింది సీబీఐ. ముమ్మర దర్యాప్తు, విచారణ అనంతరం.. ఈ కేసులో డేరా బాబాను దోషిగా తేల్చుతూ సీబీఐ కోర్టు 2021 అక్టోబర్​ 8న తీర్పునిచ్చింది.