Ambedkar jayanti 2023 : బాబాసాహెబ్​ అంబేడ్కర్​ గురించి మీకు తెలియని విషయాలెన్నో!

Ambedkar jayanti 2023 : 1891 ఏప్రిల్​ 14న మధ్యప్రదేశ్​లో జన్మించారు డా. బీ. ఆర్​ అంబేడ్కర్​. దళిత వర్గానికి చెందిన ఆయన తన జీవితంలో ఎన్నో సమస్యలను ఎదుర్కొన్నారు. దళితుడైన కారణంగా అంబేడ్కర్​ను అంటరానివాడిగా చూసేవారు. స్కూల్​కు వెళ్లినా వేరువేరుగా కూర్చోవాల్సిన పరిస్థితి. ఒక్కోసారి క్లాస్​రూమ్​లోనే కూర్చోనిచ్చేవారు కాదు! ఇన్ని కష్టాల నుంచి అంచెలంచెలుగా ఎదిగిన అంబేడ్కర్​.. ఒక గొప్ప ఎకనామిస్ట్​గా, జ్యూరిస్ట్​గా, సామాజిక కార్యకర్తగా, రాజకీయ నేతగా గుర్తింపు తెచ్చుకున్నారు. భారత రాజ్యాంగాన్ని రచించిన కమిటీకి నాయకత్వం వహించిన ఘనత అంబేడ్కర్​ సొంతం. ఆయన జీవితం ఎందరికో స్ఫూర్తిదాయకం. బాబాసాహెబ్​ అంబేడ్కర్​ జయంతి సందర్భంగా.. ఆయన గురించి పలు ఆసక్తికర, ఎవరికి తెలియని విషయాలను నెమరవేసుకుందాము..

జయహో అంబేడ్కర్​..

బాబాసాహెబ్​ అంబేడ్కర్​.. తన తల్లిదండ్రులకు 14వ సంతానం. ఆయన పూర్తి పేరు భీమ్​రావ్​ రామ్​జీ అంబేడ్కర్​.

బీ. ఆర్​ అంబేడ్కర్​ అసలు ఇంటి పేరు అంబావాడేకర్​. ఆ పేరును అంబేడ్కర్​గా మార్చారు ఆయన టీచర్​ మహదేవ్​ అంబేడ్కర్​.

Unknow facts about BR Ambedkar : విదేశాల్లో ఎకనామిక్స్​ నుంచి పీహెచ్​డీ పొందిన తొలి భారతీయుడు బాబాసాహెబ్​ అంబేడ్కర్.

త్రివర్ణ పతాకాన్ని రూపొందించింది పింగళి వెంకయ్య అన్న విషయం తెలిసిందే. అయితే.. జెండాలోకి అశోక చక్ర.. బీ.ఆర్ అంబేడ్కర్​ వల్లే వచ్చింది!​

నోబుల్​ బహుమతి పొందిన ప్రొఫెసర్​ అమర్త్య సేన్​.. అబేడ్కర్​ను 'ఫాథర్​ ఆఫ్​ ఎకనామిక్స్​'గా సంబోధిస్తారు.

BR Ambedkar statue in Hyderabad : మధ్యప్రదేశ్​, బీహార్​ అభివృద్ధి కోసం ఈ రాష్ట్రాలను విభజించాలని 50వ దశకంలోనే చెప్పారు అంబేడ్కర్​. 2000లో ఛత్తీస్​గఢ్​, ఝార్ఖండ్​ రాష్ట్రాలు ఏర్పడ్డాయి.

బాబాసాహెబ్​ అంబేడ్కర్​కు పుస్తకాలు చదవడం అంటే చాలా ఇష్టం. ఆయన వ్యక్తిగత గ్రంథాలయం పేరు 'రాజ్​గిర్​'. అందులో 50వేలకుపైగా పుస్తకాలు ఉంటాయి. ప్రపంచంలోనే అతిపెద్ద ప్రైవేట్​ లైబ్రరీగా అది గుర్తింపు తెచ్చుకుంది.

ప్రపంచంలో టాప్​ 100 స్కాలర్స్​ లిస్ట్​ను 2004లో తయారు చేసింది కొలంబియా యూనివర్సిటీ. ఈ జాబితాలో మొదటి పేరు డా. భీమ్​రావ్​ రామ్​జీ అంబేడ్కర్​ది! ఆయన రాసిన 'వెయిటింగ్​ ఫర్​ ఎ వీసా' పుస్తకం.. కొలంబియా వర్సిటీలో ఓ టెక్స్ట్​బుక్​.

BR Ambedkar quotes : బీ. ఆర్​ అంబేడ్కర్​కు 64 సబ్జెక్ట్​లలో మాస్టర్స్​ డిగ్రీ ఉంది! హిందీ, పాలీ, సంస్కృతం, ఇంగ్లీష్​, ఫ్రెంచ్​, జర్మన్​, మరాఠీ, పర్షియన్​, గుజరాతీ వంటి భాషలు ఆయనకు తెలుసు. వీటితో పాటు దాదాపు 21ఏళ్ల పాటు.. ప్రపంచంలోని అన్ని మతాల గురించి చదివారు.

లండన్​ స్కూల్​ ఆఫ్​ ఎకనామిక్స్​లో 8ఏళ్ల కోర్సును కేవలం 2ఏళ్ల 3 నెలల్లో పూర్తి చేశారు అంబేడ్కర్​. ఇందుకోసం ఆయన రోజుకు 21 గంటలు చదువుకునేవారు.

అంబేడ్కర్​తో పాటు ఆయన అనుచరులు 8,50,000 మంది బౌద్ధమతంలోకి మారారు. ప్రపంచంలో మతమార్పిడి విషయంలో ఇప్పటికీ ఇదే అతిపెద్దది!

బాబాసాహెబ్​ అంబేడ్కర్​ను 'ది మోడర్న్​ బుద్ధ ఆఫ్​ దిస్​ యేజ్​ (ఈ తరం బుద్ధుడు)' అని పిలిచేవారు బౌద్ధ సన్యాసి మహంత్​ వీర్​ చంద్రమణి.

BR Ambedkar quotes in telugu : లండన్​ స్కూల్​ ఆఫ్​ ఎకనామిక్స్​ నుంచి "డాక్టర్​ ఆఫ్​ ఆల్​ సైన్సెన్స్​" పీహెచ్​డీ పొందిన తొలి, ఏకైక వ్యక్తి అంబేడ్కర్​. ఆ తర్వాత చాలా మంది ప్రయత్నించినా, ఫలితం దక్కలేదు.

ప్రపంచవ్యాప్తంగా మరే ఇతర నేతకు కూడా లేనన్ని పాటలు, పుస్తకాలు అంబేడ్కర్​పై రాశారు.

500 మంది పట్టభద్రులు, వేలాది మంది స్కాలర్స్​ కన్నా ఒక్క బీ. ఆర్​ అంబేడ్కర్​ తెలివైన వారని మహాత్మా గాంధీ చెబుతూ ఉండేవారు.

ప్రపంచవ్యాప్తంగా.. మంచి నీటి కోసం సత్యాగ్రహం చేసిన తొలి, ఏకైక వ్యక్తి అంబేడ్కర్​.

వెనకపడిన వర్గాల నుంచి వచ్చి లాయర్​గా ఎదిగిన తొలి వ్యక్తి బీ. ఆర్​ అంబేడ్కర్​.

BR Ambedkar Jayanti 2023 latest news : "ది ప్రాబ్లెం ఆఫ్​ రూపీ-ఇట్స్​ ఆరిజిన్​ అండ్​ ఇట్స్​ సొల్యూషన్​" పుస్తకానికి ప్రపంచవ్యాప్తంగా ఆదరణ ఉంది. ఈ పుస్తకానికి పలు సూచనలు చేశారు అంబేడ్కర్​.

ప్రపంచంలో ఎక్కడైనా.. కళ్లు మూసుకుని ఉన్న బుద్ధిడి విగ్రహాలు, పెయింటింగ్స్​ మాత్రమే కనపడతాయి. మంచి పెయింటర్​ అయిన బాబాసాహెబ్​ అంబేడ్కర్​.. తొలిసారిగా కళ్లు తెరిచి ఉన్న బుద్ధుడి రూపాన్ని పెయింట్​ చేశారు.

అంబేడ్కర్​కు సంబంధించి ఇప్పుడు దేశవ్యాప్తంగా ఎన్నో విగ్రహాలు ఉన్నాయి. కాగా.. అంబేడ్కర్​ తొలి విగ్రహాన్ని 1950లో నిర్మించారు. అది కొల్హాపూర్​లో ఉంది. అప్పటికి బీ. ఆర్​ అంబేడ్కర్​ జీవించే ఉన్నారు.