Yogi Adityanath temple : యోగి ఆదిత్యనాథ్​పై ప్రేమతో.. గుడి కట్టేసిన ఆయోధ్యవాసి!

Yogi Adityanath temple : రాజకీయ నేతలపై కొందరికి ఎనలేని అభిమానం, ప్రేమ ఉంటుంది. ముఖ్యంగా సీఎంలకు ఫ్యాన్స్​ చాలా మంది ఉంటారు. తమ అభిమానాన్ని అనేక విధాలుగా చాటుకుంటారు. కొందరు పాలాభిషేకాలు, రక్తదానాలు చేస్తూ ఉంటారు. అయితే.. ఉత్తర్​ప్రదేశ్​ ముఖ్యమంత్రి యోగి ఆదిత్యనాథ్​పై వీరాభిమానం ఉన్న ఓ వ్యక్తి.. ఆయన కోసం ఏకంగా ఓ గుడినే కట్టేశాడు. అది కూడా ఆయోధ్యకు అత్యంత సమీపంలో!

Yogi Mandir in Ayodhya : యోగి కోసం మందిరం..

రాముడి మందిరం నిర్మాణ దశలో ఉన్న ఆయోధ్యకు 25 కిలోమీటర్ల దూరంలో ఉంది కల్యాణ్​ భందర్స. ఇక్కడ మౌర్య కా పూర్వ అనే లొకాలిటీ ఉంది. ప్రభాకర్​ మౌర్య అనే వ్యక్తి ఇక్కడ నివాసముంటున్నాడు.

ప్రభాకర్​ మౌర్య.. ఉత్తర్​ప్రదేశ్​ సీఎం యోగి ఆదిత్యనాథ్​కు వీరాభిమాని. ఇప్పటికే ఆయన పేరు మీద ఎన్నో పాటాలు పాడాడు. ఇక ఇప్పుడు.. ఆ ప్రాంతంలో యోగి ఆదిత్యనాథ్​ కోసం గుడి నిర్మించాడు. ఆ గుడికి 'శ్రీ యోగి మందిర్​' అని పేరు పెట్టాడు.

శ్రీ యోగి మందిర్​లో యోగి ఆదిత్యనాథ్​ విగ్రహాన్ని ఏర్పాటు చేశారు. యోగి ఆదిత్యనాథ్​.. విల్లు పట్టుకున్న రాముడిలాగా ఉన్నారు.

Yogi Adityanath : "ఆయోధ్యలో రాముడి మందిరాన్ని నిర్మిస్తున్నారు యోగి ఆదిత్యనాథ్​. అందుకే ఆయన కోసం ఓ గుడిని నిర్మించాలని నేను నిశ్చయించుకున్నా," అని మౌర్య వెల్లడించాడు.

శ్రీ యోగి మందిర్​కు స్థానికులు రోజు ఉదయం, సాయంత్రం వెళతారు. యోగి ఆదిత్యనాథ్​ విగ్రహానికి పూజలు నిర్వహిస్తారు. హారతి ఇస్తారు. ఆయన పేరుతో పాటలు పడతారు.

ప్రభాకర్​ మౌర్య.. ఓ యూట్యూబర్​. ఆయన ఎన్నో పాటలు పాడాడు. గత అసెంబ్లీ ఎన్నికల నేపథ్యంలో యోగిపై పాడిన పాటలు హిట్​గా మారడంతో ఆయన ఫేమస్​ అయ్యాడు.

Ayodhya Ram mandir : ఆయోధ్య రామ మందిర నిర్మాణం..

ఇక అయోధ్యలో రామ మందిర నిర్మాణం వేగంగా సాగిపోతోంది. అన్ని జాగ్రత్తలు తీసుకుంటూ మందిరాన్ని నిర్మిస్తున్నారు. 2024 మొదటి రెండు, మూడు నెలలోపు ఆయోధ్య రామ మందిర నిర్మాణాన్ని పూర్తి చేయాలని సంకల్పంతో ముందుకు సాగుతున్నారు.