Viral | శునకాన్ని కొరికేసిన మహిళ.. అదే కారణం..!

Woman bites dog | ఓ పిట్​బుల్​ డాగ్​ను ఓ మహిళ కొరికిన ఘటన అమెరికా ఒహియోలో చోటుచేసుకుంది. తన పెంపుడు శునకాన్ని కరవడానికి వచ్చిన పిట్​బుల్​ చెవిని ఆమె గట్టిగా కొరికేసింది.

మార్చ్​ 28న జరిగింది ఈ ఘటన. జెన్నిఫర్​ ఓ జంతు ప్రేమికురాలు. తన వద్ద రెండు శునకాలు ఉన్నాయి. అందులో కెవిన్​(ఎస్కిమో పొమరేనియన్​ మిక్స్​) ఒకటి. ఆరోజు.. ఉద్యోగానికి వెళ్లేముందు.. తన కుక్కలను ఇంటి వెనకాల విడిచిపెట్టింది. కొద్దిసేపటికి.. ఓ పిట్​బుల్​ వాటిపై దాడి చేయడానికి పరిగెత్తుకుంటూ వచ్చింది.

అది చూసిన జెన్నిఫర్​.. చాలా భయపడిపోయింది. ఎలాగైనా తన శునకాలను కాపాడాలి అని అనుకుంది.

"నేను ఉండగా నా శునకానికి ఎలాంటి హానీ జరగకూడదని భావించాను. నా ముందు నా శునకాన్ని ఎవరూ ఏం చేయలేరు," అని జెన్నిఫర్​ అనుకుంది.

అప్పుడే.. తన పెంపుడు శునకానికి, పిట్​బుల్​కి మధ్యలో తన శరీరాన్ని అడ్డుపెట్టింది. కానీ ఆ ప్రయత్నం పెద్దగా ఫలించ లేదు. ఇక వేరే మార్గం లేక.. పిట్​బుల్​కు కొరికేసింది జెన్నిఫర్​.

"ఏదైనా చేసి.. దాడి నుంచి నా శునకాన్ని రక్షించాలని అనుకున్నా. పిట్​బుల్​ చెవి.. నాకు దగ్గర్లో ఉంది. వెంటనే కొరికేశా. నా శక్తినంతా ఉపయోగించి పిట్​బుల్​ చెవిని కొరికాను," అని జెన్నిఫర్​ చెప్పుకొచ్చింది.

ఆ పిట్​బుల్​పై జెన్నిఫర్​ పంటి గాట్లు బలంగా పడ్డాయి. నొప్పితో పిట్​బుల్​ గట్టిగా అరిచింది. ఈ క్రమంలోనే అటుగా వెళుతున్న వ్యక్తి.. ఆ పిట్​బుల్​ను పక్కకి లాగేశాడు.

42ఏళ్ల విలియమ్​ డెంప్​సే.. ఆ పిట్​బుల్​ యజమాని అని తెలిసింది. ఆ పిట్​బుల్​ను విడిచిపెట్టకూడదని ట్రంబుల్​ కౌంటీ షెరీఫ్​ అధికారులు ఆమెకు హెచ్చరికలు ఇచ్చినట్టు సమాచారం.