After Intercourse : శృంగారం తర్వాత మగాళ్లు ఏం ఆలోచిస్తారు? ఇట్స్ ఇంట్రస్టింగ్

సెక్స్ తర్వాత ప్రతి స్త్రీ తన భర్త ఈ సమయంలో ఏమి ఆలోచిస్తున్నాడో తెలుసుకోవాలనుకుంటుంది. మీకు బహుశా అదే ఆలోచన రావొచ్చు. ఎందుకంటే శృంగారం తర్వాత చాలా మంది పురుషులు సైలెంట్ అయిపోతారు. సెక్స్ అనేది మగ, ఆడ అనే ఇద్దరు వ్యక్తుల మధ్య సంబంధాన్ని బలపరుస్తుంది. కొంతమంది పురుషులు సెక్స్ తర్వాత వారి భాగస్వామితో పడుకుంటారు, కొందరు సరసాలాడుతారు, మరికొందరేమో తమ భాగస్వామితో మాట్లాడతారు. ఎక్కువ మంది ఆలోచనల్లో ఉంటారు.

సెక్స్ తర్వాత పురుషులు ఏమనుకుంటున్నారనేది మిస్టరీ. మరి ఆ సమయం తర్వాత తమ భర్త మనసులో ఏముందో తెలుసుకోవాలని మహిళలు కోరుకుంటారు. దీని మీద కొన్ని పరిశోధనలు జరిగాయి. దీని ఆధారంగా పురుషులు ఏమనుకుంటున్నారో ఇక్కడ ఉంది.

సెక్స్ తర్వాత పురుషుడు ఆలోచించే విషయం ఏంటంటే తన భాగస్వామి ఆనందించిందా లేదా అని అనుకుంటాడు. తమ భాగస్వామిని సంతృప్తి పరిచానా లేదా అని ఆమె వైపు సైలెంట్ గా చూస్తారు. ఆమె తన గురించి ఏమనుకుంటుందోనని కూడా ఆలోచిస్తాడు.

స్త్రీని పుర్తిస్థాయిలో సంతృప్తి చెందేలా చేయడం అనేది పురుషుడికి గొప్ప విజయం. ప్రస్తుత కాలంలో మంచంపై పురుషుల పనితీరు వారు తమ భాగస్వామిని సంతృప్తి పరుస్తారా లేదా అనేదానిని బట్టి నిర్ణయించబడుతుంది. పురుషులు దాని గురించి ఆలోచిస్తారు. నేను చేసిన దానికి ఎలా ఫీల్ అవుతుందోనని అనుకుంటారు.

సెక్స్ తర్వాత తన భాగస్వామిని కౌగిలించుకోవాలా లేదా వెంటనే నిద్రపోవాలా అని ఆలోచిస్తాడు. కొంతమంది సెక్స్ తర్వాత నిద్రపోవడానికి ఇష్టపడతారు. మొత్తానికి వారికి ఈ అయోమయం సర్వసాధారణం. అయితే స్త్రీ మాత్రం సెక్స్ తర్వాత కూడా భాగస్వామి దగ్గరకు రావాలని కోరుకుంటుంది. కౌగిలించుకుని నిద్రపోవాలని ఆలోచిస్తుంది. పురుషుల మాత్రం ఈ విషయంలో అయోమయంలో ఉంటారు.

ఒక వ్యక్తి సెక్స్ తర్వాత ప్రశాంతంగా ఉంటే మంచం మీద చేసిన అన్ని క్షణాలను గుర్తుచేసుకుంటారు. మీరు వారికి ఇచ్చిన ఆనందాన్ని వారు రహస్యంగా ఆనందిస్తూ, తదుపరి రౌండ్ గురించి ఆలోచిస్తూ ఉండవచ్చు. ఏదైనా కావాలనుకుంది మిస్ అయితే తర్వాత చేయాల్సిన పని గురించి ఆలోచిస్తారు. మీరు ఏదైనా కోరినా.. అది ఇవ్వకపోతే మళ్లీ చేసే సమయంలో ఇవ్వాలని పురుషులు సైలెంట్‌గా అనుకుంటారు.

సెక్స్ తర్వాత చెమటలు పట్టడం సహజం. అందువల్ల, సంభోగం తర్వాత స్నానం చేయడం చాలా ముఖ్యం. మీ భాగస్వామి సెక్స్ తర్వాత స్నానం చేయాలనుకుంటే, వారి కోరికలను అర్థం చేసుకుని, తదనుగుణంగా ప్రవర్తించండి. కొంతమంది పురుషులు స్నానం చేయాలా? వద్దా అనే ఆలోచనలతో ఉంటారు. అందుకే ఏమీ మాట్లాడకుండా ఉంటారని కొన్ని పరిశోధనలు చెబుతున్నాయి.