Diabetic Diet : మధుమేహం ఉన్నవారు అవి తినకపోవడమే మంచిదట..

Diabetic Diet : మధుమేహం అనేది మీ శరీరం రక్తంలో చక్కెరను ప్రభావితం చేసే వ్యాధి. గ్లూకోజ్ మన శరీరానికి చాలా ముఖ్యమైనది. ఎందుకంటే ఇది మన కణాలు, కణజాలాలను తయారు చేసే శక్తిని అందిస్తుంది. మధుమేహం అనేది రోజురోజుకు పెరుగుతున్న ముప్పు. ఇది తరచుగా ఆకలి, మూత్రవిసర్జన, అస్పష్టమైన దృష్టి, విపరీతమైన దాహం వంటి పరిస్థితులకు దారితీస్తుంది. అందువల్ల మధుమేహ వ్యాధిగ్రస్తులకు సరైన ఆహారం తీసుకోవడం చాలా ముఖ్యం. మరి డయాబెటిక్​తో బాధపడేవారు ఎలాంటి ఆహారాలు తీసుకోవాలో ఇప్పుడు తెలుసుకుందాం.

* కార్బోహైడ్రేట్లు

మధుమేహం ఉన్నవారు కార్బోహైడ్రేట్లను తీసుకోవడంపై దృష్టి పెట్టడం చాలా ముఖ్యం. డయాబెటిస్‌లో చక్కెర, పిండి పదార్ధాలు రక్తంలోని గ్లూకోజ్‌లో పూర్తిగా విచ్ఛిన్నమవుతాయి. అందుకే మనం మంచి, ఆరోగ్యకరమైన కార్బోహైడ్రేట్‌లను తీసుకోవాలి.

పండ్లు, కూరగాయలు, తృణధాన్యాలు, బీన్స్, బఠానీలు, చిక్కుళ్లు, పాలు, చీజ్ వంటి తక్కువ కొవ్వు ఉన్న పాల ఉత్పత్తులను డైట్​లో చేర్చుకోవాలి.

* ఫైబర్-రిచ్ ఫుడ్స్

మీకు మధుమేహం ఉంటే.. మీ శరీరం కొన్ని ఆహారాలను జీర్ణించుకోదు. కాబట్టి ఫైబర్ అధికంగా ఉండే ఆహారాన్ని తినడం చాలా ముఖ్యం.

కూరగాయలు, పండ్లు, గింజలు, బీన్స్, బఠానీలు, తృణధాన్యాలు, సాల్మన్ చేప, ట్యూనా, సార్డినెస్ వంటి చేపలలో ఒమేగా-3 ఫ్యాటీ యాసిడ్‌లు పుష్కలంగా ఉంటాయి. ఇవి మధుమేహ వల్ల వచ్చే గుండె జబ్బులను నివారిస్తాయి. అందుకే వీటిని వారానికి రెండుసార్లు తినడం ఉత్తమం.

* మంచి కొవ్వులు

మంచి కొలెస్ట్రాల్ కోసం అవకాడో, గింజలు, ఆలివ్, వేరుశెనగ నూనెలు వంటి మోనోఅన్‌శాచురేటెడ్ పాలీఅన్‌శాచురేటెడ్ కొవ్వులు ఉన్న ఆహారాన్ని తినడం చాలా ముఖ్యం.

దూరంగా ఉండవలసిన కొన్ని ఆహారాలు

* సంతృప్త కొవ్వులు

సంతృప్త కొవ్వులు ఉన్న ఆహారాలను పూర్తిగా నివారించాలి. అధిక కొవ్వు పాల ఉత్పత్తులు, వెన్న, గొడ్డు మాంసం, హాట్‌డాగ్‌లు వంటి జంతు ప్రోటీన్‌లను కలిగి ఉన్న ఆహారాలు ఆరోగ్యానికి చెడ్డవి.

* ట్రాన్స్ ఫ్యాట్

ప్రాసెస్ చేసిన స్నాక్స్, బేక్డ్ గూడ్స్, వనస్పతికి దూరంగా ఉండాలి.

* కొలెస్ట్రాల్

అధిక కొవ్వు ఆహార ఉత్పత్తులు.. గుడ్డు సొనలు, కాలేయం, ఇతర అవయవ మాంసాలు వంటివి అధిక కొవ్వు జంతు ప్రోటీన్లను కలిగి ఉంటాయి.

* సోడియం

ఈ వ్యాధితో బాధపడే వ్యక్తి రోజుకు 2300 mg వరకు మాత్రమే సోడియం తీసుకోవాలి.