Period Pain: నెలసరి నొప్పి భరించలేకపోతున్నారా.. ఈ ఆసనాలు ట్రై చేయండి!

స్త్రీలకు యోగా మంచి పిట్‌నెస్ మంత్ర. ప్రతి రోజు యోగా చేయడం వల్ల శరీరం మంచి టోన్‌లో ఉంటుంది. తనువు మనసు ఆత్మను ఏకం చేసే సాధనం యోగ. సమతుల్యంగా ఉంచడంలో చాలా బాగా సహాయపడుతుంది. అంతర్గత బలాన్ని పెంపొందిస్తుంది. ముఖ్యంగా పీరియడ్స్ సమయంలో వచ్చే నొప్పి నుండి ఉపశమనం కలిగించడంలో యోగా భంగిమలు చాలా బాగా ఉపయోగపడుతాయి. పీరియడ్స్ కారణంగా వచ్చే నొప్పి స్త్రీల రోజువారి దిన చర్యను తీవ్రంగా ప్రభావితం చేస్తుంది. రుతుస్రావంలో పొత్తికడుపులో నొప్పి, అధిక రక్త స్రావం వంటి తీవ్రమైన ఇబ్బందులు కలుగుతాయి.

ఋతు నొప్పి నుండి ఉపశమనం పొందడంలో యోగా సాధన ప్రభావవంతంగా ఉంటుంది. ఇది మహిళల్లో పునరుత్పత్తి ఆరోగ్యాన్ని ప్రోత్సహించడంతో పాటు పీరియడ్స్ సమయంలో ఆరోగ్యాన్ని కాపాడుకోవడంలో సహాయపడుతుంది. రొటీన్ ప్రాక్టీస్ ద్వారా పీరియడ్స్ నొప్పి, లక్షణాలను తగ్గించడంలో యోగ అద్భుతంగా సహాయపడుతుంది. మహిళలకు పీరియడ్స్ నొప్పిని తగ్గించడానికి గల సమర్థవంతమైన యోగా ఆసనాలను గురించి ఇప్పుడు తెలుసుకుందాం

1. ధనురాసనం (విల్లు భంగిమ): ఈ ఆసనం పునరుత్పత్తి అవయవాలను ఉత్తేజపరుస్తుంది, ఋతు తిమ్మిరిని తగ్గిస్తుంది, జీర్ణక్రియకు సహాయపడుతుంది, గ్యాస్, మలబద్ధకం నుండి ఉపశమనం కలిగిస్తుంది. ప్రతి స్త్రీ చేయవలసిన తప్పినసరైన ఆసనంలో ఇది ఒక్కటి

2. మత్స్యసనం (ఫిష్ పోజ్): ఇది థైరాయిడ్, పారాథైరాయిడ్ గ్రంధుల పనితీరును నియంత్రిస్తుంది, ఛాతీని తెరుస్తుంది, లోతైన శ్వాసకు సహకరిస్తుంది. వెన్నెముకను బలపరుస్తుంది. పీరియడ్ క్రాంప్‌లను తగ్గించడంలో కూడా ప్రభావవంతంగా ఉంటుంది.

3. ఉపవిష్ట కోనాసన: ఈ ఆసనం ఉదర అవయవాలను ఉత్తేజపరుస్తుంది. సాధారణ ప్రసరణను మెరుగుపరుస్తుంది కాబట్టి ఇది పూర్తి విశ్రాంతికి సహాయపడుతుంది. ఇది హామ్ స్ట్రింగ్స్‌ను కూడా సాగదీస్తుంది, తుంటి కటిని సడలిస్తుంది. వెన్నెముకను బలపరుస్తుంది.

4. సేతు బంధాసనం (బ్రిడ్జ్ పోజ్): ఈ ఆసనం వెనుక కండరాలు, కోర్, గ్లూట్‌ను బలోపేతం చేయడంలో సహాయపడుతుంది. ఇది వెన్నునొప్పిని నివారిస్తుంది. అంతేకాకుండా, ఇది మూత్రపిండాలకు శక్తినిస్తుంది, ఋతు తిమ్మిరిని తగ్గిస్తుంది, నాడీ వ్యవస్థను శాంతపరుస్తుంది. శరీరంలో రక్తపోటును నియంత్రిస్తుంది.

5. జాను సిర్ససనా (తల నుండి మోకాలి వరకు పోజ్): ఈ ఆసనం ఉదర కండరాలను టోన్ చేస్తుంది, అంతర్గత అవయవాలను ఒత్తిడి కలిగేలా చేస్తుంది, వెన్నెముక, భుజాలు మరియు హామ్ స్ట్రింగ్స్‌ను రిలాక్స్ చేస్తుంది. పీరియడ్స్ నొప్పిని తగ్గిస్తుంది. తుంటి కీళ్లలో వశ్యతను పెంచుతుంది.