Breast Cancer : నిద్రలో వ్యాప్తి చెందుతున్న రొమ్ము క్యాన్సర్

Breast Cancer : యూనివర్శిటీ హాస్పిటల్ బాసెల్, యూనివర్శిటీ ఆఫ్ బాసెల్‌లోని శాస్త్రవేత్తలు కలిసి ఇటీవలి రొమ్ముక్యాన్సర్​పై అధ్యయనం చేశారు. అయితే ఈ అధ్యయనంలో వారు ఆసక్తికరమైన విషయాలను కనుగొన్నారు. నిద్రలో రొమ్ము క్యాన్సర్​ వ్యాప్తి చెందుతుందని గుర్తించారు. క్యాన్సర్​ కణాలు.. నిద్ర దశలో మెటాస్టేజ్​లను ఏర్పరుస్తున్నాయని కనుగొన్నారు. రక్తనాళాల ద్వారా కణితి వ్యాపించడంతో నిద్రలో ఉన్న వ్యక్తిలో రొమ్ము క్యాన్సర్​ వ్యాప్తి చెందుతుందని తాజా అధ్యయనం పేర్కొంది.

ఈ పరిశోధన ఫలితాలను 'నేచర్' జర్నల్‌లో ప్రచురితమయ్యాయి. ప్రపంచ ఆరోగ్య సంస్థ (WHO) ప్రకారం.. రొమ్ము క్యాన్సర్ అనేది క్యాన్సర్​లోని అత్యంత సాధారణ రూపాలలో ఒకటి. ప్రతి సంవత్సరం.. ప్రపంచవ్యాప్తంగా 2.3 మిలియన్ల మంది మహిళలు ఈ రొమ్ముక్యాన్సర్​తో బాధపడుతున్నారు. ఏది ఏమయినప్పటికీ.. క్యాన్సర్ ఇప్పటికే మెటాస్టాసైజ్​లో ఉంటే పరిస్థితి క్లిష్టంగా ఉన్నట్లు అర్థం చేసుకోవాలి.

గతంలోనూ కనుగొన్నారు..

క్యాన్సర్ కణాలు ప్రసరించే సమయంలో రక్త నాళాల ద్వారా శరీరంలోని అసలు కణితి ప్రయాణం నుంచి విడిపోయి.. ఇతర అవయవాలలో కొత్త కణితులు ఏర్పాటు చేసినప్పుడు మెటాస్టాసిస్ ఏర్పడుతుంది. అయితే కణితులు మెటాస్టాటిక్ కణాలను ఎప్పుడు తొలగిస్తాయి అనే ప్రశ్నకు పరిశోధన శ్రద్ధ చూపలేదు. కణితులు అటువంటి కణాలను నిరంతరం విడుదల చేస్తాయని పరిశోధకులు గతంలోనూ ఊహించారు. ప్రభావిత వ్యక్తి నిద్రిస్తున్నప్పుడు.. కణితి మేల్కొంటుందని జ్యూరిచ్‌లోని మాలిక్యులర్ ఆంకాలజీ ప్రొఫెసర్ అధ్యయన నాయకుడు నికోలా అసిటో వెల్లడించారు.

ఎలుకల్లో మాత్రం భిన్నం..

30 మంది మహిళా క్యాన్సర్ రోగులపై వారు అధ్యయనం చేశారు. వారు నిద్రిస్తున్నప్పుడు కణితి ఎక్కువ ప్రసరణ కణాలను ఉత్పత్తి చేస్తుందని పరిశోధకులు కనుగొన్నారు. పగటిపూట కణితిని విడిచిపెట్టే కణాల ప్రసరణతో పోలిస్తే.. రాత్రిపూట కణితిని విడిచిపెట్టే కణాలు మరింత త్వరగా విడుదల అవుతున్నట్లు గుర్తించారు. రోజులో వేర్వేరు సమయాల్లో తీసిన శాంపిల్స్‌లో క్యాన్సర్ కణాల ప్రసరణ చాలా భిన్నమైన స్థాయిలో ఉందని శాస్త్రవేత్తలు ఆశ్చర్యపోయారు. మరొక క్లూ ఏమిటంటే.. మానవులతో పోలిస్తే ఎలుకలలో ఒక యూనిట్ రక్తంలో ఆశ్చర్యకరంగా అధిక సంఖ్యలో క్యాన్సర్ కణాలు కనుగొన్నారు.

రోగులతో తదుపరి అధ్యయనాలలో భాగంగా.. ప్రొఫెసర్ నికోలా అసిటో వివిధ రకాల క్యాన్సర్‌లు రొమ్ము క్యాన్సర్‌తో సమానంగా ప్రవర్తిస్తాయా లేదా అని పరిశోధన చేసే యోచనలో ఉన్నారు.