Corn Tikki Recipe : క్రంచీ క్రంచీ స్వీట్ కార్న్ టిక్కిని ఇలా చేసేయండి..

Corn Tikki Recipe : ఏమైనా స్నాక్ తినాలనిపించినా.. గంటలు గంటలు కిచెన్​లో ఉండాల్సి వస్తుందని ఆలోచిస్తాము. పోని ఆర్డర్ చేద్దామా అంటే.. ధరలు అంతా ఇంతా ఉండవు. అయితే సింపుల్​గా, టేస్టీగా తయారు చేసుకోగలిగే స్నాక్ ఒకటి ఉంది. అదే కార్న్ టిక్కీ. దీనిని తయారుచేయడం చాలా సింపుల్. పైగా చాలా టేస్టీగా కూడా ఉంటుంది. మరి దీనిని ఎలా తయారు చేయాలి. కావాల్సిన పదార్థాలు ఏమిటో ఇప్పుడు తెలుసుకుందాం.

కావాల్సిన పదర్థాలు

* స్వీట్ కార్న్ - 1 కప్పు (ఉడికించినవి)

* బంగాళదుంపలు - 2 మీడియం (ఉడికించినవి)

* బ్రెడ్ క్రంబ్స్ - అరకప్పు

* పచ్చిమిర్చి - 2 (సన్నగా తరిగినవి)

* అల్లం - 1/4 టీస్పూన్ (తురిమినది)

* వెల్లుల్లి రెబ్బలు - 4-5 ముక్కలుగా చేసుకోవాలి

* కొత్తిమీర - 4 టేబుల్ స్పూన్లు (సన్నగా తరిగినవి)

* గరం మసాలా - 1/4 టీస్పూన్

* నిమ్మరసం - 2 టీస్పూన్లు

* ఉప్పు - తగినంత

* కారం - 1 స్పూన్

* నూనె - తగినంత

తయారీ విధానం

ముందుగా ఓ గిన్నె తీసుకుని దానిలో స్వీట్ కార్న్, తరిగిన పచ్చిమిర్చి, కొత్తిమీర తరుగు, రుచికి సరిపడా ఉప్పు, కారం, అల్లం, వెల్లుల్లి పేస్ట్ వేసి బాగా కలపండి. దానిలో ఉడికించి బంగాళ దుంపలు వేసి బాగా కలపండి. దానిని టిక్కీలాగా వత్తుకుని.. బ్రెడ్ క్రంబ్స్ అద్దండి. వాటి డీప్ ఫ్రై చేస్తే.. కార్న్ టిక్కీ రెడీ. మీ చల్లని సాయంత్రానికి.. ఇది బెస్ట్ కంపెనీ ఇస్తుంది.