Happiest Couple : సంతోషంగా ఉండే భార్యాభర్తలు వారానికి ఎన్నిసార్లు సెక్స్ చేస్తారు?

వైవాహిక జీవితంలో సెక్స్(Sex) చాలా ముఖ్యమైనది. భార్యాభర్తల మధ్య బంధాన్ని సెక్స్ బలపరుస్తుందన్న విషయాన్ని ఎవరూ కాదనలేరు. ఇద్దరిలో ఒకరు శారీరకంగా సంతృప్తి చెందకపోతే బంధంలో అనేక సమస్యలు వచ్చే అవకాశం ఉంది. శృంగారం విషయానికి వస్తే, చాలా మంది జంటలు తమ భాగస్వామికి దాని గురించి చెప్పడానికి వెనకాడతారు.

ఇద్దరు వ్యక్తులు శృంగారం తమ డిమాండ్లు, సంతృప్తి గురించి బహిరంగంగా మాట్లాడుకుంటే దంపతుల మధ్య అనుబంధం చాలా బాగుంటుందని సెక్స్ నిపుణులు(Sex Experts) అంటున్నారు. భార్యాభర్తలు సంతోషంగా ఉండాలంటే వారానికి ఎన్నిసార్లు సెక్స్(Sex) చేయాలి అనే ప్రశ్న కొందరిని వేధిస్తుంది. అయితే మీకు తెలుసా? భార్యాభర్తలు సంతోషంగా ఉండాలంటే వారానికి ఒకసారి సెక్స్ చేస్తే సరిపోతుంది. కానీ ఇద్దరూ సంతృప్తి చెందాలి.

ఉద్యోగ రీత్యా ఎక్కువ దూరం వెళ్లే జంటలకు సెక్స్ లైఫ్(Sex Life) చాలా అరుదు. వారి మధ్య ప్రేమ(Love) లేదా అని మీరు అడగొచ్చు. ఇక్కడ భార్యాభర్తలు దూరమైనా, దగ్గరలో ఉన్నా.. ఇద్దరూ కలిసి ఉన్నప్పుడే ఆనందం పొందడం ముఖ్యం. ఓ అధ్యయనం ప్రకారం.. చాలా మంది జంటలు సంవత్సరానికి దాదాపు 54 సార్లు సెక్స్‌లో పాల్గొంటారట. ఇలా చూస్తే వారానికోసారి ఒక సెక్స్ లో పాల్గొంటారని అర్థమవుతోంది. సోషల్ సైకలాజికల్ అండ్ పర్సనాలిటీ సైన్స్‌లో మరో అధ్యయన నివేదిక ప్రచురించారు. ఈ అధ్యయనం యునైటెడ్ స్టేట్స్‌లో 40 సంవత్సరాల పాటు మూడు వేర్వేరు ప్రాజెక్టులలో నిర్వహించారు. వారానికి ఒకటి కంటే ఎక్కువ సార్లు సెక్స్ చేసే జంటలు చాలా సంతోషంగా ఉంటారు. నెలకు ఒకసారి లేదా చాలా తక్కువ సెక్స్‌లో పాల్గొనే వారు అసంతృప్తికి గురవుతారని నివేదిక పేర్కొంది.

ఒక నివేదిక ప్రకారం, గొడవలు పడుతున్న జంటల మధ్య లైంగిక సంతృప్తి లేదు. లైంగిక సంతృప్తికి కమ్యూనికేషన్(Communication) చాలా ముఖ్యం. ఇద్దరు వ్యక్తులు మనసు విప్పి తమ భావాలను, డిమాండ్లను పంచుకోవాలి. అప్పుడే మీరు లైంగిక సంతృప్తిని పొందవచ్చు.

మీరు ఒత్తిడి(Stress)లో ఉంటే అది మీ శారీరక, మానసిక ఆరోగ్యంపై చాలా చెడు ప్రభావం చూపుతుంది. ఎక్కువ మానసిక ఒత్తిడికి లోనయ్యే వ్యక్తులు సెక్స్ పట్ల ఆసక్తి చూపరు. వారు సెక్స్ పట్ల లేదా తమ భాగస్వామి భావాలపై ఆసక్తి చూపించరు. ఇది భాగస్వామిలో లైంగిక అసంతృప్తిని కలిగిస్తుంది.

కొంతమంది తమ శరీరాల గురించి ఆలోచిస్తారు. దీని వల్ల తన శరీరాన్ని చూసి భాగస్వామి ఏమనుకుంటారోనని భయపడి సెక్స్‌(Sex)లో పాల్గొనడానికి వెనుకాడతారట. ఈ రకమైన సమస్య ఉన్నవారు సైకియాట్రిస్ట్, సెక్సాలజిస్ట్‌తో మాట్లాడాలి. దానికి ముందు మీ భాగస్వామితో మాట్లాడండి. వారి మాటలు మీ విశ్వాసాన్ని పెంచుతాయి. ఎవరైనా దీర్ఘకాలంగా అనారోగ్యంతో బాధపడుతుంటే వారిలో లైంగిక ఆసక్తి తగ్గుతుంది. వ్యాధికి తీసుకున్న మందులు లైంగిక ఆసక్తిని తగ్గిస్తాయి. మీరు సలహా కోసం వైద్యుడిని అడిగితే, మీకు పరిష్కారం లభిస్తుంది.

చాలా వివాహాల్లో చీలికలకు మొబైల్ కూడా ఒక కారణం. భాగస్వామి మొబైల్ ఫోన్‌(Mobile Phone)లో ఎక్కువ సమయం గడిపినట్లయితే, దంపతుల మధ్య కమ్యూనికేషన్ తగ్గుతుంది. ఇది అసంతృప్తిని కలిగిస్తుంది. బెడ్‌రూమ్‌లో టీవీ ఉంటే, పడుకునే ముందు దాన్ని ఆఫ్ చేయాలని నియమం పెట్టుకోండి. మీరిద్దరూ మీ మొబైల్‌ని దూరంగా ఉంచి, మాట్లాడుకోండి. దీంతో ఇద్దరి మధ్య రొమాన్స్ పెరుగుతుంది.