breakfast recipe: చుక్క నూనె లేకుండా చల్ల పొంగడాలు

చల్లపొంగడాలు వేసవిలో తినడానికి మంచి అల్పాహారం. పొట్టకు చల్లగా, నిండుగా ఉంటాయివి. తక్కువ నీళ్లతో, ఎక్కువ పెరుగుతో చేయడం వల్ల ఆరోగ్యం కూడా. వాటిని తయారు చేసుకోవడం కూడా సులువే.

కావాల్సిన పదార్థాలు:

బియ్యం - 250 గ్రాములు

లావు అటుకులు - సగం కప్పు

పుల్లటి పెరుగు - రెండు కప్పులు

బేకింగ్ సోడా - పావు టీస్పూను

ఉప్పు - రుచికి తగినంత

తయారీ విధానం:

ఒక పెద్ద గిన్నెలో బియ్యం తీసుకుని రెండు మూడు సార్లు శుభ్రంగా కడగాలి. బియ్యంలో రెండు కప్పుల పెరుగు కొన్ని నీళ్లు కలిపి నానబెట్టాలి. కనీసం ఆరుగంటలు ఈ బియ్యం నానాలి. మిక్సీ పట్టుకునే కన్నా ఒక 10 నిమిషాల మందు సన్నం అటుకులు నీళ్లలో నానబెట్టుకుని పక్కన పెట్టుకోవాలి. అటుకులు, నానబెట్టుకున్న బియ్యం, పెరుగుతో సహా వేసి మిక్సీ పట్టుకోవాలి. సిద్ధమైన పిండిని 7 నుంచి 8 గంటలు అలా వదిలేయాలి. పిండి పులిసాక ఉప్పు, సోడా వేసి బాగా కలుపుకొని దోశల్లాగా పెనం మీద వేసుకోవాలి. దోశ అంత సన్నగా కాకుండా కాస్త మందంగా పోసుకోవాలి. ఇష్టం ఉంటే వీటిమీద ఉల్లిపాయ ముక్కలు, క్యారట్ తురుము కూడా వేసుకోవచ్చు. ఈ పొంగడాలు పల్లీ చట్నీతో చాలా బాగుంటాయి.