Dreams: మీ కలలో ఈ జంతువులు కనిపిస్తున్నాయా?అయితే భవిష్యత్తు తెలుసుకోవచ్చు

మనకి కలలో తెలుపు రంగు జంతువులు కనిపిస్తే ఎంతో శుభప్రదంగా పరిగణించాలి. శాస్త్రాల్లోనూ ఇలాంటి కలలు రావడం పవిత్రంగా పరిగణించారు. స్వప్నాల్లో వీటిని చూడటం ద్వారా అదృష్టం కలిసి వస్తుందని నమ్ముతారు. ఏ జంతువు కనిపిస్తే ఎలాంటి ఫలితం దక్కుతుందో, ఏయే అనుభవాలు ఎదురవుతాయో అని భయపడుతుంటాం. ఏ జంతువు కనిపిస్తే ఏం జరుగుతుందో ఇప్పుడు తెలుసుకుందాం.

కలలో జంతువులు కనిపిస్తే సంకేతాలు..

ఆవు:

కలలోకి వస్తే చేపట్టిన పనుల్లో విజయం సాధిస్తారు. ఆవు రూపం కలలో కనిపించిందంటే ఆ వ్యక్తికి దేవుడి పట్ల భక్తి ఎక్కువ.

పాము: 

కలలో పాము కనిపించిందంటే భయపడిపోతుంటాం. కానీ, కలలో పాము కనిపిస్తే ఎలాంటి భయాలు, ఆందోళన చెందాల్సిన అవసరం లేదు. పాము కనిపించడాన్ని శుభ శకునంగా చెబుతారు. పాము కలలో కనిపిస్తే జీవితంలో విజయం సాధిస్తామని అర్థం.

ఏనుగు: 

మనలో చాలా మందికి ఏనుగు ఎక్కువగా కలలో కనిపిస్తుంటుంది. ఏనుగు కలలో కనిపిస్తే మంచిదే. ధన లాభం కలిగేందుకు సంకేతం. ఎలాంటి ఆర్థిక సమస్యలు ఉండవు. త్వరగా ధనవంతులు కాబోయేందుకు ఇది సంకేతం.

గుడ్ల గూబ: 

కలలో గుడ్ల గూబ కనిపించినట్లయితే ధనం, ధాన్యం చేతికి వస్తుందట. గుడ్ల గూబను పలువురు దేవతల వాహనంగా భావిస్తారు. కలలోకి గుడ్ల గూబ వచ్చినట్లయితే లక్ష్మీ దేవి అనుగ్రహం లభించనుందని అర్థం.

జింక: 

ఎప్పుడైనా కలలో జింక కనిపిస్తే ఆర్థిక పరిస్థితి మెరుగుపడటాన్నిసూచిస్తుంది. అదే జింక కలలో చనిపోయినట్లు కనిపిస్తే ప్రేమ వ్యవహారాల్లో వైఫల్యం ఎదురయ్యే అవకాశం ఉన్నట్లు తెలుసుకోవాలి.

పిల్లి : 

కలలో మీరు తెల్ల పిల్లిని చూస్తే కష్టాలు రాబోతున్నాయని , నల్ల పిల్లిని చూస్తే మానసిక సామర్ధ్యాలు ఉపయోగించడానికి భయపడుతాన్నరని అర్ధం. అలాగే పిల్లిని తరుముతున్నట్లు వస్తే మీరు అడ్డంకులను అధిగమిస్తారని సూచిస్తుంది.

ఎద్దు: 

కలలో ఎద్దు కనిపిస్తే పెద్ద మొత్తంలో సంపద రాబోతుందని అర్థం.

గాడిద: 

ఒకవేళ ఎప్పుడైనా కలలో గాడిద కనిపించినట్లైతే చికాకులకు సంకేతం. ఏదైనా బరువు మోస్తున్న గాడిద కనిపించినట్లైతే ఎంతో కష్టపడితేనే విజయం దక్కుతుందని, గాడిద మీద ఊరేగుతున్నట్లు కనిపిస్తే మంచి నాయకత్వ లక్షణాలు ఉన్నట్లు తెలుసుకోవాలి.

మొసలి: 

కలలో మొసలి కనిపిస్తే ఏదో ఊహించని ప్రమాదం రాబోతుందనే అర్థం. మొసలి కరిచినట్లు కల వస్తే వ్యాపారంలో నష్టం రావచ్చట.

కుందేలు: 

పచ్చటి గడ్డిలో కుందేళ్లు ఆడుకుంటున్నట్లు కల వస్తే.. సంతానం వలన సంతోషం కలగబోతున్నట్లు. కుందేలు అదృష్టానికి గుర్తు. అంతా మంచి జరగబోతుందనే దానికి ఇది చిహ్నం.

తాబేలు: 

కలలో తాబేలు వస్తే.. చేసే పనిలో విజయం సాధించడానికి అవకాశాలు ఉన్నాయి కానీ ఇంకా కష్టపడాలని అర్థం.

కుక్క: 

కలలో కుక్క కనిపిస్తే మీ ప్రత్యర్ధి మీద మీరు విజయం సాధిస్తారని, అలాగే ఒక మంచి స్నేహితుడుని కోల్పోతున్నారని సూచిస్తుంది.

పంది: 

పంది కనిపిస్తే మీరు స్వార్ధం లేదా అత్యాశతో అలోచిస్తున్నారని అర్ధం.

ఒంటె: 

మీ కలలో ఒంటె కనిపిస్తే మీరు భారమైన సమస్యలను భుజాలపై మోస్తున్నారని అర్థం.